قازاقستان جازۋشىلار وداعىنىڭ قۇرىلتايى قارساڭىندا
يە, نەسٸپبەك ايتۇلى باستاپ, بٷگٸنگٸ ۇلتتىق باسپاسٶزٸمٸزدٸڭ بەتكە ۇستارىنىڭ بٸرٸ دەرلٸك «جاس الاش» قوستاپ, «قازاقستان جازۋشىلار وداعىنىڭ قۇرىلتايى قارساڭىندا» دەگەن ايدارمەن يگٸلٸكتٸ بٸر ٸستٸ قولعا العان ەكەن. ونىڭ «قۇرىلتاي قارساڭىندا ورتاعا سالار وي كٶپ» دەپ باستالۋىنىڭ ٶزٸ بٷگٸنگٸ قازاق ەدەبيەتٸنە قولىنان كەلگەنشە ازدى-كٶپتٸ ٷلەس قوسسام دەيتٸن, ونىڭ قازٸرگٸ جاي-كٷيٸنە الاڭدايتىن كٸم-كٸمدٸ دە بەيجاي قالدىرماسا كەرەك. ەتتەڭ, نەسٸپبەكتٸڭ «سٶز تانيتىن كٶز كەرەك» دەگەن بۇل ماقالاسىنان بٷگٸنگٸ قازاق ەدەبيەتٸنٸڭ, ونىڭ قارا شاڭىراعى جازۋشىلار وداعىنىڭ حال-احۋالى تۋرالى سىڭار اۋىز سٶز تاپپاعانىمىز عانا قيىن بولدى. ونىڭ ورنىنا ماقالا بٷگٸنگٸ پوەزييامىزدا قالاي دەگەندە دە ٶز ورنى بار اقىن امانحان ەلٸمۇلىنىڭ ٶلەڭدەرٸندەگٸ كەمشٸلٸك اتاۋلىنى قارجى پوليتسيياسىنىڭ جەمقوردىڭ جەگەن اقشاسىن جٸپكە تٸزگەنٸندەي تٷگەندەپ-اق شىعىپتى.
شىندىعىنا كەلسەك, ەكٸنٸڭ بٸرٸ ٶزٸ وقىماسا دا بٸرٸنەن-بٸرٸ ەستٸپ الىپ دانىشپان, كٶرەگەن, ۇلى اقىن, باس اقىن اتاپ جٷرگەندەردٸڭ ەر ٶلەڭٸنەن ٸزدەگەن ادام نەبٸر كەمشٸلٸكتٸ دە, ەرسٸلٸكتٸ دە وپ-وڭاي-اق تاۋىپ الادى. جەر بەتٸندە التىن اتتى اسىل تاستىڭ ٶزٸ 100 پايىز تازا كٷيٸندە كەزدەسپەيتٸنٸ سيياقتى, ٶلەڭ شٸركٸننٸڭ دە جاقسىسى, ورتاقولى (ورتاڭقول ەمەس!), ناشارى بولادى. بٸراق ەڭگٸمەسٸن «جازۋشىلار قۇرىلتايى قارساڭىندا ورتاعا سولار وي كٶپ» دەپ باستاعان نەسٸپبەك شىنىندا دا وردالى وي, بيٸك پاراساتتىڭ يەسٸ بولسا, بۇل جەردە بٸر ادامنىڭ ٶلەڭٸندەگٸ ولقىلىقتاردى تٸزٸپ بەرۋمەن شەكتەلٸپ قالماس ەدٸ. امال نە ٶزٸ سوڭىنان قالماي جٷرٸپ ەزەر العان اتى-جٶنٸنٸڭ استىندا مەمسىيلىق لاۋرەاتى دەگەن اتاق ٸلەسە جٷرەتٸن بۇل اقىنىمىزدىڭ ەدەبيەت, ەسٸرەسە پوەزيياعا قاتىستى وي-ٶرٸسٸنٸڭ شاما-شارقى سوعان عانا جەتٸپتٸ. ەيتپەسە, بٷگٸنگٸ ەدەبيەتتٸڭ, ونىڭ ٸشٸندە پوەزييانىڭ كٷن تەرتٸبٸنە قويار پروبلەمالارى از با ەدٸ? باياعىدا ا. چەحوۆ بەللەتريست ۆ. تيحونوۆقا جازعان حاتىندا «كەيٸنگٸلەر بٸزدٸ چەحوۆ تا, تيحونوۆ تا, كورولەنكو دا, ششەگلوۆ تا دەمەيدٸ «سەكسەنٸنشٸ جىلدارداعىلار» نەمەسە «حٸح جٷزجىلدىقتىڭ اقىرىنداعىلار» دەپ اتايتىن بولادى دەگەن ەكەن. سول ايتقانداي, نەسٸپبەك دوس وسى ماقالاسىندا بٷگٸن اقىن-جازۋشىلار كەيٸنگٸ ۇرپاققا قانداي پوەزييا قالدىرىپ بارا جاتقانى, سولاردىڭ ٸشٸندە ەرتٷرلٸ جٷلدەلەر مەن سىيلىقتار, ەسٸرەسە, مەملەكەتتٸك سىيلىق لاۋرەاتى دەگەن اتاق قالاي بەرٸلٸپ, ونى كٸمدەر قانداي ەدٸس-تەسٸلدەرمەن الىپ جٷرگەنٸ, تٸپتٸ, سونى نەسەكەڭنٸڭ ٶزٸ قالاي العانى تۋرالى ايتسا «ەپ, بەرەكەلدٸ! ناعىز اقىن وسىلايشا اقيقاتتى ايتسا كەرەك ەدٸ» دەر ەدٸك قوي. اقيقات دەمەكشٸ, ۆ. دالدٸڭ سٶزدٸگٸ بويىنشا اقيقات دەگەنٸمٸز ادام اقىل-ويىنىڭ يگٸلٸگٸ. قاسيەتتٸ يسلام دٸنٸ اقيقاتتى ايتۋ ادامي قاسيەتتٸڭ ەڭ بيٸك شىڭى دەپ باعالايدى. ال ٶزٸن اقىنمىن دەپ سانايتىن ادام نە جازسا دا ٶز جٷرەگٸن, جان-دٷنيەسٸن شىن تەبٸرەنتكەن ٶمٸر قۇبىلىستارىنىڭ تەك اقيقاتىن, راسىن, شىندىعىن ايتۋى– پارىز. امال نە, بٷگٸنگٸ پوەزييامىز لەپٸرمە جەل سٶزدٸڭ, جالاڭ ماداقتىڭ, اششىلاۋ ايتساق جىلپوس, اتاققۇمار-ٶلەڭشٸلەردٸڭ كٷنكٶرٸس جەمتٸگٸنە اينالدى. بٷگٸنگٸ پوەزييامىزدىڭ مۇنداي كٷيگە تٷسۋٸنە ەسٸرەسە, ٶلەڭگە دەگەن ەشقانداي تالاپ-تالعام ەسكەرٸلمەي, شىعارمالار قاتاڭ سٷزگٸدەن, مۇقييات تالقىلاۋدان ٶتكٸزٸلمەي, تٸپتٸ, بٸر كٷندە 40-تان استام ادامعا بەرٸلە سالاتىن «الاش» (ٶزٸ حالىقارالىق دەپ اتالادى!) سىيلىعى سيياقتى سىيلىقتار مەن جٷلدەلەر اناعان دا, مىناعان دا بەرٸلە سالۋى دا كەسٸرٸن تيگٸزٸپ تۇر.