پاۆلودار وبلىسىنا تٷرٸكمەنستاننان 11 وتباسى كٶشٸپ كەلدٸ. ولار وبلىستاعى قالا, اۋدانداردىڭ بٸرٸن تاڭداپ, سول جەرلەردە قونىستانباق, دەپ حابارلايدى Pavlodarnews.kz.
ٶڭٸرگە قۇرامىندا 46 ادامى بار 11 وتباسى كٶشٸپ كەلدٸ. «دوستىق» ٷيٸندە ٶتكەن جيىندا ەر اۋدان, قالالاردىڭ جۇمىسپەن قامتۋ ورتالىقتارىنىڭ باسشىلارى كەلٸپ, قانداستارعا بوس جۇمىس ورىندارى, قانداي جاعداي جاسالاتىنى تۋرالى مەلٸمەت بەردٸ.
دٷنيەجٷزٸ قازاقتارى قاۋىمداستىعى «وتانداستار قورى» پاۆلودار وبلىستىق فيليالىنىڭ باسشىسى بولات زاۋىت جىل باسىنان بەرٸ رەسەي, مونعولييا, ٶزبەكستان ەلدەرٸنەن 216 ادام كٶشٸپ كەلگەنٸن اتاپ ٶتتٸ.
"بيىل پاۆلودار وبلىسىنا شەت ەلدەردەن كەلەتٸن قانداستارعا 800 ادامعا كۆوتا بٶلٸنگەن. ال, تٷرٸكمەنستاننان بيىل 427 قانداس كەلەدٸ دەپ كٷتٸلۋدە. سونىڭ بٸر بٶلٸگٸ, مٸنە, كەلٸپ وتىر. بۇل وتباسىلار تٷرٸكمەنستاننان قازاقستانعا ۆيزانى پاۆلودار وبلىسىنا بارۋ ٷشٸن العان. سوندىقتان قازٸر تەك وسى وبلىسقا قونىستانىپ, كەم دەگەندە بەس جىل تۇرۋى تيٸس. ولاي بولماسا, شارا قولدانىلادى. ونىڭ بەرٸن ەسكەرتٸپ ايتتىق", - دەدٸ بولات زاۋىت.
ونىڭ ايتۋىنشا, قازاقستانعا قونىس اۋدارعان شەت ەلدەردەگٸ قازاقتار الدىمەن جسن (جەكە سەيكەستەندٸرۋ نٶمٸرٸن) الۋى تيٸس. ول 1 كٷندە بەرٸلەدٸ. كەيٸن «قانداس» مەرتەبەسٸن الادى. ول 4 جۇمىس كٷنٸ ٸشٸندە بەرٸلەدٸ. سودان كەيٸن وسى ٶڭٸرگە تۇراقتى تٸركەۋگە تۇرىپ, بٸر مەزەتتە قازاقستان ازاماتتىعىنا قۇجات تاپسىرادى. وسى ٷردٸستەردەن كەيٸن كۆوتاعا قۇجات تاپسىرادى.
پاۆلودار وبلىستىق جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسىنىڭ باسشىسى الميرا ديسيۋپوۆا قانداستارعا كۆوتا بويىنشا قانداي كٶمەك كٶرسەتٸلەتٸنٸن ايتتى.
"قونىس اۋدارعان وتباسىلاردىڭ ەر مٷشەسٸنە 70 اەك مٶلشەرٸندە اقشالاي كٶمەك بەرٸلەدٸ. بۇل 200 مىڭ تەڭگەدەن اسادى. سونداي-اق قونىستانعان جەرلەرٸنە قاراي 1 جىل بويى اي سايىن باسپانا جالداۋعا سۋبسيدييا الادى. ەگەر قالالىق جەردە ورنالاسسا, 61 مىڭنان 91 مىڭ تەڭگەگە دەيٸن, اۋىلدىق جەردە 45 مىڭنان 64 مىڭ تەڭگەگە دەيٸن الادى. ناقتى سوما وتباسىنداعى ادام سانىنا بايلانىستى. سونداي-اق 1 جىلدىق سومانى بٸر جولدا الىپ, سول باسپانانى ساتىپ الۋعا جۇمساۋعا بولادى", - دەدٸ الميرا ديسيۋپوۆا.
