قر ٸشكٸ ٸستەر مينيسترلٸگٸنٸڭ كٶشٸ-قون قىزمەتٸ كوميتەتٸ تٶراعاسىنىڭ ورىنباسارى گالينا سەرسەنوۆا قر ٷكٸمەتٸنٸڭ باسپاسٶز ورتالىعىندا ٶتكەن بريفينگتە مەكەنجاي انىقتاماسىن الىپ تاستاۋ تۋرالى ايتىپ بەردٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
مەكەنجاي انىقتاماسىن بەرۋ قىزمەتٸن ٸشكٸ ٸستەر مينيسترلٸگٸ كٶرسەتەتٸن ەدٸ. بۇل قىزمەت سۇرانىسقا يە قىزمەتتەردٸڭ بٸرٸ بولدى. تەك بيىلدىڭ ٶزٸندە 9 ملن مەكەنجاي انىقتاماسى بەرٸلگەن.
گالينا سەرسەنوۆانىڭ ايتۋىنشا, بۇل قارجىلىق جٷكتەمە دە, وسى قىزمەتتٸ كٶرسەتكەن كورپوراتسييا قىزمەتكەرلەرٸ ٷشٸن فيزيكالىق جٷكتەمە دە بولدى.
اتالعان قىزمەتتٸ اۆتوماتتاندىرۋ اياسىندا ونى ۇسىنۋ قاجەتتٸگٸنٸڭ جوقتىعىن ەسكەرە وتىرىپ, اتالعان انىقتامانى الىپ تاستاۋ تۋرالى شەشٸم قابىلداندى. 30 قىركٷيەكتە مەملەكەتتٸك كٶرسەتٸلەتٸن قىزمەتتەر تٸزٸلٸمٸنە تٷزەتۋلەر ەنگٸزٸلدٸ, وعان سەيكەس مەكەنجاي مەلٸمەتتەرٸن بەرۋ بويىنشا مەملەكەتتٸك قىزمەت «شەكارا ماڭى اۋماعىنداعى ەلدٸ مەكەندە تۇرعىلىقتى جەرٸ بويىنشا تٸركەلۋٸن راستايتىن مەلٸمەتتەردٸ ۇسىنۋ» جاڭا قىزمەتٸنە الماستىرىلادى.
«بٸز نەگە شەكارا ماڭى اۋماقتارى ٷشٸن قالدىردىق, ٶيتكەنٸ, بۇل نورما حالىقارالىق كەلٸسٸمشارتتا قاراستىرىلعان. بۇل – رف پەن قر اراسىنداعى ەلدٸ مەكەندەردٸڭ شەكارالارىن كەسٸپ ٶتۋگە قاتىستى كەلٸسٸم. ونداي ەلدٸ مەكەندەر سانى 400-گە جۋىق, قازاقستان مەن رەسەي فەدەراتسيياسىنىڭ شەكارا ماڭى اۋماقتارىنىڭ بويىندا ورنالاسقان. بۇل جاعدايدا مەكەنجاي انىقتاماسى ۇسىنىلادى, ول تەك وسى اۋىلدار ٷشٸن عانا بەرٸلەتٸن بولادى. ياعني, فورماتتىق-لوگيستيكالىق باقىلاۋ بەلگٸلەنەدٸ», — دەدٸ گ. سەرسەنوۆا.
انىقتامانى تەك اۋىلدىق وكرۋگتەردٸڭ ەكٸمدەرٸ شەكارا ماڭى ەلدٸ مەكەندەرٸنٸڭ تۇرعىندارىنا بەرەتٸن بولادى. زاڭناماعا ەكٸمدەرگە قۇزىرەتتەر بەرۋ بويىنشا ٶزگەرٸستەر ەنگٸزٸلەدٸ. سونىمەن قاتار, اتالعان اۋىلداردىڭ تۇرعىندارى ينتەرنەت جەلٸسٸ قولجەتٸمدٸ بولعان جاعدايدا egov.kz ەلەكتروندى ٷكٸمەت پورتالى ارقىلى مەكەنجاي انىقتاماسىن ٶز بەتٸنشە الا الادى.
بۇدان باسقا, بۇل مەلٸمەتتەر ورتالىق مەملەكەتتەر ورگاندار دەڭگەيٸندە, سونداي-اق مەملەكەتتٸك ورگانداردىڭ باعىنىشتى وبلىستىق, اۋداندىق اۋماقتىق بٶلٸمشەلەرٸ ٷشٸن قولجەتٸمدٸ بولادى.
گ. سەرسەنوۆانىڭ ايتۋىنشا, كەز كەلگەن ازامات ەلەكتروندى ٷكٸمەت پورتالىنا كٸرٸپ, تۇرعىلىقتى مەكەنجايى بويىنشا ٶزٸنٸڭ مەلٸمەتتەرٸن تەكسەرە الادى.
بۇل رەتتە, باسقا ۇيىمدار, ونىڭ ٸشٸندە ازاماتتىڭ تٸركەلۋٸ تۋرالى اقپارات قاجەت بولۋى مٷمكٸن جەكە كومپانييالار ونى egov.kz ەلەكتروندى ٷكٸمەت پورتالىنان ٷشٸنشٸ تۇلعالار سەرۆيسٸ ارقىلى الا الادى. بۇل تەك, ەگەر ازامات SMS ارقىلى ٶزٸنٸڭ تٸركەلۋٸ تۋرالى مەلٸمەتتەردٸ بٸر رەتتٸك الۋعا كەلٸسٸمٸن بەرگەن جاعدايدا مٷمكٸن بولادى.