ەدەتتە, تالانت, دارىن دەگەن قاسيەتتەن ماقۇرىم ادامدار اتاق-داڭق, سىيلىق-جٷلدە الۋ ٷشٸن جاسالاتىن قۋلىق-سۇمدىقتىڭ, ايلا-شارعىنىڭ تٷر-تٷرٸنە شەبەر كەلەدٸ. ال وسى كٷنٸ مەملەكەتتٸك سىيلىق يەگەرٸ اتانىپ, ەل ارالاپ كەش ٶتكٸزٸپ, وبلىس ەكٸمدەرٸنەن قالتاسىن قومپايتىپ كٶلٸك مٸنٸپ شالقىپ جٷرگەن (اتىن اتا دەسە اتاپ بەرۋگە دە بولادى!) 4-5 ازاماتتىڭ ول اتاقتى الۋ ٷشٸن قانداي ايلا-شارعىعا بارعانىن بٸلەتٸندٸكتەن سولاردى كٶرگەن سايىن ٶز باسىم ەرٸ كٷلكٸم كەلەدٸ, ەرٸ بايعۇستارعا جانىم اشيدى. ولاردىڭ ٸشٸندە ەلباسىمىزعا اتى يسٸ قازاققا مەشھٷر اقساقال قاسىم قايسەنوۆتى سالىپ تا, راكپەن اۋىرامىن, دەرٸگەرلەر 5-6 اي عانا ٶمٸرٸڭ قالدى, راكتان ٶلدٸم نە, اسىلىپ ٶلدٸم نە بەرٸبٸر, ەگەر وسى جولى (ول وسىنىڭ الدىندا كەمٸندە 5-6 رەت لاۋرەاتتىققا تالاسىپ الا-الماعان ەدٸ) مەمسىيلىق لاۋرەاتى اتاعىن تاعى دا الا-الماسام اسىلىپ ٶلەمٸن دەپ جۇرتتى شوشىتىپ العان دا, ت.ب. بار. سولارعا قاراپ, ادام بالاسى, ەسٸرەسە ٶزٸن اقىنمىن دەپ ەسەپتەيتٸن پەندە «لاۋرەات» دەگەن اتاق ٷشٸن دە ار-نامىسىن قۇرباندىققا شالاتىن بولدى-اۋ دەپ كٶڭٸل شٸركٸن قۇلازي جٶنەلەدٸ. سوسىن سول كٶڭٸلٸ تٷسپەگٸردٸ ورنىنا تٷسٸرۋ ٷشٸن
جەلەپ-جەبەپ جاتاتىن
نامىس – ناعىز پٸر-بابا,
سول نامىستى ساتاتىن
سىيلىق قۇرعىر پۇل-عانا,-دەپ ەزٸل جازىپ ٶزٸڭدٸ-ٶزٸڭ جۇباتقان بولاسىڭ. نەسٸپبەك دوس ەلدەبٸرەۋلەردٸ امانحاندى قولپاشتاۋشى «كلاسسيكتەر» دەپ كەكەتٸپتٸ. شىندىعىنا كەلسەك, ەلگٸندەي قۋلىق-سۇمدىقپەن, اراعا اقساقال سالىپ, ٶزٸندە جوق راۋ اۋرۋىن سالىپ مەملەكەتتٸك سىيلىق لاۋرەاتى اتانىپ جٷرگەندەر عانا ٶزدەرٸن «كلاسسيكپٸز» دەپ جيىن-تويلاردا, اس-ساداقادا كٶسەمسٸپ سٶيلەپ تۇرادى, قاتىن-بالاسىمەن, جەگجات-جۇراعاتىمەن تەلەديدار حابارلارىنا قاتىسادى.
