تٷركٸستان وبلىسىندا اۋىلداستارىمەن كەزدەسكەننەن كەيٸن 32 جاستاعى ەر ادام قازا تاپتى. قايعىلى وقيعا 19 شٸلدە كٷنٸ تٷلكٸباس اۋدانىندا بولعان, دەپ حابارلايدى ult.kz.
مەيرامحانانىڭ بەينەباقىلاۋ كامەراسىنا تٷسٸپ قالعان جازبادا بەس ەر ادامنىڭ ماحانبەت تۇرعانبەكتٸ اياۋسىز سوققىعا جىققانى كٶرٸنەدٸ. مارقۇمنىڭ تۋىستارىنىڭ ايتۋىنشا, ماحانبەتتٸ تەك قاتتى سوققىعا جىعىپ قانا قويماي, تاماعىنا پىشاق سۇعىپ, قانسىراپ جاتقان كٷيٸندە قالدىرىپ كەتكەن.
جاقىندارىنىڭ سٶزٸنشە, تانىستارى كەشكٸ ساعات 22:00-دەن تٷنگٸ 00:00-گە دەيٸن وعان بٸرنەشە رەت قوڭىراۋ شالىپ, كەزدەسۋگە شىعۋىن ٶتٸنگەن. ٷيدەن شىققاننان كەيٸن ونىمەن بايلانىس ٷزٸلگەن. تٷنگٸ ساعات 01:30 شاماسىندا وتباسىنا ونىڭ قازا بولعانى تۋرالى حابار جەتكەن.
ماحانبەتتٸڭ جۇبايى قايعىلى وقيعادان بەرٸ 11 كٷن ٶتسە دە, تەك بٸر عانا ادامنىڭ قاماۋعا الىنعانىن ايتادى. قالعان كٷدٸكتٸلەر ەلٸ كٷنگە دەيٸن بوستاندىقتا جٷر. ونىڭ ٷستٸنە, كٸسٸ ٶلتٸرٸلگەننەن كەيٸن ولاردىڭ بٸرٸ مارقۇمنىڭ تەلەفونىنا تٷسكەن قوڭىراۋلارعا جاۋاپ بەرگەن.
مارقۇمنىڭ ارتىندا جۇبايى مەن بەس بالاسى قالدى. ٷلكەن قىزى 11 جاستا بولسا, كەنجە سەبيٸنە ەلٸ قىرىق كٷن دە تولماعان. پوليتسييا قىلمىستىق كودەكستٸڭ 99-بابىنىڭ 1-بٶلٸگٸ («ادام ٶلتٸرۋ») بويىنشا قىلمىستىق ٸس قوزعادى. الايدا تٷركٸستان وبلىسى پوليتسييا دەپارتامەنتٸ بۇل وقيعاعا قاتىستى ەزٸرگە تٷسٸنٸكتەمە بەرگەن جوق.
