تٷركٸستان وبلىسىنىڭ پوليتسەيلەرٸ قىزمەت بابىندا قايتىس بولعان ەرٸپتەستەرٸن ەسكە الدى, دەپ حابارلايدى قازاقپارات.
تٷركٸستان وبلىسى پوليتسييا دەپارتامەنتٸنٸڭ قىزمەتكەرلەرٸ ەل تىنىشتىعى جولىندا قۇربان بولعان ەرٸپتەستەرٸن بٸر مينۋت ٷنسٸزدٸكپەن ەسكە الىپ, گٷل شوقتارىن قويۋ رەسٸمٸن ٶتكٸزدٸ.
«ەلٸمٸزدە ورىن العان تەررورلىق شابۋىل, ارامىزدان تالاي اسىلدارىمىزدى جۇلىپ ەكەتتٸ. بٷگٸندە قارا جامىلىپ وتىرعان ازاماتتاردىڭ قايعىسىنا ورتاقتاسىپ, كٶڭٸل ايتامىز. قىلمىسقا قارسى كٷرەستە ٷنەمٸ الدىڭعى قاتاردا جٷرگەن, ٶز ٶمٸرٸن جيٸ قاۋٸپ-قاتەرگە تٸگەتٸن پوليتسەيلەردٸڭ قۇقىقتىق تەرتٸپتٸ قامتاماسىز ەتۋگە قوسقان ٷلەسٸ ٶلشەۋسٸز. قىزمەتتٸك بورىشىن اتقارۋ بارىسىندا قازا تاپقان ەرٸپتەستەرٸمٸزدٸ ەسكە الۋ جەنە قۇرمەتتەۋ – بٸزدٸڭ مٸندەتٸمٸز», – دەدٸ تٷركٸستان وبلىسى پوليتسييا دەپارتامەنتٸ باستىعىنىڭ ورىنباسارى باعلان حالىقوۆ.
ايتا كەتەيٸك, تٷركٸستان وبلىسىندا تۇرعىنداردىڭ قاۋٸپسٸزدٸگٸن قامتاماسىز ەتۋ ماقساتىندا 47 بلوك بەكەت ورناتىلدى. ونىڭ ٸشٸندە 45-ٸ قالا, اۋداندارداعى جولدارعا, ەكەۋٸ رەسپۋبليكالىق ماڭىزى بار جولدارعا قويىلعان. تەرتٸپ ساقشىلارى كٷشەيتٸلگەن رەجيمدە قىزمەت اتقارۋدا.
قازٸرگٸ كەزدە ٶڭٸردەگٸ جاعداي قالىپتى.
