تٷركٸستان ٶڭٸرٸنٸڭ حالقىن «كەدەي» دەپ ايتۋدى قولدامايمىن. بۇل تۋرالى ٶڭٸر باسشىسى ٶمٸرزاق شٶكەەۆ بٷگٸن ورتالىق كوممۋنيكاتسييالار قىزمەتٸندە ٶتكەن بريفينگٸدە ايتتى, دەپ حابارلايدى قازاقپارات.
ماۋسىم ايىنىڭ باسىندا ۇلتتىق ستاتيستيكا بيۋروسى ٶڭٸرلەر بويىنشا 2021 جىلداعى ورتاشا جالاقى تۋرالى مەلٸمەت ۇسىنعان بولاتىن. وعان سەيكەس, ەڭ تٶمەن ايلىق (195,3 مىڭ تەڭگە) بەرٸلەتٸن ٶڭٸرلەر قاتارىندا تٷركٸستان وبلىسى بار.
«بٸزدٸڭ وبلىستا حالىق كٶپ, 2 ملن اسادى. كٶپبالالى انالاردىڭ ٷشتەن بٸرٸ – تٷركٸستان وبلىسىندا. سوندىقتان ادام باسىنا شاققاندا تابىس از بولىپ كٶرٸنەدٸ. بۇلاي باعا بەرۋ – ەدٸلسٸزدٸك. سوندىقتان تٷركٸستان ٶڭٸرٸنٸڭ حالقىن «كەدەي» دەپ ايتۋدى قولدامايمىن.
تاعى بٸر مەسەلە, تٷركٸستان وبلىسى شىمكەنتتەن بٶلٸنٸپ شىققان سوڭ, تەك اۋىل شارۋاشىلىعى سالاسىنا بەيٸم وبلىس بولىپ قالدى. ونداعى تابىس, ٶندٸرٸس پەن كەسٸپكەرلٸكتەن بٸرشاما تٶمەن. بٸراقتان بٸز ٶندٸرٸستٸ دامىتىپ جاتىرمىز, قۋىپ جەتەمٸز», - دەدٸ شٶكەەۆ.
سونداي-اق وبلىس ەكٸمٸ ٶڭٸردەگٸ قانت تاپشىلىعىنا قاتىستى ايتىپ ٶتتٸ.
«ستاتيستيكالىق مەلٸمەتتە قانت باعاسى 450 تەڭگە دەپ تۇرسا دا, قارا بازاردا 740 تەڭگەدەن ساتىلۋدا. ال ەلەۋمەتتٸك دٷكەندەردە 350 تەڭگەدەن ساۋدالانىپ جاتىر. جاقىن كٷندەرٸ 3 ۆاگون قانت كەلەدٸ. قازٸر قانتتىڭ 20 كٷندٸك قورى بار», - دەدٸ ٶ.شٶكەەۆ.