باسقارما باسشىسى وبلىستا قانداستارعا ارنالعان بولجامدى كارتا بار ەكەنٸن ايتتى. وندا 111 ەلدٸ مەكەن بەلگٸلەنٸپ, 1 مىڭنان استام بوس جۇمىس ورنى انىقتالعان.
"كەلگەن وتباسىلار قازٸر ماماندىقتارى مەن بوس جۇمىس ورىندارىنا قاراي قاي اۋدانعا باراتىنىن انىقتايدى. ياعني, تۇراتىن جەردٸ ٶزدەرٸ تاڭدايدى. بٸزدە ەر اۋداندا كۆوتا بار. قازٸرگٸ ۋاقىتتا سەل ەرتەرەك كٶشٸپ كەلگەن وتباسى اقسۋ اۋىلدىق ايماعىن تاڭداپ, تۇراقتاندى. وتاعاسى گاز-ەلەكتر دەنەكەرلەۋشٸ ەكەن. سول ماماندىعى بويىنشا جۇمىس جاساۋدا", - دەدٸ الميرا ديسيۋپوۆا.
باسقارما باسشىسىنىڭ ايتۋىنشا, تٷرٸكمەنستاننان كٶبٸنە تەحنيكالىق مامانى بار, سونىڭ ٸشٸندە گاز-ەلەكتر دەنەكەرلەۋشٸلەر كەلٸپ جاتىر. ال, وبلىسقا نەگٸزٸ دەنساۋلىق ساقتاۋ, بٸلٸم سالاسىنىڭ ماماندارى كەرەك, دەگەنمەن ەزٸرگە ونداي ماماندار كەلٸپ جاتقان جوق.
ٶڭٸرٸمٸزگە قونىس اۋدارعانداردىڭ بٸرٸ ماقسات سٷيەسينوۆ اۋىلدىق جەرلەردٸڭ بٸرٸنە بارىپ, مال شارۋاشىلىعىمەن اينالىسۋدى جوسپارلاۋدا.
"تٷرٸكمەنستاننىڭ بالقانابات ٶلكەسٸنەن كەلدٸك. وتباسىمىزدا تٶرت ادامبىز. ۇلىم مەن قىزىم بار. قىزىم 8-سىنىپتا وقيدى. ٶز ماماندىعىم – ەلەكتريك. جۇبايىم ٷي شارۋاسىندا. مۇندا ماي اۋدانى مەن اققۋلى اۋدانىنىڭ بٸرٸنە بارسام دەپ وتىرمىن. مال شارۋاشىلىمەن اينالىسۋعا نيەت بار. ول جاقتا دا مال ۇستاعانمىن. اتا-انام وسى قازاقستاندا. پاۆلودار وبلىسى جاقسى ەكەن. قازاقستان كەڭ بايتاق جەر عوي. قاي جەرٸ بولسا دا ماعان ىڭعايلى", - دەدٸ ماقسات سٷيەسينوۆ.
ايتا كەتەيٸك, تٷرٸكمەنستانداعى قانداستار 2020 جىلى قازاقستانعا كٶشۋگە نيەت بٸلدٸرگەن. وندا 20 مىڭعا جۋىق قازاق تۇرادى. الايدا, پاندەميياعا بايلانىستى كەيٸنگە شەگەرٸلگەن. كٶبٸ وڭتٷستٸك ٶڭٸرلەردٸ تاڭداعان. قازٸرگٸ كەزدە ەلٸمٸزدە قولدانىستاعى ساياساتقا بايلانىستى قانداستاردى سولتٷستٸك ٶڭٸرلەرگە باعىنداتتاۋدا.
