تۇرعىن ٷي كووپەراتيۆتەرٸنٸڭ قىزمەتٸن قاتاڭ رەگلامەنتتەۋ قاجەت. بۇل تۋرالى مەجٸلٸس دەپۋتاتى فايزوللا كامەنوۆ ايتتى, دەپ حابارلايدى قازاقپارات.
«قازٸرگٸ ۋاقىتتا قازاقستاندا 1 827 تٷرلٸ تۇتىنۋ كووپەراتيۆٸ تٸركەلگەن. بٸراق ازاماتتاردىڭ شاعىمدارى كٶبٸنە تۇرعىن ٷي تۇتىنۋ كووپەراتيۆتەرٸنٸڭ ەرەكەتٸنە تٷسەدٸ. بٷگٸنگٸ تاڭدا قۇقىق قورعاۋ ورگاندارى قارجى پيراميداسىن قۇرۋ فاكتٸلەرٸ بويىنشا كٶپتەگەن ٸس تەرگەۋدە. ونىڭ ٸشٸندە رەسپۋبليكا «نوۆىي دوم 2017», «سۆوي دوم», «بەست ۆەي-نەدۆيجيموست», «شاڭىراق كتك», «وتان ستروي» سيياقتى ٶندٸرٸستٸك كووپەراتيۆتەر نازارعا ەركەشە تٷسەدٸ. ولاردىڭ جالپى زالال سوماسى - 200 ملن تەڭگەدەن اسادى. بۇل - قىلمىستىق ٸس قوزعالعان تۇرعىن ٷي كووپەراتيۆتەرٸنٸڭ تولىق ەمەس تٸزٸمٸ. بٸراق كٶبٸنە قۇقىق قورعاۋ ورگاندارى اكتسيونەرلەر مەن كووپەراتيۆتەردٸڭ قۇقىقتىق قاتىناستارىنىڭ ازاماتتىق-قۇقىقتىق سيپاتىنا سٸلتەمە جاساي وتىرىپ, مۇنداي جاعدايلاردى تەرگەۋدەن باس تارتادى», - دەدٸ بٷگٸن مەجٸلٸستٸڭ جالپى وتىرىسىندا قر پرەمەر-مينيسترٸنٸڭ ورىنباسارى رومان سكليارعا دەپۋتاتتىق ساۋال جولداعان فايزوللا كامەنوۆ.
ونىڭ اتاپ ٶتۋٸنشە, مۇنداي ۇيىمدارعا ۋەكٸلەتتٸ ورگاندار تاراپىنان تيٸستٸ باقىلاۋ جٷرگٸزٸلمەيدٸ.
تۇتىنۋ كووپەراتيۆتەرٸن قۇرۋ ايتارلىقتاي جەڭٸل, بٸراق وسى ورايدا ازاماتتاردىڭ ٶز اقشاسىن جوعالتىپ الۋى سەكٸلدٸ سالدار ەلٸ دە مەملەكەتتٸڭ پروبلەماسىنا اينالىپ وتىر.
«وسى دەپۋتاتتىق ساۋالمەن تۇرعىن ٷي ساتىپ الۋ ٷشٸن ازاماتتاردىڭ قاراجاتىن تٸكەلەي نەمەسە جاناما تٷردە تارتاتىن بارلىق وسىنداي كووپەراتيۆتەردٸڭ قىزمەتٸن قاتاڭ تٷردە رەگلامەنتتەۋ قاجەت ەكەندٸگٸن سۇرايمىز. ال الدانعان تۇرعىن ٷي سالىمشىلارى سانىنىڭ ٶسۋٸنە جول بەرمەۋ ماقساتىندا ٷكٸمەتكە مىناداي ٸس-شارالاردى قابىلداۋدى ۇسىنامىز: تۇتىنۋ كووپەراتيۆتەرٸن تيٸسٸنشە باقىلاۋ جەنە ولاردىڭ قىزمەتٸن رەگلامەنتتەۋ ٷشٸن مەملەكەتتٸك ورگانداردىڭ ٷيلەستٸرۋشٸسٸن ايقىنداپ بەرۋ; تۇتىنۋ كووپەراتيۆتەرٸ ارقىلى باسپانا ساتىپ الۋ ٷشٸن اقشا قاراجاتىن سالۋ قاۋپٸ تۋرالى ازاماتتاردى حاباردار ەتۋ», - دەدٸ مەجٸلٸس دەپۋتاتى.
