ٸشكٸ ٸستەر مينيسترٸ قازاقستان پرەزيدەنتٸنە دەرٸ-دەرمەكتٸ زاڭسىز ساتۋدىڭ جولىن كەسۋ جەنە كارانتين شارالارىن بۇزۋ فاكتٸلەرٸ تۋرالى باياندادى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ كوروناۆيرۋس ٸندەتٸنٸڭ تارالۋىنا قارسى كٷرەس مەسەلەلەرٸ جٶنٸندە ٶتكەن سەلەكتورلىق كەڭەستە قۇقىق قورعاۋ, دەنساۋلىق ساقتاۋ جەنە جەرگٸلٸكتٸ اتقارۋشى ورگاندار دەرٸلٸك زاتتار مەن مەديتسينالىق قۇرال-جابدىقتاردى ساتۋ بويىنشا قۇقىق بۇزۋشىلىقتاردى انىقتاۋدا جەنە ونىڭ جولىن كەسۋدە تۇراقتى تٷردە ۆەدومستۆوارالىق جۇمىس جٷرگٸزۋ قاجەتتٸگٸن باسا ايتتى.
كەڭەستە ٸشكٸ ٸستەر مينيسترٸ ە.تۇرعىمباەۆ ەسەپ بەرٸپ, ٸٸم دەنساۋلىق ساقتاۋ جەنە جەرگٸلٸكتٸ اتقارۋشى ورگاندارمەن بٸرلەسٸپ,18 مىڭنان استام رەيد جٷرگٸزگەنٸ تۋرالى باياندادى.
كٶرسەتٸلگەن كەزەڭدە بارلىعى 4000-نان استام كارانتيندٸ بۇزۋشىلار انىقتالىپ, شارا قولدانىلدى. اتاپ ايتقاندا مۇنداي جاعداي الماتى قالاسىندا, اقمولا, تٷركٸستان, الماتى جەنە جامبىل وبلىستارىندا كٶپ تٸركەلدٸ.
دەرٸلٸك زاتتار مەن مەديتسينالىق ماقساتتاعى بۇيىمداردى زاڭسىز ساتۋدىڭ جولىن كەسۋ بويىنشا (5 شٸلدەدەن باستاپ) ٸشكٸ ٸستەر ورگاندارى زاڭسىز اينالىمنان 65 مىڭنان اcتام قوراپ دەرٸلٸك پرەپاراتتاردى, جارتى ميلليون مەديتسينالىق ماسكا مەن 36 مىڭ مەديتسينالىق بۇيىمدى تەركٸلەگەن. ولار قىمبات باعادا ساتىلعان.
سونداي-اق ٸشكٸ ٸستەر ورگاندارى دەرٸلٸك زاتتاردى زاڭسىز ساتۋدىڭ 348 فاكتٸسٸنٸڭ جولىن كەستٸ. پوليتسيياعا 284 ادام جەتكٸزٸلدٸ, ونىڭ 138-سٸ مەديتسينا سالاسىنىڭ قىزمەتكەرلەرٸ. دەرٸ-دەرمەكتٸڭ كٶپ كٶلەمٸ نۇر-سۇلتان, الماتى, شىمكەنت, قاراعاندى جەنە اتىراۋ قالالارىندا الىندى.
الىنعان مەديتسينالىق پرەپاراتتار اۋماقتىق دەنساۋلىق ساقتاۋ ورگاندارىنا بەرٸلەدٸ.
سونىمەن قاتار ە.تۇرعىمباەۆ ٸشكٸ ٸستەر ورگاندارى جٷرگٸزٸپ جاتقان قوعامدىق تەرتٸپتٸ ساقتاۋ جەنە قولدانىستاعى شەكتەۋ شارالارىن قامتاماسىز ەتۋ جۇمىستارى تۋرالى باياندادى. بۇل مٸندەتتەردٸ ورىنداۋ ٷشٸن كٷندەلٸكتٸ 13 000 پوليتسەي, ۇلتتىق ۇلاننىڭ ەسكەري قىزمەتشٸلەرٸ جەنە 1000 ەرٸكتٸ جۇمىس ٸستەۋدە. 4 وبلىستا 2 سانيتارييالىق جەنە 9 بلوكبەكەت قويىلدى. 241 جۇقتىرۋ وشاعى مەن 366 كارانتيندٸك نىسان قورشاۋعا الىندى.
كەڭەس قورىتىندىسى بويىنشا, پرەزيدەنت ٸشكٸ ٸستەر ورگاندارى بۇل باعىتتاعى جۇمىستى جالعاستىراتىنىن, ال, كٸنەلٸلەر زاڭناماعا سەيكەس جازالاناتىنىن اتاپ ٶتتٸ.
بۇل تاپسىرمانىڭ ٸسكە اسىرىلۋىن باقىلاۋ قر پرەزيدەنتٸ ەكٸمشٸلٸگٸنٸڭ ٷيلەستٸرۋمەن قاۋٸپسٸزدٸك كەڭەسٸنٸڭ اپپاراتىنا جٷكتەلدٸ.
