Túrkistan oblysy Sairam-Ógem memlekettik ulttyq parkiniń aýmaǵynda máiiti tabylǵan tórt stýdenttiń qazasyna ne sebep bolǵany anyqtaldy.
Túrkistan oblysynyń politsiia departamentiniń habarlaýynsha, týristerdiń ókpesi men tynys joldary sýǵa tolǵan. Demek jigitter ózenge batyp ketken.
Alaida quzyrly organ jigitterdiń bir kúnde qaitys bolǵan-bolmaǵanyn anyqtai almaǵan. Tek olardyń máiiti 29 mamyr men 22 maýsym aralyǵynda tabylǵany ǵana belgili.
Qaiǵyly oqiǵanyń sebebin anyqtaýǵa qatysty tergeý jalǵasyp jatyr. Aman qalǵan úsh stýdent qylmystyq iske kýáger retinde qatysady.
Aita keteri, 25 mamyr saǵat 18.30-da "112" pýltine Túrkistan oblysynda taýda jeti týristiń joǵalyp ketkeni týraly habarlama tústi. Izdestirý jumystary 27 táýlik boiy jalǵasty. Úsh týrist aman-esen otbasymen qaýyshsa, taǵy tórteýiniń máiiti tabyldy.
