تٷركٸستان وبلىسىندا شەتەلگە 200 ميلليارد تەڭگەگە جۋىق قاراجاتتى زاڭسىز شىعارۋمەن, كونتراباندامەن, بوپسالاۋمەن جەنە جەمقورلىقپەن بايلانىستى بٸرنەشە قىلمىستىق سحەما ەشكەرەلەندٸ, دەپ حابارلايدى ult.kz.
وبلىستىق پروكۋراتۋرانىڭ مەلٸمەتٸنشە, تٷركٸستان وبلىسى بويىنشا ەكونوميكالىق تەرگەپ-تەكسەرۋ دەپارتامەنتٸ جالعان كەسٸپورىنداردى پايدالانۋ ارقىلى قازاقستاننان شەتەلگە شامامەن 200 ميلليارد تەڭگەنٸڭ زاڭسىز اۋدارىلعانىن انىقتاعان.
اتالعان دەرەك بويىنشا قىلمىستىق كودەكستٸڭ 235-1-بابى 3-بٶلٸگٸ («قازاقستان رەسپۋبليكاسىنان ۆاليۋتالىق قۇندىلىقتاردى زاڭسىز ەكەتۋ, جولداۋ جەنە اۋدارۋ») بويىنشا سوتقا دەيٸنگٸ تەرگەپ-تەكسەرۋ باستالدى.
سونىمەن قاتار قۇقىق قورعاۋ ورگاندارى قىرعىزستاننان تەمەكٸ ٶنٸمدەرٸن زاڭسىز تاسىمالداعان كونتراباندالىق ارنانىڭ قىزمەتٸن توقتاتتى. تەرگەۋ مەلٸمەتٸنە سەيكەس, تەمەكٸ ٶنٸمدەرٸ تٷركٸستان وبلىسىنا زاڭسىز جەتكٸزٸلٸپ, كەيٸن ٶڭٸردە جەنە قازاقستاننىڭ باتىس ايماقتارىندا ساتىلعان.
جەدەل ٸس-شارالار بارىسىندا 103 ميلليون تەڭگەنٸڭ تەمەكٸ ٶنٸمٸ تەركٸلەندٸ. بۇل دەرەك بويىنشا قىلمىستىق كودەكستٸڭ 214-بابى («زاڭسىز كەسٸپكەرلٸك») نەگٸزٸندە تەرگەۋ جٷرگٸزٸلٸپ جاتىر.
بۇدان بٶلەك, شەكارا ماڭىندا جٷك كٶلٸگٸ جٷرگٸزۋشٸلەرٸنەن جٷيەلٸ تٷردە اقشا بوپسالاپ كەلگەن قىلمىستىق توپتىڭ ەرەكەتٸ ەشكەرەلەندٸ. پروكۋراتۋرانىڭ مەلٸمەتٸنشە, تەرگەۋ بارىسىندا زاڭسىز دەلدالدىق ارقىلى الىنعان قاراجاتتىڭ بٸر بٶلٸگٸ مەملەكەتتٸك ورگاننىڭ لاۋازىمدى تۇلعالارىنا پارا رەتٸندە بەرٸلٸپ وتىرعانى انىقتالعان.
قازٸرگٸ ۋاقىتتا وسى فاكتٸ بويىنشا سوتقا دەيٸنگٸ تەرگەۋ جالعاسۋدا. قىلمىستىق سحەماعا قاتىسى بار 23 ادامنىڭ جەكە باسى انىقتالىپ, ولاردىڭ بەسەۋٸ سوت سانكتسيياسىمەن قاماۋعا الىندى.
