ٷكٸمەتتٸڭ باسپاسٶز ورتالىعىندا ٶتكەن بريفينگتە قر يندۋسترييا جەنە ينفراقۇرىلىمدىق دامۋ بٸرٸنشٸ ۆيتسە-مينيسترٸ قايىربەك ٶسكەنباەۆ تۇرعىن ٷي قۇرىلىسىنا بٶلٸنگەن قوسىمشا قاراجاتتىڭ قالاي بٶلٸنەتٸنٸن ايتتى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
داعدارىسقا قارسى شارالاردى جٷزەگە اسىرۋ اياسىندا جۇمىسپەن قامتۋدى جەنە ەلەۋمەتتٸك-ەكونوميكالىق تۇراقتىلىقتى قولداۋ ٷشٸن ٷكٸمەت 5,9 ترلن تەڭگە بٶلدٸ. ولاردىڭ ٸشٸندە تۇرعىن ٷي قۇرىلىسىنا 390 ملرد تەڭگە باعىتتالدى.
ق. ٶسكەنباەۆ اتاپ ٶتكەندەي, بۇل قاراجات «نۇرلى جەر» مەملەكەتتٸك باعدارلاماسىن جٷزەگە اسىرۋعا باعىتتالادى. ونىڭ ٸشٸندە 180 ملرد تەڭگەنٸ ۇلتتىق بانك «بەيتەرەك» حولدينگٸ ارقىلى بارلىق ٶڭٸرلەرگە بٶلگەن. تۇرعىن ٷي قۇرىلىسى باستالدى. وسى جىلدىڭ سوڭىنا دەيٸن اياقتالادى دەپ كٶزدەلگەن.
ۇلتتىق بانك «بەيتەرەك» حولدينگٸنە كەزەكتە تۇرعاندارعا نەسيەلٸك تۇرعىن ٷي سالۋعا قوسىمشا 210 ملرد تەڭگە بٶلۋدٸ جوسپارلاپ وتىر. اتالعان قاراجات «5-10-20» پيلوتتىق جوباسىن ٸسكە اسىرۋعا باعىتتالادى.
«بارلىق قاراجات قايتارىمدى. ۇلتتىق بانك "بەيتەرەك" حولدينگٸنە جىلدىق 4% مٶلشەرلەمەمەن بەرەدٸ, تۇرعىن ٷي قۇرىلىس جيناق بانكٸندە كەزەكتە تۇرعاندارعا قارىز جىلدىق 5% مٶلشەرلەمەمەن بەرٸلەدٸ. پيلوتتىق جوبا بيىل ٸسكە اسىرىلادى», — دەدٸ ق. ٶسكەنباەۆ.
سونداي-اق بريفينگ بارىسىندا ق. ٶسكەنباەۆ كوممۋنالدىق قىزمەت شىعىندارىن ٶتەۋ تۋرالى ايتتى.
«كارانتين ەنگٸزٸلگەن ەلدٸ مەكەندەردە ازاماتتاردى قولداۋ ماقساتىندا كوممۋنالدىق قىزمەتتەر شىعىندارىن ٶتەۋ تۋرالى شەشٸم قابىلداندى. ول ٷشٸن رەسپۋبليكالىق بيۋدجەتتە جالپى سوماسى 49,3 ملرد تەڭگە قاراجات قاراستىرىلعان», — دەدٸ ق. ٶسكەنباەۆ.
وسى تٶلەمدەردٸ الۋ ٷشٸن حالىقتىڭ ەلەۋمەتتٸك ەلسٸز توبىنان 7 سانات انىقتالدى.
كوممۋنالدىق قىزمەتتەر بويىنشا ٶتەماقى الۋشىلار مٸندەتتٸ تٷردە تۇرعىن ٷيدٸڭ مەنشٸك يەسٸ بولۋى تيٸس. كوممۋنالدىق قىزمەتتەر تٶلەمٸن ٶتەۋگە قۇقىعى بار تۇلعالار ساناتتارى:
- 1, 2, 3 توپ مٷگەدەكتەرٸ;
- ۇلى وتان سوعىسىنىڭ مٷگەدەكتەرٸ مەن قاتىسۋشىلارى, ولارعا تەڭەستٸرٸلگەن تۇلعالار;
- مٷمكٸندٸگٸ شەكتەۋلٸ بالالاردى تەربيەلەپ وتىرعان وتباسىلار;
- كٶپبالالى وتباسىلار;
- تٶمەن جەنە ودان از زەينەتاقى الاتىن زەينەتكەرلەر;
- مەملەكەتتٸك نەمەسە قوعامدىق مٸندەتتەرٸن, ەسكەري قىزمەتٸن ورىنداۋ بارىسىندا, عارىش كەڭٸستٸگٸنە ۇشۋعا دايىندىق بارىسىندا نەمەسە ۇشۋ كەزٸندە, ادام ٶمٸرٸن قۇتقارۋ جەنە قۇقىق تەرتٸبٸن ساقتاۋ كەزٸندە قازا تاپقان تۇلعالاردىڭ وتباسىلارى;
- اتاۋلى ەلەۋمەتتٸك كٶمەك الاتىن ازاماتتار.
بۇدان كەيٸن قر يندۋسترييا جەنە ينفراقۇرىلىمدىق دامۋ مينيسترلٸگٸ جەرگٸلٸكتٸ اتقارۋشى بيلٸك ورگاندارىنان وسى ساناتتارعا جاتاتىن ادامداردىڭ تٸزٸمٸن الدى. بۇل — 1,6 ملن وتباسى.
«بارلىق قاجەتتٸ رەسٸمدەر مەن قۇجاتتار قابىلداندى. وسى اپتادان باستاپ بۇل قارجى رەسۋرستارى جەرگٸلٸكتٸ اتقارۋشى ورگاندارعا بەرٸلەدٸ جەنە وسى كوممۋنالدىق قىزمەتتەردٸڭ اقىسىن تٶلەۋ باستالادى. مەن حالىقتان بايبالام سالماۋدى سۇرايمىن. سەبەبٸ, كارانتين جارييالانعان بارلىق ەلدٸ مەكەندەردە ناۋرىز نەمەسە سەۋٸر ايلارىنا قاراماستان, ەكٸ ايلىق كوممۋنالدىق قىزمەتتەر تٶلەنەدٸ دەگەن شەشٸم قابىلداندى. بۇل ‒ 1-30 سەۋٸر جەنە 1-30 مامىر ارالىعى. الىنعان قارجى رەسۋرستارى سٸزدەردٸڭ جەكە شوتتارىڭىزعا اۋدارىلادى جەنە سٸز وسى ەكٸ ايدا كوممۋنالدىق تٶلەمدەردٸ تٶلەي الاسىز», — دەدٸ ق. ٶسكەنباەۆ.