ال قۇرىلتاي قارساڭىندا ەرتٷرلٸ وي ايتۋعا باستاماشى بولىپ وتىرعان نەسٸپبەك ايتۇلى قالاي مەمسىيلىق لاۋرەاتى اتاندى دەيسٸز بە? نەسٸپبەك دوستىڭ مەملەكەتتٸك سىيلىققا ۇسىنعان «دٷنيەلەرٸ» بٸر ەمەس بٸرنەشە مەرتە بۇل اتاققا لايىق ەمەس بولىپ, دودادان قۇرالاقان قايتتى. ەرينە, العان بەتٸنەن قايتپاۋ جانقييارلىق, تاباندىلىق دەگەن بار. بٸراق سول كەزدەرٸ ٶز باسىم نەسٸپبەك كٶرسەتكەن جانقييارلىقتى-جانكەشتٸلٸك, ٶلەرمەندٸكتٸڭ ەڭ بٸر وزىق ٷلگٸسٸ ەكەن دەي جازداعانىم بار. ولاي دەيتٸنٸم, كٷندەردٸڭ كٷنٸ بولعاندا ول سول كەزدەگٸ «جاس الاش» گازەتٸنە ٶلگەننەن كەيٸن بٸز دە مەملەكەتتٸك سىيلىق الارمىز دەپ ەڭٸرەگەندە ەتەگٸ تولعان زارلاما ماقالا جازدى.
شاقىرىپ ٷمٸت الدا سان,
لاۋرەاتتىق جايلى تٶككەندە وي
سىيلىققۇمارلار ەرقاشان
جىلاۋمەنەن ٶتكەن عوي, – دەپ بٸز دە قوسىلا جىلاي جازدادىق.
«وڭاي كەلگەن باقىتقا دا جىلاي سالعان پەندەمٸن» دەپ بٸر اقىن ايتقانداي نەسٸپبەك جىلاسا جىلاعانى ايىپ ەمەستە شىعار. ٶيتكەنٸ, اقىن دەگەنٸڭٸز ەموتسييانىڭ ادامى عوي. بٸراق ونىڭ قازاق پوەزيياسىنىڭ ماڭدايىنا بٸتكەن جارىق جۇلدىزى, تۇڭعيىق تەرەڭ ويشىل اقىن ەلدەقاشان باقيلىق بولعان جۇمەكەن نەجٸمەدەنوۆكە مەمسىيلىق لاۋرەاتى بەرٸلۋٸنە بايلانىستى ەلگٸندەي زار-ماقالا جازعانى ادام ايتقىسىز ۇيات بولدى. ال مىنا ماقالاسىنىڭ باسىندا ول اباي, ٸليياس, ماعجان سيياقتى اقىندارعا «م.ماعاۋين مەن تٶلەندەر»-دٸ قوسىپ جۇمەكەندٸ ۇمىت قالدىرادى. بۇرىنعى اقىندىق شاما-شارقى قانداي بولعانىن قايدام نەسٸپبەكتٸڭ سول كەزدەگٸ دە بٷگٸنگٸ دە جازعان-سىزعاندارى جاساندى ۇرانعا, لوزۋنگٸلٸك پافوسقا, ناۋقانشىلدىققا تولىپ تاسىپ-تٶگٸلٸپ جاتادى. وعان مەملەكەتتٸك سىيلىق ەپەرگەن «دٷنيەسٸ» دە بەلگٸلٸ بٸر ادامنىڭ اتا-باباسىنىڭ دا اتاپ ايتساق ناۋرىزبايدىڭ دا ەرلٸگٸن جىرلاۋعا بٷيرەگٸ بۇرىپ تۇرعانىن كٶزٸ اشىق ادامعا اڭعارۋ دا اسا قيىن ەمەس. وسى جەردە ونىڭ امانحان ەلٸمدٸ سىناي كەلە «اقىن ارزان سٶزگە الدانباي, مارجان سٶزدەن مونشاق تٸزۋٸ» كەرەك دەگەن عيبراتىن ٶزٸ قالاي قادٸرلەيتٸنٸنە كٶز تٸگٸڭٸزشٸ:
الابى الاتاۋدىڭ دٷبٸرلەدٸ,
اتاعى باتىرلاردىڭ دٷرٸلدەدٸ
داڭقىنان سابالاق پەن ناۋرىزبايدىڭ
تٸزەسٸ اتا جاۋدىڭ دٸرٸلدەدٸ.
