بٷگٸندە 12 مىڭ پوليتسييا قىزمەتكەرٸ تەك نىسان كٷزەتٸپ وتىر. بۇل تۋرالى قر ٸشكٸ ٸستەر مينيسترٸ ەرلان تۇرعىمباەۆ مەلٸم ەتتٸ, دەپ حابارلايدى "ۇلت اقپارات".
بٷگٸن پارلامەنت سەناتىنداعى ٷكٸمەت ساعاتىندا 2019-2021 جىلدارعا ارنالعان ٸشكٸ ٸستەر ورگاندارىن جاڭعىرتۋ بويىنشا جول كارتاسىن ٸسكە اسىرۋ تاقىرىبى تالقىلاندى.
پوليتسييانى ٶزٸنە تەن ەمەس فۋنكتسييالاردان بوساتۋ مەسەلەسٸنە توقتالعان مينيستر, «مەملەكەتتٸك ورگانداردىڭ جەنە زاڭدى تۇلعالاردىڭ 72 كٷزەت نىسانى بەسەكەلەستٸك ورتاعا بەرٸلدٸ. سپورتتىق جەنە مەدەني-كٶپشٸلٸك ٸس-شارالاردىڭ قاۋٸپسٸزدٸگٸن قامتاماسىز ەتۋگە ٸشكٸ ٸستەر ورگاندارى بٶلٸنٸستەرٸن جاپپاي تارتۋ پراكتيكاسى قىسقارتىلدى. ەندٸ بۇقارالىق ٸس-شارالاردىڭ ۇيىمداستىرۋشىلارى جەكە كٷزەت قۇرىلىمدارىنىڭ قىزمەتكەرلەرٸن جەنە ەرٸكتٸلەردٸ تارتادى», - دەدٸ.
ونىڭ سٶزٸنە قاراعاندا, كٷزەت بويىنشا تاعى 662 نىساندى (قازىناشىلىق, سالىق قىزمەتتەرٸ, قويمالار, سوتتار, پروكۋراتۋرا) بەسەكەلەستٸك ورتاعا بەرۋ مەسەلەسٸ پىسىقتالۋدا.
«بٷگٸندە 12 مىڭ پوليتسييا قىزمەتكەرٸ تەك نىسان كٷزەتٸپ وتىر. ولارعا قىلمىستىڭ بەتٸن اشۋ , قۇقىقبۇزۋشىلىقتىڭ الدىن الۋ بويىنشا جۇمىستار جٷكتەلمەگەن», - دەدٸ ەرلان تۇرعىمباەۆ.
ونىڭ ايتۋىنشا, ەلٸمٸزدە 5 100 كٷزەت قۇرىلىمى بار, ولار ٸشكٸ ٸستەر مينيسترلٸگٸمەن ليتسەنزييالانعان. اتالعان كٷزەت قۇرىلىمدارىنىڭ ٸشٸندە تەك 2800-ٸ عانا قىزمەت ەتۋدە. وسى ورايدا ولارعا كٷزەت نارىعىندا جۇمىس بولماي تۇر.
«بٸزدە مامانداندىرىلعان كٷزەتشٸلەر 98 مىڭعا جەتتٸ. ولاردا كٷزەت قىزمەتٸنە ليتسەنزيياسى بار, سونداي-اق ولارعا قارۋ ۇستاۋعا قۇقىق بەرٸلگەن», - دەدٸ ۆەدومستۆو باسشىسى.
