2 ماۋسىمدا تٷركٸمەنستاننان 490 قانداس قازاقستانعا كٶشٸپ كەلۋٸ تيٸس بولعان, الايدا ولار كەلمەدٸ. قازاقستان سىرتقى ٸستەر مينيسترلٸگٸ بەيسەنبٸ كٷنٸ تٷستەن كەيٸن ازاتتىققا كٶش ماۋسىم ايىنىڭ سوڭىنا اۋىستىرىلعانىن حابارلادى.
"مارشرۋت پەن باسقا دا ۇيىمداستىرۋ مەسەلەلەرٸن ەگجەي-تەگجەي قوسىمشا كەلٸسۋ قاجەتتٸلٸگٸنە بايلانىستى ەتنيكالىق قازاقتاردى جٶنەلتۋدٸ ماۋسىم ايىنىڭ سوڭىنا اۋىستىرۋ تۋرالى قازاقستان جەنە تٷركٸمەن تارابى بٸرلەسٸپ شەشٸم قابىلدادى" دەدٸ مينيسترلٸكتٸڭ رەسمي ٶكٸلٸ ايبەك سماديياروۆ.
2 ماۋسىمدا تٷسكە دەيٸن ماڭعىستاۋ وبلىسى ەكٸمدٸگٸنٸڭ جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسىنىڭ باسشىسى ەسەت شوپانوۆ كٶش "بەلگٸسٸز مەرزٸمگە شەگەرٸلدٸ" دەگەن ەدٸ.
– بەلگٸسٸز ۋاقىتقا شەگەرٸلدٸ. بٸز ونىڭ ۋاقىتىن بٸلمەيمٸز. ناقتى سەبەبٸن دە بٸلمەيمٸز, – دەيدٸ ەسەت شوپانوۆ.
اقپاراتقا قاراعاندا, جولاۋشىلاردى تٷركٸمەنستاننىڭ تەمٸر جول كومپانيياسى تٷركٸمەنباشىدان "بولاشاق" ستانتسيياسىنا جەتكٸزٸپ, ودان ەرٸ قاراي قازاقستاندىق تەمٸر جول كومپانيياسى ولاردى جاڭاٶزەنگە جەتكٸزۋٸ تيٸس بولعان. الايدا ولاردى جەتكٸزەتٸن كٷن قارساڭىندا تٷركٸمەن قازاقتار كٶشٸنٸڭ شەگەرٸلگەنٸ حابارلاندى. ولاردى قازاقستاندا كٷتٸپ العىسى كەلەتٸن تۋىستارىنا ەشكٸم ەشتەڭە ايتپاعان. كەيبٸرٸ ولاردى كٷتٸپ الۋ ٷشٸن ماۋسىم باسىندا جاڭاٶزەنگە دە بارعان.
"وتانداستار" قورىنىڭ مەلٸمەتٸنشە, بىلتىر اقپاندا تٷركٸمەنستاننان – 153 قازاق, مامىر ايىندا - 256, شٸلدەدە 241 قانداس قازاقستانعا ورالعان. ولاردىڭ باسىم بٶلٸگٸ ماڭعىستاۋ وبلىسىنا, از بٶلٸگٸ جامبىل وبلىسى مەن الماتى قالاسىنا قونىستانعان.
قازاقستان 1991 جىلدان باستاپ شەتەلدەگٸ قازاقتاردى ەلگە ەكەلە باستاعان. سودان بەرٸ ەلگە بٸر ميلليوننان استام قازاق ورالعان.
سەنييا تويكەن, ازاتتىق راديوسى
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