ويراتتى ويران سالعان تەڭٸر اتتى,
اقىرى ايدالادا اڭىراتتى
اتانىپ «اڭىراقاي» جەردٸڭ اتى
قوڭىرسىپ جۇرتىنداعى كٶڭٸ جاتتى.
ٶلەڭنٸڭ قالاسا جىلاتىپ, قالاسا شاتتىققا شومىلدىراتىن قۇدٸرەتٸن تٷسٸنەتٸن ادام وسىنداعى «دٷرٸلدەدٸ», «دٷبٸرلەدٸ», «دٸرٸلدەدٸ», «تەڭٸر اتتى», «اڭىراتتى», «كٶڭٸ جاتتى» دەگەن سۋ تاتىعان دەمسٸزدٸكتٸ اقىندىق, اقىننىڭ الپىس ەكٸ تامىرىن يٸتٸپ ايتىلعان اقيقات سٶز دەي قويار ما ەكەن? نەمەسە
جٸگٸتتەر سوڭىنا ەرگەن كٶكجال بەرٸ
بٸلٸنەر اتا كٶرٸپ, وق جونعانى.
ايقاسقا اسىعادى قانى قايناپ,
جوڭعاردىڭ جانعا باتىپ جوندانعانى,-دەگەن جولداردى نەسٸپبەكتەن ٶزگە ەشكٸم دە «ارزان سٶزگە الدانباي, مارجان سٶزدەن مونشاق تەرۋ» دەي قويماس, سٸرە. وسىنداي قارابايىرلىققا, وسىنداي قارادٷرسٸندٸككە تۇنىپ تۇرعان دٷنيە-سىماق جازىپ مەملەكەتتٸك سىيلىق لاۋرەاتى اتانۋ ٷشٸن قانداي قوعامدا, قانداي مەملەكەتتە ٶمٸر ٶتكٸزۋ كەرەك دەپ ويلايسىز? مٸنە, نەسٸپبەك اقىن جازۋشىلار قۇرىلتايى قارساڭىندا دەپ ماقالا جازعاندا بٷگٸنگٸ ەدەبيەتٸمٸزگە كەسٸرٸن تيگٸزٸپ وتىرعان وسىنداي «بارماق باستى, كٶز قىستىلىق», «تامىر-تانىستىق» سيياقتى كەسەلدەردٸ, اقىندارعا تەن ار مەن جان تازالىعىن تٸلگە تيەك ەتۋٸ كەرەك ەدٸ عوي. بٸراق وندايلاردى ايتسا تاياقتىڭ بٸر ۇشى ٶزٸنە تيٸپ كەتەرٸن بٸلەمە قايدام, نەسەكەڭ بۇنداي اۋقىمدى مەسەلەلەرگە ات ٸزٸن سالۋدان اۋلاقتاپ كەتٸپتٸ.
