تٷركٸستان وبلىسى سايرام-ٶگەم مەملەكەتتٸك ۇلتتىق پاركٸنٸڭ اۋماعىندا مەيٸتٸ تابىلعان تٶرت ستۋدەنتتٸڭ قازاسىنا نە سەبەپ بولعانى انىقتالدى.
تٷركٸستان وبلىسىنىڭ پوليتسييا دەپارتامەنتٸنٸڭ حابارلاۋىنشا, تۋريستەردٸڭ ٶكپەسٸ مەن تىنىس جولدارى سۋعا تولعان. دەمەك جٸگٸتتەر ٶزەنگە باتىپ كەتكەن.
الايدا قۇزىرلى ورگان جٸگٸتتەردٸڭ بٸر كٷندە قايتىس بولعان-بولماعانىن انىقتاي الماعان. تەك ولاردىڭ مەيٸتٸ 29 مامىر مەن 22 ماۋسىم ارالىعىندا تابىلعانى عانا بەلگٸلٸ.
قايعىلى وقيعانىڭ سەبەبٸن انىقتاۋعا قاتىستى تەرگەۋ جالعاسىپ جاتىر. امان قالعان ٷش ستۋدەنت قىلمىستىق ٸسكە كۋەگەر رەتٸندە قاتىسادى.
ايتا كەتەرٸ, 25 مامىر ساعات 18.30-دا "112" پۋلتٸنە تٷركٸستان وبلىسىندا تاۋدا جەتٸ تۋريستٸڭ جوعالىپ كەتكەنٸ تۋرالى حابارلاما تٷستٸ. ٸزدەستٸرۋ جۇمىستارى 27 تەۋلٸك بويى جالعاستى. ٷش تۋريست امان-ەسەن وتباسىمەن قاۋىشسا, تاعى تٶرتەۋٸنٸڭ مەيٸتٸ تابىلدى.
