تۇرعىن ٷي قۇرىلىس جيناق بانكٸ («بەيتەرەك» حولدينگٸنٸڭ ەنشٸلەس ۇيىمى) سالىمشىلارى ەندٸ دەپوزيتتەرٸن ساتا الادى. بۇل شوتقا يەلٸك ەتۋ قۇقىعىن ٷشٸنشٸ تۇلعالارعا بەرۋدٸ قاراستىراتىن ونلاين-تابىستاۋ سەرۆيسٸنٸڭ ارقاسىندا مٷمكٸن بولىپ وتىر. وپتسييا «جسسب 24» ينتەرنەت-بانكينگٸندە پايدا بولدى.
ساتىلىمعا جيناق مەرزٸمٸنە كەم دەگەندە 1 جىل بولعان دەپوزيتتەر عانا شىعارىلادى. شوتتى تەك بٸر رەت قانا ساتۋعا بولادى.
- جىل باسىنان بەرٸ 83 000-نان استام قازاقستاندىق تۇرعىن ٷي قۇرىلىس جيناق بانكٸنەن شوت اشتى. بۇل ازاماتتار تۇراقتى تٷردە اقشا سالىپ وتىرىپ, كەمٸ ٷش جىلدى قۇراۋى تيٸس مەرزٸم مەن 16-عا جەتكٸزۋدٸ قاجەت ەتەتٸن باعالاۋ كٶرسەتكٸشٸنە قاتىستى بانك تالاپتارىن ورىنداعان جاعدايدا, 5% مٶلشەرلەمەمەن تۇرعىن ٷي زايمىن الا الادى. بانكتە تۇرعىن ٷي زايمىن الۋعا كەلٸپ قالعان, بٸراق بەلگٸلٸ بٸر جاعدايلارعا بايلانىستى كەلٸسٸم-شارتتى بۇزىپ, جيناعان اقشاسىن قايتارىپ الۋدى شەشكەن كليەنتتەر بار. بۇل جاعدايدا ولار بٸزدٸڭ جاڭا قىزمەتٸمٸزدٸ, ياعني دەپوزيتتەرگە يەلٸك ەتۋ قۇقىعىن ٷشٸنشٸ تاراپقا ونلاين جولمەن بەرۋ ەدٸسٸن قولدانا الادى. سەبەبٸ جاقسى جيناق مەرزٸمٸ جەنە سوماسى بار شوتتى ساتىپ الامىن دەيتٸن جانداردىڭ دا قاتارى كٶپ. ولار ۇزاق كٷتپەي-اق, از ۋاقىتتىڭ ٸشٸندە تٶمەن پايىزبەن تۇرعىن ٷي زايمىن رەسٸمدەي الاتىن بولادى, - دەپ تٷسٸندٸردٸ تۇرعىن ٷي قۇرىلىس جيناق بانكٸ باسقارما تٶرايىمى لەززات يبراگيموۆا.
قازٸر دەپوزيتكە يەلٸك ەتۋ قۇقىعىن بەرۋدٸ تەك جاقىن تۋىستار اراسىندا عانا جٷرگٸزۋگە رۇقسات ەتٸلگەن. سالىمشىلار اراسىنداعى شەكتەن تىس الىپساتارلىققا توسقاۋىل قويۋ جەنە مەملەكەتتٸك باعدارلامالار اياسىندا پەتەر ساتىپ الۋ تەرتٸبٸن بۇزباۋ ٷشٸن كەلٸسٸم-شارتتى ٷشٸنشٸ تۇلعاعا ساتۋ مٷمكٸندٸگٸنە بانك كەزٸندە تىيىم سالعان بولاتىن. جاڭا سەرۆيستٸ ەزٸرلەۋ بارىسىندا بانك بۇل مەسەلەلەردٸ ەسكەرٸپ وتىر. بۇل ەدٸسپەن ساتىلعان شوت ارقىلى دەپوزيتتٸڭ جاڭا يەسٸ ٷيدٸ تەك كوممەرتسييالىق نارىقتان الا الادى. مۇنداي سالىمدار مەملەكەتتٸك باعدارلامالارعا قاتىسا المايدى. وسىلايشا جەڭٸلدەتٸلگەن شارتتارمەن ەلەۋمەتتٸك تۇرعىن ٷي الۋ ٷشٸن ٶز بەتٸنشە جەنە تۇراقتى تٷردە اقشا جيناپ جاتقان سالىمشىلاردىڭ مٷددەسٸ قورعالادى.
