تٷركٸستاندا بەلگٸسٸز ادام مەشٸتتٸڭ الدىندا تاپا-تالتٷستە جاس قىزعا زورلىق كٶرسەتتٸ. ول كيەلٸ جەرگە دۇعا ەتۋگە كەلگەن بويجەتكەندٸ ۇرىپ-سوعىپ, ۇيالى تەلەفونى مەن التىن بۇيىمدارىن توناپ كەتكەن, - دەپ حابارلايدى NUR.KZ پورتالىنىڭ ٶڭٸرلٸك تٸلشٸسٸ.
سۇمدىق جاعداي 4-شٸ قىركٷيەك كٷنٸ ساعات ون ەكٸلەر شاماسىندا بولعان. بەلگٸسٸز ازامات قوجا احمەت ياسساۋي كەسەنەسٸنٸڭ ماڭىندا بويجەتكەننٸڭ ۇيالى تەلەفونىن جۇلىپ الىپ, قاشىپ كەتكەن. وسى كەزدە بويجەتكەن ۇرىنىڭ ارتىنان ۇزاق جٷگٸرٸپتٸ. اقىرى شارشاعان سوڭ, ارتقا قايتار جولدا تەلەفونىن الىپ قاشقان جٸگٸت جاس قىزدى سايعا قاراي سٷيرەپ, ارام ويىن ٸسكە اسىرعان.
"مەن تەلەفونمەن سٶيلەسٸپ كەلە جاتقام. وسى كەزدە بٸرەۋ تەلەفونىمدى جۇلىپ ەكەتتٸ. ۇرىنىڭ ارتىنان جٷگٸرٸپ شارشاپ كەتتٸم. كەيٸن ارتقا قاراي جٷرٸپ بارا جاتقان كەزٸمدە, ۇرى جٸگٸت مەنٸ سايعا قاراي سٷيرەپ كەتتٸ. سول جەردە ۇرىپ-سوعىپ, شەشٸندٸرٸپ تاستادى", - دەپ جىلاپ جٸبەردٸ زورلىق كٶرگەن بويجەتكەن.
بەت اۋزى قانعا بويالعان قىزدى كٶرگەن كۋەگەرلەر بٸردەن جەدەل جەردەم شاقىرتقان. اۋرۋحاناعا جەتكٸزٸلگەن جەبٸرلەنۋشٸگە دەرٸگەرلەر العاشقى مەديتسينالىق كٶمەك كٶرسەتٸپ, بەت-اۋزىن تٸگٸپ بەردٸ. وقيعا ورنىنا كەلگەن پوليتسەيلەر تەكسەرۋ جۇمىستارىن جٷرگٸزۋدە. تاپا-تالتٷستە مەشٸتتٸڭ الدىندا جاس قىزعا زورلىق كٶرسەتكەن ازامات ٸزدەستٸرٸلۋدە.
