بۇل تۋرالى مەدەنيەت جەنە اقپارات مينيسترلٸگٸ ٶكٸلدەرٸ حابارلادى.
ورتالىق مۋزەيدٸڭ ارحەولوگييا بٶلٸمٸنٸڭ ماماندارى تٷركٸستان وبلىسى, سوزاق اۋدانىنداعى قىزىلكٶل اۋىلى ماڭىندا ورنالاسقان ارحەولوگييالىق ەسكەرتكٸشتە دالالىق زەرتتەۋ جۇمىستارىن اياقتادى. زەرتتەۋ وبەكتٸسٸ قىزىلكٶل تاريحي-مەدەني نىساندا ورنالاسقان عيباداتحانا جەنە ەكٸ قورعان بولدى. نەتيجەسٸندە, قاڭلى مەدەنيەتٸنە قاتىستى, ب.ز.د. ٸٸ عاسىرعا جاتاتىن بٸرەگەي ارتەفاكتٸلەر تابىلدى.
"قازبا جۇمىستارى كەزٸندە ٸرٸ قارا جەنە ۇساق مالدىڭ سٷيەكتەرٸ مەن مٷيٸزدەرٸ, تاس دەنٷككٸش, كەلٸ, ديٸرمەن ت.ب. ەڭبەك قۇرالدارىنىڭ بٶلٸكتەرٸ, قىش ىدىس تۇتقالارى, كيٸمگە ارنالعان تٷيمە فراگمەنتتەرٸ الىندى. عيباداتحانانىڭ باتىس بٶلٸگٸندە اشىلعان بٶلمەنٸڭ ٸشٸندە 60 سم تەرەڭدٸكتە عۇرىپتىق بۇيىم (كۋريلنيتسا) ىدىسىنىڭ كٸشكەنە بٶلٸگٸ ساقتالعان تسيليندر پٸشٸندٸ, تابانى جايپاق تۇعىر تابىلدى", - دەلٸنگەن حاباردا.
ەسكەرتكٸشتٸڭ بيٸك تاۋلار مەن كٶلدەرگە جاقىن ورنالاسۋى, عيباداتحانانىڭ ەرەكشە قۇرىلىمى مەن تابىلعان جەدٸگەرلەردٸڭ تٷرلەرٸ قۇرىلىستىڭ عۇرىپتىق عيباداتحانا رەتٸندە پايدالانىلعانىن كٶرسەتسە, تاس قۇرالدار ەگٸنشٸلٸكتٸڭ, اتاپ ايتقاندا, ەگٸن جيناۋدىڭ دامىعانىن كٶرسەتەدٸ.
ورتالىق مۋزەي ارحەولوگتارى قازاقستاننىڭ كٶنە تاريحىنىڭ جاڭا پاراقتارىن اشا وتىرىپ, ەلٸمٸزدٸڭ ەر ٶڭٸرٸندەگٸ تاريحي نىسانداردا ارحەولوگييالىق قازبا جۇمىستارىن جٷرگٸزۋدٸ الداعى ۋاقىتتا دا جٷيەلٸ تٷردە جالعاستىرۋدى جوسپارلاپ وتىر.
