Túrkistan óńiriniń halqyn «kedei» dep aitýdy qoldamaimyn. Bul týraly óńir basshysy Ómirzaq Shókeev búgin Ortalyq kommýnikatsiialar qyzmetinde ótken brifingide aitty, dep habarlaidy QazAqparat.
Maýsym aiynyń basynda Ulttyq statistika biýrosy óńirler boiynsha 2021 jyldaǵy ortasha jalaqy týraly málimet usynǵan bolatyn. Oǵan sáikes, eń tómen ailyq (195,3 myń teńge) beriletin óńirler qatarynda Túrkistan oblysy bar.
«Bizdiń oblysta halyq kóp, 2 mln asady. Kópbalaly analardyń úshten biri – Túrkistan oblysynda. Sondyqtan adam basyna shaqqanda tabys az bolyp kórinedi. Bulai baǵa berý – ádilsizdik. Sondyqtan Túrkistan óńiriniń halqyn «kedei» dep aitýdy qoldamaimyn.
Taǵy bir másele, Túrkistan oblysy Shymkentten bólinip shyqqan soń, tek aýyl sharýashylyǵy salasyna beiim oblys bolyp qaldy. Ondaǵy tabys, óndiris pen kásipkerlikten birshama tómen. Biraqtan biz óndiristi damytyp jatyrmyz, qýyp jetemiz», - dedi Shókeev.
Sondai-aq oblys ákimi óńirdegi qant tapshylyǵyna qatysty aityp ótti.
«Statistikalyq málimette qant baǵasy 450 teńge dep tursa da, qara bazarda 740 teńgeden satylýda. Al áleýmettik dúkenderde 350 teńgeden saýdalanyp jatyr. Jaqyn kúnderi 3 vagon qant keledi. Qazir qanttyń 20 kúndik qory bar», - dedi Ó.Shókeev.
