تٷركٸستان-شىمكەنت-تاشكەنت باعدارى بويىنشا جوعارى جىلدامدىقتى تەمٸر جول ماگيسترالٸنٸڭ قۇرىلىسى باستالادى. بۇل تۋرالى ٷكٸمەتتٸڭ كەڭەيتٸلگەن وتىرىسىندا پرەمەر-مينيستر اسقار مامين ايتتى, دەپ حابارلايدى قازاقپارات.
«ٷكٸمەت جەكە كاپيتالدىڭ قاتىسۋىمەن باسىم اۋماقتاردا تۋريستٸك ينفراقۇرىلىم قۇرۋ بويىنشا بەلسەندٸ شارالاردى قابىلداپ جاتىر. بيىل 1,1 ترلن تەڭگەگە ينۆەستيتسييالىق جوبالاردى جٷزەگە اسىرۋ جۇمىسى باستالادى. كەلەشەگٸ زور تۋريستٸك دەستيناتسييا رەتٸندە ەكوتۋريزمدٸ, ۇلتتىق پاركتەردٸ دامىتۋ بويىنشا كەشەندٸ شارالار قابىلدانادى. تۋريستەر لەگٸن ارتتىرۋ ٷشٸن تٷركٸستان-شىمكەنت-تاشكەنت باعدارى بويىنشا جوعارى جىلدامدىقتى تەمٸر جول ماگيسترالٸنٸڭ قۇرىلىسى باستالادى», - دەدٸ اسقار مامين.
ونىڭ ايتۋىنشا, بۇل تۋريزم سالاسىندا 22 مىڭ جاڭا جۇمىس ورنىن قۇرۋعا مٷمكٸندٸك بەرەدٸ.
ال ەكونوميكانىڭ ارالاس سالالارىندا 100 مىڭ جاڭا جۇمىس ورنى اشىلادى.
«ٸشكٸ تۋريستەر لەگٸ 22 پايىز ٶسٸممەن شامامەن 4,5 ملن ادامعا جەتەدٸ. جٸٶ-دەگٸ تۋريزم ٷلەسٸ 5,2 پايىز بولادى», - دەدٸ ٷكٸمەت باسشىسى.
