پرەزيدەنت قاسىم-جومارت توقاەۆ تٷركٸ حالىقتارىنىڭ ورتاق جازبا مۇراسىن زەرتتەۋگە ارنالعان «جول كارتاسىن» ەزٸرلەۋدٸ ۇسىندى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«تٷركٸ ەلدەرٸنٸڭ رۋحاني دەرەككٶزدەرٸن زەردەلەيتٸن جوبالارعا ەرەكشە كٶڭٸل بٶلگەنٸمٸز ابزال. بيىل تٷركٸ اكادەميياسى موڭعولييادا جٷرگٸزگەن قازبا جۇمىسىنىڭ نەتيجەسٸندە ماڭىزدى جاڭالىق اشتى. ەكٸنشٸ تٷركٸ قاعاناتىن قايتا تٸرٸلتكەن قۇتلىق قاعاننىڭ كەشەنٸن تاپتى. بۇل – «تٷركٸ» دەگەن سٶزٸ بار ەڭ كٶنە جازبا ەسكەرتكٸش.
وسى ورايدا, مەن تٷركٸ حالىقتارىنىڭ ورتاق جازبا مۇراسىن زەرتتەۋگە ارنالعان «جول كارتاسىن» ەزٸرلەۋدٸ ۇسىنامىن. ول ٷشٸن ەلدەرٸمٸزدٸڭ مۇراعاتتارى ٶزارا اشىق بولۋىن قامتاماسىز ەتۋ قاجەت. كەلەشەكتە سونىڭ نەگٸزٸندە تٷركٸ مەملەكەتتەرٸ ۇيىمىنىڭ «تسيفرلىق كٸتاپحاناسىن» قۇرۋعا بولادى. بۇل جۇمىس قۇندى قۇجاتتار مەن سيرەك كٸتاپتاردى ۇرپاققا مۇرا ەتٸپ قالدىرۋعا مٷمكٸندٸك بەرەر ەدٸ» - دەدٸ توقاەۆ تٷركٸ مەملەكەتتەرٸ ۇيىمى سامميتٸنٸڭ وتىرىسىندا.
سونداي-اق, ول تٷركٸ مەملەكەتتەرٸ ۇيىمىنىڭ قىزمەتٸن باق ارقىلى بەلسەندٸ تٷردە دەرٸپتەۋ كەرەك ەكەنٸن ايتتى.
"تاعى بٸر ماڭىزدى مەسەلەگە توقتالعىم كەلەدٸ. تٷركٸ مەملەكەتتەرٸ ۇيىمىنىڭ قىزمەتٸن بۇقارالىق اقپارات قۇرالدارى ارقىلى بەلسەندٸ تٷردە دەرٸپتەۋٸمٸز كەرەك. بۇل – ٶتە قاجەت نەرسە. وسى جۇمىستى ەلدەرٸمٸزدٸڭ ٸشٸندەگٸ اقپارات قۇرالدارى جەنە بەلگٸلٸ حالىقارالىق اگەنتتٸكتەر اياسىندا جٷرگٸزۋگە بولادى. سەبەبٸ, ەلەم قاۋىمداستىعى بٸزدٸڭ تٷركٸ ەلەمٸندەگٸ ىقپالداستىقتى نىعايتۋ ٷشٸن جاساپ جاتقان اۋقىمدى جۇمىسىمىز تۋرالى بٸلۋٸ قاجەت.
شىندىعىن ايتساق, جاھان جۇرتشىلىعى بٸزدٸڭ ۇيىمنىڭ جۇمىسى تۋرالى ەلٸ دە جاقسى بٸلە بەرمەيدٸ. دەگەنمەن قازٸر تٷركٸ ىنتىماقتاستىعى يدەياسى بٷكٸل ەلەمنٸڭ نازارىن ٶزٸنە اۋدارا باستادى. تٷركٸ ٶركەنيەتٸ تۋرالى حابار بەرەتٸن قۇندى دەرەكتەر جەر شارىنىڭ تٷرلٸ ايماقتارى مەن قۇرلىقتارىنان تابىلىپ جاتىر.
بۇل – بٸزدٸڭ ەلدەرٸمٸزگە ورتاق قۇندىلىقتار. سوندىقتان قولدا بار تاريحي جەنە تٸلدٸك دەرەكتەردٸ جٷيەلەپ, رەتكە كەلتٸرۋ ماڭىزدى مٸندەت دەپ ويلايمىن. عىلىمي ينستيتۋتتاردىڭ جەنە مەكەمەلەردٸڭ اياسىندا بەلسەندٸ جۇمىس ۇيىمداستىرىپ, ونى ەلەم جۇرتشىلىعىنا كەڭٸنەن تانىستىرۋىمىز كەرەك. ۇيىمنىڭ جۇمىسى ديپلوماتييالىق سامميتتەر مەن قورىتىندى قۇجاتتارى بار كەزدەسۋلەرمەن عانا شەكتەلٸپ قالماعانى جٶن. تٷركٸ مەملەكەتتەرٸ ۇيىمى بارشا تٷركٸ ەلەمٸندەگٸ حالىقتاردى جاقىنداستىراتىن ىقپالدى ورتالىققا اينالۋى قاجەت دەپ سانايمىن" - دەدٸ مەملەكەت باسشىسى.
