الماتى تاۋلارىندا 73 جاستاعى وڭتٷستٸك كورەيا ازاماتىن ٸزدەۋ جۇمىستارى جالعاسىپ جاتقاندا, جۋرناليست ميحايل كوزاچكوۆ تۋريستەردٸ ٸزدەۋگە جۇمسالاتىن مەملەكەتتٸك شىعىنداردى ٶتەۋ مەسەلەسٸن زاڭنامالىق دەڭگەيدە قاراستىرۋدى ۇسىندى, دەپ حابارلايدى ult.kz.
جۋرناليستتٸڭ سٶزٸنشە, مەملەكەت قۇتقارۋ جۇمىستارىنا قىمبات تەحنيكا ساتىپ الىپ, قۇتقارۋشىلارعا جالاقى تٶلەيدٸ. ال تاۋدا اداسىپ كەتكەن تۋريستەردٸ ٸزدەۋ ٷشٸن ونداعان ادام جۇمىلدىرىلىپ, ارنايى تەحنيكا, دروندار, كينولوگييالىق توپتار مەن تٸكۇشاقتار تارتىلادى.
«تۋريستەردٸ ٸزدەۋگە كەتكەن شىعىندى زاڭنامالىق دەڭگەيدە قالاي ٶتەۋگە بولاتىنىن بايىپپەن ويلانۋىمىز كەرەك. مەملەكەت قىمبات تەحنيكا ساتىپ الادى, قۇتقارۋشىلارعا جالاقى تٶلەيدٸ. كەيٸن قانداي دا بٸر تۋريست بەيتانىس تاۋدا سۋپەرقاھارمان بولعىسى كەلٸپ, ونداعان ادام ونى ٸزدەۋگە شىعادى. ولار ٶز ٶمٸرلەرٸن قاتەرگە تٸگٸپ, كٷردەلٸ اۋا رايىندا جۇمىس ٸستەيدٸ, جانارماي مەن ۋاقىت جۇمسايدى. بۇل بٸرتٷرلٸ ەمەس پە?» – دەپ جازدى ميحايل كوزاچكوۆ.
قازٸر الماتى تاۋلارىندا وڭتٷستٸك كورەيانىڭ 73 جاستاعى ازاماتى چو كۋكحيدٸ ٸزدەۋ جۇمىستارى ٷشٸنشٸ تەۋلٸك قاتارىنان جٷرٸپ جاتىر.
28 قىركٷيەكتە ول بٸر توپ اداممەن بٸرگە «شىمبۇلاق» اسپالى جولى ارقىلى تالعار اسۋىنىڭ ماڭىنداعى شامامەن 3200 مەتر بيٸكتٸككە كٶتەرٸلگەن. كەيٸن ەر ادام باعىتتى ٶز بەتٸنشە جالعاستىرىپ, قالاعا جالعىز تٷسەتٸنٸن ايتىپ, توپتان بٶلٸنٸپ كەتكەن.
الايدا ول قوناقٷيگە ورالماعان. ونىڭ جوعالعانى تۋرالى اقپارات 29 قىركٷيەكتە 112 قىزمەتٸنە تٷسكەن. وسىدان كەيٸن تٶتەنشە جاعدايلار مينيسترلٸگٸ ٸزدەۋ-قۇتقارۋ جۇمىستارىن باستاپ, جەدەل شتاب قۇردى.
قازٸر ٸزدەۋ جۇمىستارىنا شامامەن 50 ادام, 8 تەحنيكا, 7 درون, 3 كينولوگييالىق ەسەپ جەنە «قازاۆياقۇتقارۋ» تٸكۇشاعى تارتىلعان.
قۇتقارۋشىلار سول تالعار اۋماعىن, بوگدانوۆيچ مۇزدىعىن, وعان ٸرگەلەس شاتقالدار مەن تاۋ سوقپاقتارىن جەنە باسقا دا جەتۋٸ قيىن ۋچاسكەلەردٸ تەكسەرٸپ جاتىر. سونىمەن قاتار بەينەباقىلاۋ كامەرالارىنىڭ جازبالارى قارالىپ, وسى اۋماقتا بولعان تۋريستەردەن سۇراۋ جٷرگٸزٸلۋدە.
ٸزدەۋ جۇمىستارى تەۋلٸك بويى جالعاسىپ جاتىر.
