تٷركٸمەنستاننىڭ ونسىز دا ەلسٸز ۆاليۋتاسى ودان ەرٸ قۇنسىزدانىپ, "قارا بازاردا" 1 دوللاردىڭ قۇنى 40 ماناتقا جەتتٸ. ۆاليۋتا باعامى قاڭتار ايىنان بەرٸ 50 پايىزعا تٶمەندەگەن.
قاڭتاردىڭ ورتا تۇسىندا "قارا بازاردا" 1 دوللار 27-28 مانات شاماسىندا تۇرعان. تٷركٸمەنستان ماناتى سودان بەرٸ ەلسٸرەپ كەلەدٸ. مۇنىڭ بٸر سەبەبٸ رەتٸندە تٷركييادا جٷرگەن تٷركٸمەن ميگرانتتارى جٸبەرەتٸن اقشا كٶلەمٸنٸڭ ازايۋىن ايتادى. ورتالىق ازييا ەلدەرٸنٸڭ شەتەلدە جۇمىس ٸستەيتٸن ازاماتتارى ەدەتتە تابىسىنىڭ بٸر بٶلٸگٸن ەلٸندە قالعان تۋىستارىنا جٸبەرٸپ تۇرادى. سونىمەن قاتار, تٷركٸمەنستان-يران شەكاراسىنىڭ اشىلۋى دا بٸر فاكتور رەتٸندە اتالىپ جٷر. شەكارا اشىلعان سوڭ بالالارىن شەتەلدە وقىتاتىن تٷركٸمەندەر دوللار ساتىپ الا باستاعان.
كەيٸنگٸ ەكٸ اپتادا تٷركٸمەنستاننىڭ ۇلتتىق ۆاليۋتاسى – ماناتتىڭ قۇنسىزدانۋى كٷرت كٷشەيٸپ, 3 سەۋٸردە دوللارعا شاققانداعى باعامى 40 ماناتقا جەتتٸ. 20 ناۋرىزدا 1 دوللار 30-31 مانات شاماسىندا تۇرسا, 2 سەۋٸرگە قاراي 38,5 مانات شاماسىندا بولعان.
ەلدٸڭ ورتالىق بانكٸ 2015 جىلى ۆاليۋتانىڭ دوللارعا شاققانداعى باعامىن 3,5 مانات شاماسىندا بەكٸتٸپ, سودان بەرٸ ٶزگەرتكەن جوق.
قازبا بايلىقتارىنان تٷسكەن تابىسقا سٷيەنەتٸن تٷركٸمەنستان ەكونوميكاسى كەيٸنگٸ جىلدارى ەلەمدٸك نارىقتا تابيعي گاز باعاسىنىڭ تٶمەندەۋٸ سالدارىنان قۇلدىراپ كەلەدٸ. تٷركٸمەنستان بارلانعان گازدىڭ كٶلەمٸ بويىنشا كٶش باسىنداعى ەلدەردٸڭ قاتارىنا كٸرەدٸ.
ماناتتىڭ قۇنسىزدانۋى 2020 جىلى ناۋرىزدا باستالعان. تٷركٸمەن گازىنىڭ ەڭ ٸرٸ ساتىپ الۋشىسى قىتاي يمپورتتى كٷرت ازايتىپ, گاز باعاسىنىڭ ەلەم بويىنشا تٶمەندەۋٸنە ەكەلدٸ. وسىدان كەيٸن اشعاباد شەتەل ۆاليۋتاسىنىڭ قۇنىن قاتاڭ باقىلاي باستادى. ورتالىق بانك ەلدە جۇمىس ٸستەيتٸن شەتەلدٸك كومپانييالاردى قىزمەتكەرلەرٸنٸڭ جالاقىسىن ماناتپەن بەرۋگە مٸندەتتەدٸ.
ٶتكەن ايدا ەل پرەزيدەنتٸ گۋربانگۋلى بەردٸمۇحامەدوۆ ٷكٸمەتكە "ماناتتا ساقتالعان قاراجاتتى شەتەل ۆاليۋتاسىنا اۋىستىرۋدا نورماتيۆتٸك اكتٸلەردٸڭ ورىندالۋىن قاتاڭ باعالاۋدى" تاپسىردى.
تٷركٸمەنستان بيلٸگٸ ايقىن دەلەلدەرگە قاراماستان ەلدە كوروناۆيرۋس ينفەكتسيياسىنىڭ بارىن مويىنداماي كەلەدٸ.