دەپوزيتتەردٸ ساتۋدىڭ جاڭا سەرۆيسٸ بارىنشا ايقىن, اشىق جەنە انونيم بولادى. ٸس جٷزٸندە پروتسەسس كەلەسٸدەي جٷرەدٸ: دەپوزيت ساتۋشى «جسسب 24» ينتەرنەت-بانكينگٸندە شوتىن ساتىلىمعا شىعاراتىنى تۋرالى حابارلاندىرۋ جارييالاپ, باستاپقى باعانى كٶرسەتەدٸ. ول ساتىلاتىن شوتتاعى بارلىق جيناقتىڭ جالپى سوماسىنىڭ 20%-نان اسپاۋى تيٸس. مىسالى, بانك كليەنتٸنٸڭ سالىمىندا 1 ملن تەڭگە جينالسا, ول دەپوزيت ٷشٸن 1 200 000 تەڭگەدەن اسپايتىن باستاپقى باعانى قويا الادى.
دەپوزيت ساتىپ الامىن دەگەن ادام ساۋداعا قاتىسۋ ٷشٸن ونلاين-تٶلەمنٸڭ كٶمەگٸمەن 20 000 تەڭگە كٶلەمٸندەگٸ كەپٸلدٸك جارناسىن تٶلەيدٸ. بۇل ونىڭ شىن مەنٸندە شوت الۋعا نيەتتٸ ەكەنٸنٸڭ راستايدى. وسىدان كەيٸن قولايىنا كەلەتٸن حابارلاندىرۋدى تاڭداپ, دەپوزيتتٸ ساتىپ الامىن دەگەن باعاسىن كٶرسەتٸپ, ٶتٸنٸش جٸبەرەدٸ. باعانىڭ ٶسۋ قادامى 20 000 تەڭگە. ساتىپ الۋشى ۇسىناتىن ەڭ جوعارى سوما جيناق سوماسىنا تەڭ قاراجات كٶلەمٸنەن اسپاۋى تيٸس.
ٶتٸنٸم قابىلداۋ مەرزٸمٸ اياقتالعان سوڭ, جٷيە جەڭٸمپازدى, ياعني ەڭ جوعارى باعا ۇسىنعان ادامدى انىقتايدى. ال باسقا قاتىسۋشىلارعا كەپٸلدٸك جارناسى اۆتوماتتى تٷردە قايتارىلادى.
وسىدان كەيٸن دەپوزيتكە يەلٸك ەتۋ قۇقىعىن اۋىستىرۋ رەسٸمٸ باستالادى. ساتۋشى قۇجاتتارعا قول قويىپ, دەپوزيت اقىسى اۋدارىلۋى تيٸس شوت رەكۆيزيتتەرٸن كٶرسەتەدٸ. ساتىپ الۋشى دا تيٸستٸ قۇجاتتارعا قول قويىپ, سالىم اقىسىن تٶلەيدٸ. مۇنىڭ بەرٸ ونلاين-رەجيمدە جٷرەدٸ.
بۇل كەزەڭدە ساتىپ الۋشى مەمٸلەدەن باس تارتامىن دەپ شەشسە, ونىڭ كەپٸلدٸك جارناسى قايتارىلمايدى, بۇل سوما ساتۋشىعا بەرٸلەدٸ. ساتۋشى باس تارتقان جاعدايدا, 1 اي بويى سالىمىن قايتا ساتىلىمعا شىعارا المايدى, ال كەپٸلدٸك جارناسى دەپوزيتتٸ ساتىپ الۋعا نيەت بٸلدٸرگەن ادامعا قايتارىلادى. بۇل پروتسەسكە قاتىسۋشىلاردىڭ مەمٸلەگە بارىنشا بايىپپەن قاراپ, جاۋاپكەرشٸلٸكتٸ سەزٸنۋلەرٸ ٷشٸن جاسالىپ وتىر.
دەپوزيتتٸ ٷشٸنشٸ تۇلعاعا ساتۋ – بانكتٸڭ اقىلى قىزمەتٸ. كوميسسييا جيناق سوماسىنىڭ 0,5%-نا تەڭ. ول ساتىپ الۋشىدان الىنادى.
قازٸرگٸ ۋاقىتتا ونلاين-تابىستاۋ سەرۆيسٸ ينتەرنەت-بانكينگتٸڭ ۆەب-نۇسقاسىندا عانا قولجەتٸمدٸ. قىزمەتتٸڭ موبيلدٸ نۇسقاسى ەزٸرلەنٸپ جاتىر.