قۇرىلتاي قارساڭىندا دەپ سٶز باستاعان اقىن ادام بٷگٸنگٸ پوەزييامىزدىڭ تاعى بٸر ٷلكەن قاسٸرەتٸ بٷگٸنگٸ پوەزييانى بٸرەۋلەرگە, نە بٸر ادامعا تابىنۋ, مەن جاعىمپازدىق جايلاپ العانى تۋرالى ايتقانى ابزالىراق بولار ەدٸ. راس, سوناۋ بٸر كەزدەرٸ لەنينگە, ستالينگە, كوممۋنيستٸك پارتيياعا ارناپ «التىن زاڭ», «كٷن كٶسەم» دەپ ٶلەڭ جازعاندار بولدى. بٸراق بٷگٸنگٸ كەيبٸر ٶلەڭشٸلەرٸمٸزدٸڭ (ولاردى اقىن دەۋگە اۋىز بارماعسىن وسىلاي دەدٸٸك) وسى زاماننىڭ قالتالىلارى مەن بايشىكەشتەرٸنە ارناعان ٶلەڭدەرٸمەن سالىستىرعاندا ول ٶلەڭدەر لەنين مەن ستالينگە جەي راحمەت ايتۋ سيياقتى كٶرٸنەدٸ ەكەن. ال ەلباسىمىزعا ارنالعان شەكتەن شىعا ايتىلعان كەيبٸر لەپٸرتۋلەر مەن كٶپٸرتۋلەردٸ ول كٸسٸنٸڭ ٶزٸ وقىسا, جاتىپ كەپ اشۋلانۋى, تٸپتٸ, «مىناعان بەرگەن مەمسىيلىقتى قايتىپ الىڭدار» دەۋٸ دە مٷمكٸن شىعار. يە, «ار-نامىستى ساتاتىن سىيلىق قۇرعىر پۇل عانا» دەگەنٸمٸزدەي سىيلىق اتاۋلىنىڭ ادامدى قۇنىقتىرىپ جٸبەرەتٸن بٸر سيقىرى بار سيياقتى. جەنە قازٸر قازاقستاندا انا جەردە دە, مىنا جەردە دە ٶتكٸزٸلٸپ جاتقان بەيگە, جٷلدە, فەستيۆال اتاۋلىدان قۇرقول قايتپايتىن بٸر توپ بار. سولاردىڭ بٸرٸ وسى نەسەكەڭ دەسەك, ول بىلتىرعى «رۋح» اتتى بەيگەدەن دە وزا شاۋىپ شىققاننىڭ بٸرٸ بولدى. ونىڭ بۇل جولى نەبٸر قۇلاگەر جىردى قۇم قاپتىرىپ بەيگٸ العان جٷيرٸگٸ «جاڭعىرۋ جىرى» دەپ اتالادى ەكەن. ونى وقىپ وتىرىپ, «قۇداي-اي, جەر بەتٸندە ەشقاشان ەدٸلدٸك دەگەن ەلجۋاز بايعۇس ورناي قويماس دەسەك تە پوەزييا دەگەن پەكيزات سۇلۋدى بۇلايشا قورلاپ, زورلاۋعا بولمايدى عوي» دەپ كٷڭٸرەنە جازدادىق. سول پەكيزات جانرعا عانا تەن سۇلۋلىقتان, كٶركەمدٸكتەن, شەبەرلٸكتەن, شىنايىلىقتان, سۋرەتكەرلٸكتەن, ەڭ اقىرىندا اقىنعا تەن اق جٷرەك اقيقاتشىلدىقتان جۇرداي, نە بٸر تاريحي دەلەل-دەيەگٸ جوق ساپىرماي سٶزدەن, ايقاي-ۇيقايعا تولى جالاڭاش ۇران مەن ماداق-ماقتاۋدان, اتى ايتىپ تۇرعانداي قۇر جاڭعىرىق سٶزدەن تۇراتىن پوەما دەپ اتالاتىن ٸشٸندە كەيٸپكەرٸ جوق «پوەما» جەڭٸمپاز اتانعانىن كٶرگەندە «ە-ە, تۇلپاردان مەستەك وزعان زامان تۋعان ەكەن عوي» دەگەننەن باسقا امالىمىز