ابايدىڭ «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق قورىق-مۋزەيٸنٸڭ ديرەكتورى تۇردىقۇل شاڭباي پرەزيدەنت قاسىم-جومارت توقاەۆتىڭ «حالىق بٸرلٸگٸ جەنە جٷيەلٸ رەفورمالار – ەل ٶركەندەۋٸنٸڭ بەرٸك نەگٸزٸ» اتتى قازاقستان حالقىنا جولداۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«مەملەكەت باسشىسى وسى جولداۋىن تەۋەلسٸزدٸكتٸڭ بەرٸنەن قىمبات ەكەنٸنەن باستادى. «ەگەمەندٸك دەگەنٸمٸز – جالاڭ ۇران مەن جالىندى سٶز ەمەس. بٸز ٷشٸن ەڭ ماڭىزدىسى – ەر ازاماتتىڭ تەۋەلسٸزدٸك يگٸلٸگٸن سەزٸنە الۋى» دەدٸ پرەزيدەنت. راسىمەن دە تەۋەلسٸزدٸكتٸڭ يگٸلٸگٸ – بۇل اسا قۇدىرەتتٸ سٶز. اباي مۋزەيٸنٸڭ قىزمەتكەرلەرٸ مەجٸلٸس زالىنا جينالىپ, جولداۋدى تىڭداپ, ٶز ويىمىزدى ورتاعا سالدىق. جەتٸ باعىت بويىنشا جوسپارلانعان ٸستەردٸ تىڭداپ, ەڭسەمٸز كٶتەرٸلٸپ, مارقايىپ قالدىق. حالىقتىڭ ەل-اۋقاتىن ارتتىرۋعا ەرەكشە دەن قويىلعانى قۋانتادى. پرەزيدەنت كٶتەرگەن ەر باستاما حالىقتىڭ كٶڭٸلٸنەن شىقتى», - دەدٸ ول.
ونىڭ ايتۋىنشا, بىلتىر پرەزيدەنتتٸڭ تٸكەلەي قولداۋىمەن اباي مۋزەيٸ جاندانا تٷستٸ.
«حاكٸمنٸڭ 175 جىلدىق مەرەيتويىنا قاسىم-جومارت كەمەلۇلى ٶزٸ كەلٸپ, جاڭارعان مۋزەيدٸ اشىپ بەردٸ. حالىق اراسىندا بٷگٸندە اباي مۋزەيٸ تۋرالى «دانالىق پەن جاڭالىقتىڭ ٷندەسكەن مۋزەيٸ» دەگەن تٸركەس تە قالىپتاستى. پاندەمييانىڭ اسقىنىپ تۇرعان كەزٸندە, اباي مۋزەيٸندە قۇرىلىس, قايتا جاڭعىرتۋ جەنە عىلىمي-تانىمدىق جۇمىستار ٶتە قارقىندى جٷردٸ», - دەدٸ تۇردىقۇل شاڭباي.
