بٷگٸن تٷركٸستان قالاسىنىڭ وبلىس ورتالىعى اتانعانىنا 4 جىل تولۋىنا وراي "تٷركٸستان – ەر تٷرٸكتٸڭ بەسٸگٸ" اتتى اقىندار ايتىسى ٶتتٸ, دەپ حابارلايدى "ۇلت اقپارات" تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
دٷبٸرلٸ دودادا ايتىستىڭ اقتاڭگەرلەرٸ بەكارىس شويبەكوۆ, ايبەك قاليەۆ, مۇحتار نييازوۆ, جانسايا مۋسينا, نۇرزات قارۋ, شۇعايىپ سەزٸمحان, نۇرلان ەسەنقۇلوۆ, مەيٸربەك سۇلتانحان سىندى جالىندى اقىندار باقتارىن سىنادى.
ايتىستىڭ اشىلۋ سالتاناتى تٷركٸستان قالالىق مەدەنيەت ٷيٸ ٶنەرپازدارىنىڭ "ياسسى شاھارى" تاقىرىبىنداعى تەاترلاندىرىلعان كٶرٸنٸسپەن باستالدى. تٷركٸستان قالاسى ەكٸمدٸگٸنٸڭ قولداۋىمەن ٶتكەن جىر سايىسىندا سٶز العان تٷركٸستان قالاسى ەكٸمٸنٸڭ ورىنباسارى ەرلان كٷزەمباەۆ بارشا اقىندارعا سەتتٸلٸك تٸلەپ, ايتىس ٶنەرٸنٸڭ بەرەرٸ مول رۋحاني قۇندىلىق ەكەنٸن تٸلگە تيەك ەتتٸ.
الامان ايتىستىڭ العاشقى جۇبىن شىمكەنتتٸك نۇرلان ەسەنقۇلوۆ پەن الماتىلىق ارۋ نۇرزات قارۋ باستادى. ەدەمٸ ەزٸلدەرمەن ٶرٸلگەن قىز بەن جٸگٸت ايتىسى كٶرەرمەندەر كٶزايىمىنا اينالدى. سونداي-اق, ايتىس ٶنەرٸنٸڭ ازۋلى ارلاندارى تٷركٸستاندىق بەكارىس شويبەكوۆ پەن تورعايلىق ايبەك قاليەۆتىڭ تارتىستى ايتىسى دا كٶپشٸلٸك كٶڭٸلٸنەن شىقتى. التىن دومبىرانىڭ ٷش دٷركٸن يەگەرٸ قىزىلوردالىق مۇحتار نييازوۆ پەن اقجايىقتىڭ ارۋى جانسايا مۋسينا اراسىنداعى ايتىس تا ەدەمٸ ەزٸلدەرمەن كٶمكەرٸلدٸ.
ال, نۇر-سۇلتاننان كەلگەن مەيٸربەك سۇلتانحان مەن الماتىلىق شۇعايىپ سەزٸمحان اراسىنداعى سايىس تا ايتارى مول ايتىس بولدى.
باس جٷلدەنٸ الماتىلىق اقىن شۇعايىپ سەزٸمحان يەلەنسە, ورالدىق ارۋ جانسايا مۋسينا بٸرٸنشٸ ورىنعا لايىق دەپ تانىلدى. ال ەكٸنشٸ ورىندى قىزىلوردالىق مۇحتار نييازوۆ جەڭٸپ السا, ٷزدٸك ٷشتٸكتٸ تٷركٸستاندىق بەكارىس شويبەكوۆ مەن ارقالىقتىڭ ارقالى اقىنى ايبەك قاليەۆ قورتىندىلادى. ودان بٶلەك, تەۋشەن ەبۋوۆا اتىنداعى نوميناتسييا نۇرزات قارۋعا بەرٸلسە, قانىبەك سارىباەۆ اتىنداعى نوميناتسييا نۇرلان ەسەنقۇلوۆقا تابىستالدى. سونداي-اق, كٶپباي وماروۆ اتىنداعى نوميناتسييا مەيٸربەك سۇلتانحانعا بەرٸلدٸ.
