جەتٸسۋ وبلىسىندا IV اۋىل سپورتى ويىندارى ٶز مەرەسٸنە جەتتٸ, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
25 شٸلدەدەن باستاپ تالدىقورعان قالاسىندا 14 ٶڭٸردەگٸ اۋىلداردان كەلگەن 3000-عا جۋىق جاس سپورتشى سپورتتىڭ 12 تٷرٸنەن: شاعىن فۋتبول, ۆولەيبول, باسكەتبول (3*3), كٶگالداعى حوككەي, قازاق كٷرەسٸ, اسىق اتۋ, توعىزقۇمالاق, ارمرەستلينگ, گرەك-ريم كٷرەسٸ, دزيۋدو, ەركٸن كٷرەس پەن ٷستەل تەننيسٸنەن سىنعا تٷستٸ.
اسا تارتىستى ٶتكەن سايىستىڭ قورىتىندىسى بويىنشا تٷركٸستاندىقتار مىناداي نەتيجەگە قول جەتكٸزدٸ. جارىستىڭ العاشقى كٷنٸ قول كٷرەسٸنەن جالپىكوماندالىق بٸرٸنشٸ ورىندى يەلەنٸپ, التىن مەدالدٸ ەنشٸلەسە, دزيۋدو كٷرەسٸنەن تٷركٸستان وبلىسى بالۋاندارى جالپىكوماندالىڭ ەكٸنشٸ ورىن يەلەندٸ. باسكەتبولدىڭ 3ح3 تٷرٸنەن ۇلدار اراسىندا تٷركٸستان وبلىسى قۇراما كومانداسى جەڭٸمپاز اتاندى. بۇل سىندا تٷركٸستاندىق قىزدار دا جەڭٸستٸڭ شىڭىن باعىندىردى. قازاقتىڭ ۇلتتىق سپورت تٷرٸ توعىزقۇمالاقتان جەرلەستەرٸمٸز كٷمٸسپەن كٷپتەلدٸ. بۇدان ٶزگە جەتٸسۋ وبلىسىندا ٶتكەن رەسپۋبليكالىق اۋىل سپورتى جاسٶسپٸرٸمدەر سايىسىندا اسىق اتۋدان ۇلدار اراسىندا تٷركٸستاندىقتار توپ جاردى. بەس اسىق ويناۋدان وبلىستىڭ قىزدار كومانداسى تٶرتٸككە ەندٸ. ال ەركٸن كٷرەس شەبەرلەرٸ دە ٶز مىقتىلىقتارىن كٶرسەتٸپ, جالپىكوماندالىق ەسەپتە جەڭٸمپاز اتاندى. ويىنداردىڭ سوڭعى كٷنٸ قازاق كٷرەسٸنەن ٷزدٸك شىققان كوماندالار بەلگٸلٸ بولدى. قازاق كٷرەسٸنەن 112 ۇپايمەن تٷركٸستان وبلىسى توپ جارسا, جەتٸسۋ وبلىسىنىڭ ٶكٸلدەرٸ ەكٸنشٸ, قاراعاندى وبلىسىنىڭ ساڭلاقتارى ٷشٸنشٸ ورىنعا يە بولدى.
وسىدان كەيٸن IV اۋىل سپورتى ويىندارىنىڭ قورىتىندى ۇپايىن جارييالاۋ جەنە جەڭٸمپازداردى ماراپاتتاۋ رەسٸمٸنە كەزەك كەلدٸ. قورىتىندى ەسەپتە 290 ۇپاي جيناعان جەتٸسۋ وبلىسى 1-ورىندى يەلەندٸ. ال 268 ۇپايى بار الماتى وبلىسى 2-ورىن السا, 256 ۇپايمەن تٷركٸستان وبلىسىنىڭ كومانداسى ٷشٸنشٸ ورىنعا تۇراقتادى.
دەستٷر بويىنشا تٶرت جىلدان كەيٸن اۋىل سپورتى ويىندارىن قابىلدايتىن ٶڭٸر انىقتالدى. ويىنداردىڭ تۋىن جەتٸسۋ وبلىسى اقتٶبە وبلىسىنا تاپسىردى.
