تٷركٸستان وبلىسىندا جيىن-تەرٸم ناۋقانى جٷرٸپ جاتىر. اۋىل شارۋاشىلىعى سالاسىنداعى جۇمىستار بارىسى مەن ٶزەكتٸ مەسەلەلەر تٷركٸستان وبلىسىنىڭ ەكٸمٸ ٶمٸرزاق شٶكەەۆتٸڭ تٶراعالىعىمەن ٶتكەن اپتالىق مەجٸلٸستە تالقىلاندى. ٶڭٸر باسشىسى جيىن-تەرٸم كەزەڭٸندە جۇمىستاردى ساپالى اتقارىپ, شارۋالارعا قولداۋ كٶرسەتۋدٸ تاپسىردى. بۇل تۋرالى وبلىس ەكٸمدٸگٸنٸڭ باسپاسٶز قىزمەتٸ حابارلادى.
«بيىل اۋىل شارۋاشىلىعى سالاسىندا كٶرسەتكٸش جوعارى. جەتٸستٸكتەر جىلى بولىپ تۇر. كٶپ جۇمىس اتقارىلدى. بۇل – وسى سالاداعى ازاماتتاردىڭ, حالىقتىڭ ەڭبەگٸنٸڭ جەمٸسٸ. ەندٸ وسى جەتٸستٸككە جەتۋ جولىن ٷيرەتۋ ٷشٸن شارۋالاردى جيناپ, سەمينار ٶتكٸزۋ كەرەك. كٶكٶنٸس, بيدايعا قاتىستى سەمينار ٶتكٸزٸپ, تەجٸريبەمەن بٶلٸسكەن جٶن. ەگٸستٸك باسىنا اپارىپ, تەحنيكالار مەن تەحنولوگييالاردى كٶرسەتۋ ارقىلى جۇرتشىلىقتى اۋىل شارۋاشىلىعىنا قىزىقتىرا الامىز», – دەدٸ ٶمٸرزاق شٶكەەۆ.
تٷركٸستان وبلىستىق اۋىل شارۋاشىلىعى باسقارماسىنىڭ باسشىسى ت.وسپانوۆتىڭ ايتۋىنشا, بيىل وبلىستا ماقتا داقىلى 126,3 مىڭ گەكتارعا ەگٸلگەن. جالپى 345 مىڭ توننا شيتتٸ ماقتا جينالىپ, ٶتكەن جىلعى كٶرسەتكٸشتەن ارتادى دەپ جوسپارلانىپ وتىر. ماقتا باعاسى بيىل 400 تەڭگە كٶلەمٸندە بولادى دەپ كٷتٸلۋدە. 2021 جىلى بٸر كەلٸسٸنٸڭ باعاسى 320-380 تەڭگە ارالىعىندا بولعان.
بيىل اۋىل شارۋاشىلىعى داقىلدارى 859,9 مىڭ گەكتارعا ورنالاستىرىلىپ, ٶتكەن جىلمەن سالىستىرعاندا 14,4 مىڭ گەكتارعا ارتىپ وتىر. ونىڭ ٸشٸندە دەندٸ داقىلدار 313 مىڭ گەكتارعا ەگٸلسە, كٶكٶنٸس, باقشا, كارتوپ 119,4 مىڭ گەكتارعا ەگٸلگەن.
بٷگٸنگٸ كٷنگە 254 مىڭ گەكتارعا ەگٸلگەن استىقتى ورۋ ناۋقانى اياقتالدى. گەكتار تٷسٸمدٸلٸگٸ 19 تسەنتنەردٸ قۇراپ, ٶتكەن جىلدان 8,7 تسەنتنەرگە ارتىپ, 471,3 مىڭ توننا ٶنٸم جينالدى. كٶكٶنٸس پەن باقشا بويىنشا 2,8 ملن. توننا ٶنٸم جينالسا, 112,6 مىڭ توننا جەمٸس-جيدەك جينالعان.
وبلىس ەكٸمٸنٸڭ تاپسىرماسىمەن جٷزەگە اسىرىلىپ جاتقان «بٸر القاپتان جىلىنا 2-3 ٶنٸم الۋ» جوباسى بويىنشا بيىل 8,4 مىڭ گەكتاردا 3000 جوبا ٸسكە اسىرىلدى, بٸرٸنشٸ, ەكٸنشٸ ٶنٸمنەن 230 مىڭ توننا كٶكٶنٸس ٶنٸمٸ جينالىپ, جۇمىستار جالعاسۋدا. 85,5 گەكتارعا جاڭا جىلىجايلار سالىنىپ, جالپى كٶلەمٸ 1552 گەكتاردى قۇرادى. بٷگٸنگٸ كٷنگە جىلىجايلار ەسەبٸنەن 118 مىڭ توننا ٶنٸم ٶندٸرٸلگەن.
جالپى بيىل مەملەكەت تاراپىنان كٷزگٸ جيىن - تەرٸم جۇمىستارىنا 48 مىڭ توننا جانار-جاعار ماي بٶلٸنٸپ, اگروقۇرىلىمدارعا ليترٸ 200-202 تەڭگەدەن بەرٸلٸپ جاتىر. بۇل — نارىقتىق باعادان 15-20% تٶمەن. 522 تٷرلٸ مينەرالدى تىڭايتقىشتاردىڭ قۇنىن 50%-ىن سۋبسيدييالاۋعا بيۋدجەتتەن قارجى بٶلٸندٸ.
