تٷركٸمەنستان پرەزيدەنتٸ گۋربانگۋلى بەردٸمۇحامەدوۆ جۇرتتىڭ كٶزٸنشە العاش رەت كوروناۆيرۋس سٶزٸن ايتتى.
"كوروناۆيرۋس ەلەمدە ٶرشٸپ جاتىر جەنە مۇناي-گازعا باي ورتالىق ازييا مەملەكەتتەرٸنٸڭ ەكونوميكاسىنا كەرٸ ىقپالىن تيگٸزٸپ جاتىر" دەدٸ 3 سەۋٸردە تٷركٸمەن باسشىسى.
مەملەكەتتٸك باق-تىڭ حابارلاۋىنشا, بەردٸمۇحامەدوۆ كوروناۆيرۋستىڭ تارالۋىنا جول بەرمەۋ قاجەتتٸگٸن ايتقان. الايدا تٷركٸمەنستانداعى كوروناۆيرۋس احۋالى تۋرالى ەشتەڭە ايتپاعان.
پوستسوۆەتتٸك اۆتوريتارلىق رەسپۋبليكا پاندەميياعا بايلانىستى "ٷنسٸزدٸك تانىتىپ كەلەدٸ". بيلٸك ەلدەگٸ كوروناۆيرۋس احۋالىنا بايلانىستى بٸردە-بٸر رەت مەلٸمدەمە جاساعان جوق. وسىلايشا حالىقارالىق قاۋىمداستىقتىڭ كٷدٸگٸن ۇلعايتقان.
"شەكاراسىز تٸلشٸلەر" ۇيىمىنىڭ حابارلاۋىنشا, پاندەمييا تۋرالى اقپاراتتىڭ جاپپاي تارالۋىنان سەسكەنگەن بيلٸك كوروناۆيرۋس سٶزٸن ايتۋدان قاشقاقتايدى.
"كٶشەلەردە كوروناۆيرۋس سٶزٸن ايتۋعا تىيىم سالىپ, رەسمي قۇجاتتار مەن باق-تا جازۋعا تىيىم سالعان تٷركٸمەنستان ٷكٸمەتٸ ازاماتتاردىڭ باسىن قاۋٸپ-قاتەرگە تٸگٸپ وتىر" دەدٸ شتاب-پەتەرٸ پاريجدە شوعىرلانعان سٶز بوستاندىعىن قورعاۋ جٶنٸندەگٸ ۇيىم.
بيلٸك 1 سەۋٸردەن باستاپ قىزمەت كٶرسەتۋ ورتالىقتارىن, ساۋدا ورىندارىن, ناۋبايحانالاردى جابا باستاعان. مەكتەپتە وقۋشىلاردىڭ كٶكتەمگٸ دەمالىس ۋاقىتى سوزىلعان. كٶشەدە ماماندار جۇرتتىڭ دەنە قىزۋىن ٶلشەي باستاعان. ازاتتىقتىڭ تٷركٸمەن قىزمەتٸنٸڭ دەرەككٶزدەرٸ ەلدە كوروناۆيرۋس جۇقتىرعاندار سانى كٷننەن-كٷنگە ٶسٸپ كەلە جاتقانىن, بٸراق بيلٸك حابارلاماي وتىرعانىن ايتادى.
حالىقارالىق نارىقتا شيكٸزات قۇنىنىڭ ارزانداۋىنا بايلانىستى تٷركٸمەنستان ەكونوميكاسى قيىندىققا ۇشىرادى.
ورتالىق ازييا ايماعىندا تەجٸكستاندا دا بيلٸك كوروناۆيرۋس بارىن جوققا شىعارىپ كەلەدٸ.
