تٷركٸستان وبلىسىندا كٷدٸكتٸ ەر ادام ەيەلٸن كەمەلەتكە تولماعان بالالارىنىڭ كٶزٸنشە ٶلتٸرگەن. قازٸر بالالارعا پسيحولوگييالىق كٶمەك كٶرسەتٸلۋدە, دەپ حابارلايدى قازاقپارات.
وبلىستىق پد باسپاسٶز قىزمەتٸنٸڭ مەلٸمەتٸنشە, قىلمىستىق وقيعا 29 سەۋٸر كٷنٸ تٷنگٸ ساعات 02:45 شاماسىندا بولعان. وقيعا ورنىنا جەتكەن پوليتسەيلەر وتباسىلىق جانجال كەزٸندە ەيەل ادام كٷيەۋٸنٸڭ سالعان دەنە جاراقاتتارىنان قايتىس بولعانىن انىقتاعان.
«اتالعان جايت ورداباسى اۋداندىق پب-دە قر قك 99-بابى 1-بٶلٸگٸ «كٸسٸ ٶلتٸرۋ» بويىنشا تٸركەلدٸ. الىنعان زاتتاي دەلەلدەمەلەر ساراپتاماعا جولداندى. كٷدٸكتٸ ٶزٸنٸڭ ەرەكەتٸن مويىنداپ, ٶكٸنٸشٸن بٸلدٸرۋدە. قازٸرگٸ تاڭدا سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە. تەرگەۋ بارىسىندا بولعان وقيعانىڭ بارلىق مەن-جايى انىقتالاتىن بولادى. كٷدٸكتٸ ەر ازامات قاماۋعا الىنعان» دەلٸنگەن حابارلامادا.
سونىمەن قاتار كٷدٸكتٸ دەپ تانىلعان ورداباسى اۋدانىنىڭ تۇرعىنى پوليتسييا بٶلٸمٸندە ەشقانداي پروفيلاكتيكالىق ەسەپتە تۇرماعانى بەلگٸلٸ بولدى. وسى كٷنگە دەيٸن كٶرشٸلەردەن نەمەسە تۋىستارىنان قانداي دا بٸر وتباسىلىق جانجال تۋرالى ارىز-شاعىم تٷسپەگەن. ەكٸمدٸك قىزمەتكەرلەرٸ مەن پوليتسييا بٶلٸمٸنٸڭ باسشىلىعى جەبٸرلەنۋشٸنٸڭ تۋىستارىمەن كەزدەسٸپ, تٷسٸندٸرۋ جۇمىستارىن جٷرگٸزگەن. ەرلٸ-زايىپتىلاردىڭ اتا-انالارى كەمەلەتكە تولماعان تٶرت بالانى ٶز قامقورلىقتارىنا الاتىنىن ايتىپ وتىر. پوليتسييا مەن ەكٸمدٸك تاراپىنان وتباسىنا بارلىق قاجەتتٸ كٶمەك كٶرسەتۋ شارالارى قاتاڭ باقىلاۋعا الىندى.