قالمادى. راس, بۇل دٷنيە-سىماقتىڭ باسىنان باستاپ ەڭ اقىرىنا شەيٸن ەلباسىنىڭ اتى اتالىپ وتىرادى. بۇل جەردە امانحاننىڭ ەر سٶزٸن جٸلٸكتەپ, بورشالاعان نەسٸپبەكشٸلەمەي ول پوەما دەپ اتاعان بۇل جازۋ-سىزۋدى تالداپ شىعۋ مٷمكٸن ەمەس. ٶيتكەنٸ, بۇل – باسىنان اياعىنا شەيٸن تاريحىمىزعا, تەۋەلسٸزدٸگٸمٸزگە بايلانىستى ٶتكەن زامانداردىڭ «زوبالاڭى», «بٸر قازاق بٸر قازاقتىڭ كٶرٸن قازعانى», «ازاتتىق كٸندٸگٸنەن جاراتىلعان جاڭا زامان» «تاعدىردىڭ قاتۋلانسا قاس-قاباعى, قارا بۇلتىن اسپان ەلٸ ٷيٸرۋٸ ەبدەن مٷمكٸن» دەگەن سيياقتى جاتتاندى دا جالاڭ ۇران مەن سۋدىراعان سٶزدەردٸڭ, ٶيتپەيٸك تە بٷيتپەيٸك دەيتٸن ارزان اقىل-كەڭەستەردٸڭ جيىنتىعى عانا. ياعني, پوەماعا قىرىق قايناسا دا سورپاسى قوسىلمايتىن. مۇندا
شاتتىعىم نۇرعا بٶلەپ شاڭىراقتى
كٶڭٸلدٸڭ كٶك اسپانىن جادىراتتى,,-دەپ, ودان جالماجان
اسقاقتاپ بەيتەرەگٸم ودان سايىن
جايقالىپ جاپىراعىن جامىراتتى نەمەسە
«ارماننىڭ كٶپپەن بٸرگە استىم بەلٸن, بەرەكەم-ورتامداعى تاس دٸڭگەگٸم», «بالاسى ەكەسٸنەن تۋعان اسا, بيٸككە ارمان بولماس تۋ قاداسا» دەگەن سيياقتى قيتاردىڭ كٶزدەرٸندەي بٸرٸ-قىرعا, بٸرٸ-سىرعا قاراپ تۇرعان, بٸر-بٸرٸنە ەش قاتىسى جوق, ۇيقاسقا قۇرىلعان سٶزدەردٸعڭ جيىنتىعى عانا. بٷگٸنگٸ قازاق پوەزيياسىنىڭ قادٸرٸن كەتٸرەتٸن مۇنداي قۇنسىز دٷنيە جازعىشتار كەيٸنگٸ جىلدارى ٶتە كٶبەيٸپ كەتكەنٸمەن تۇرماي, سول دٷنيەلەرٸنٸڭ ٸشٸنە ورىندى-ورىنسىز ەلباسىنىڭ ەسٸمٸن تىقپالايتىن پاسىق ەدەت تاۋىپ الدى. بٷگٸن بٸزدٸڭ وسى مەسەلەلەردٸ قوزعاۋىمىزعا جول اشىپ بەرگەن نەسٸپبەك مىرزا سولاردىڭ الدىندا سار جەلٸپ كەلە جاتقانداردىڭ بٸرٸ ەكەنٸن بۇرىن دا بايقايتىنبىز. ال ول «پوەما» دەپ اتاعان مىنا ۇراننامانى وقىعاندا سول ويىمىز دۇپ-دۇرىس ەكەنٸنە كٶزٸمٸز جەتە تٷسكەندەي بولدىق. نەسٸپبەك ايتۇلى وسى دٷنيەسٸن «ەلباسى باعدارىمدى ايقىندادى, تٶرت بٶلٸپ تٷن ۇيقىسىن تاڭ اتىرعان», «بولجاعان ەلباسىمىز بولاشاقتى, بەكەرگە جاڭارتقان جوق استانانى», «ەلباسى كەمەڭگەرلٸك ويىن ايتتى, كٷڭگٸرتتە قولىڭا شام ۇستاتقانداي», «ساقتا دەپ ەلباسىمىز ەلدٸگٸڭدٸ, قۇلاققا قۇيىپ وتىر كٷندە وسىنى», « ەلباسى جٶنگە سالىپ, ەي, دەمەسە, قايتادى جاتقا كەتكەن قايدان ەسە?», «ەلباسى سٸلكٸنبەسە توسىن بٷگٸن, جۇرتىم-اۋ جيعىزادى ەسٸڭدٸ كٸم?» دەگەن سيياقتى ٶزٸ ايتقانداي «مارجان سٶزدەن تٸزگەن مونشاقتارمەن» ٶرنەكتەپ كەلٸپ ونى 18 ميلليون حالىققا قاراپ
