تٷركٸستاندا بٸر جاسار سەبيٸن ساتپاق بولعان ەيەلگە قاتىستى سوت ٷكٸمٸ شىقتى. وبلىستىق كەمەلەتكە تولماعاندار ٸستەرٸ جٶنٸندەگٸ مامانداندىرىلعان اۋدانارالىق سوتىنىڭ ٷكٸمٸمەن جاس كەلٸنشەك 6 جىلعا باس بوستاندىعىنان ايىرىلدى, دەپ حابارلايدى قازاقپارات.
ايىپتالۋشى ٶتكەن جىلى بالاسىن ساتۋ كەزٸندە ۇستالعان بولاتىن.
قاراعاندى وبلىسىنىڭ 27 جاستاعى تۇرعىنى ٶزٸنٸڭ ماتەريالدىق جاعدايىن جاقسارتۋ ٷشٸن بٸر جاسار ۇلىن ساتپاق بولعان ەدٸ.
ول ٶزٸنٸڭ بۇل ويىن تٷركٸستان قالاسىندا نوتاريۋس بولىپ جۇمىس ٸستەيتٸن تانىس ەيەلگە ايتقان.
الايدا بۇل حاباردى نوتاريۋستان ەستٸگەن قۇزىرلى ورگان ٶكٸلدەرٸ «ساتىپ الۋشىنى» تاۋىپ, كٷدٸكتٸنٸ قىلمىس ٷستٸندە قولعا تٷسٸرگەن بولاتىن.
جاس كەلٸنشەك ۇلىن 7 ملن تەڭگەگە باعالاعان.
وسى قىلمىستىق قۇقىق بۇزۋشىلىق تۋرالى اقپاراتقا بايلانىستى تٷركٸستان قالاسى پروكۋراتۋراسىنىڭ باستاماسىمەن قازاقستان رەسپۋبليكاسىنىڭ قىلمىستىق كودەكسٸنٸڭ 135-بابى 2-بٶلٸگٸنٸڭ 12-تارماعىمەن سوتقا دەيٸنگٸ تەرگەپ-تەكسەرۋ شارالارى جٷرگٸزٸلدٸ.
سوتقا دەيٸنگٸ تەرگەۋ بارىسىندا بالانىڭ اناسىنىڭ قىلمىستىق ەرەكەتتەرٸ دەلەلٸن تاۋىپ, ٸس سوتقا جولدانعان بولاتىن.
بٷگٸندە سوت ٷكٸمٸ زاڭدى كٷشٸنە ەندٸ. ال, بالا بٶبەكتەر ٷيٸنە جٸبەرٸلگەن.