بيٸكتەن ۇشام دەسەڭ العا, سٸرە,
قام جاسا قاناتىڭنىڭ تالماسىنا,
قىرانداي دٷر سٸلكٸنٸپ قايتا تٷلەپ,
سەرٸك بول سامعاعاندا ەلباسىعا دەپ اياقتاعانىن كٶرگەندە قانداي ويعا كەتتٸڭ دەيسٸز بە? بٸرٸنشٸدەن, ەڭ اقىرعى قوس جولدا دٷر سٸلكٸن, قايتا تٷلەپ, دەپ كٸمگە ايتىپ وتىر, حالىققا ما, ەلدە ەلباسىعا ما? ەگەر حالىققا قاراتىپ ايتسا سامعاعاندا ەلباسىعا سەرٸك بول دەگەنٸ نەسٸ? اۋ, ٶزٸ دٷر سٸلكٸنٸپ, ٶزٸ قايتا تٷلەپ, ٶزٸ سامعان بارا جاتقان 18 ميلليون حالىققا بٸر ادامعا, ياعني, ەلباسىعا عانا سەرٸك بولامىز دەسە, سونىڭ اينالاسىندا توپىرلاپ تۇرىپ قالماي ما? ال ەلباسى عانا سامعاپ بارا جاتسا شە? وعان سونشاما قاراقۇرىم حالىق قوسىلا سامعاپ ۇشا الا ما? نەسٸپبەكتٸڭ ٶلەڭدەرٸندە قاشان كٶرسەڭ, بٸر جول قىرعا, بٸر جول سىرعا قاراپ, بٸرٸنە-بٸرٸ تەرٸس اينالىپ تۇراتىنى نەسٸ دەيمٸز, ٸشتەي. ەكٸنشٸدەن, ەگەر دەل وسى نەسٸپبەككە ۇقساعان بٸرەۋ رەسەيدەن تابىلىپ, پۋتين-پرەزيدەنتكە ارناپ وسىنداي ٶلەڭ نە پوەما جازسا, بٷكٸل رەسەيگە, ماسقارا بولار ەدٸ. ونى تٸپتٸ, سول پۋتيننٸڭ ٶزٸ-اق نە ٸستەرٸن قۇداي بٸلەدٸ. ال امەريكادان وسىنداي بٸر ٶلەڭشٸ شىعىپ ترامپقا ارناپ پوەما تٷگٸل بٸر-ەكٸ شۋماق ماقتاۋ ٶلەڭ جازسا ونىڭ كٷنٸ نە بولار ەدٸ دەگەن وي تاعى دا مازامىزدى شۇقيدى. يە, ار-نامىسىنان, ۇياتى مەن يمانىنان ايرىلماعان جەنە ٶزٸن اقىنمىن دەپ ەسەپتەيتٸن ادام اقىندىق ەشقانداي سىيلىقپەن, ٶلٸپ-تالىپ, جىلاپ-ەڭٸرەپ نەمەسە اقساقال سالىپ العان لاۋرەاتتىقپەن ٶلشەنبەيتٸنٸن, اقىندىق دەگەنٸمٸز – ار تازالىعى, جان تازالىعى ەكەنٸن, نامىسىڭدى, ادامدىق قادٸر-قاسيەتٸڭدٸ ەشقانداي سىيلىققا, ەشقانداي جٷلدەگە, ساتۋدان اۋلاق بولۋ ەكەنٸن بٸلۋٸ كەرەك. جازۋشىلار قۇرىلتايى الدىندا بٸزدٸڭ ايتپاق ويىمىز وسى. ارتىق كەتكەن جەرٸمٸز بولسا كەشٸرٸڭٸز, قالامگەر قاۋىم.
مىرزان كەنجەباي, اقىن,
قر مەدەنيەت قايراتكەرٸ
