«تۋعان جەر» باعدارلاماسىن قارجىلاندىرۋ كٶلەمٸ 40 پايىزعا ازايىپ كەتكەن

قر پرەزيدەنتٸ ەكٸمشٸلٸگٸنٸڭ مەملەكەتتٸك باقىلاۋ جەنە ايماقتىق ۇيىمداستىرۋ بٶلٸمٸنٸڭ مەڭگەرۋشٸسٸ نۇرلان ساۋرانباەۆ «تۋعان جەر» جوباسىنا جٷرگٸزٸلگەن تالداۋ جۇمىستارىنىڭ قورىتىندىسىن جارييالادى, دەپ حابارلايدى قازاقپارات.

«تۋعان جەر» جوباسى اياسىندا 2019 جىلى 14 مىڭنان استام ٸس-شارا ٶتكٸزٸلدٸ. 4 ميلليوننان استام ادام قامتىلدى. 2019 جىلى مەتسەناتتار ەسەبٸنەن 1 مىڭنان اسا ەلەۋمەتتٸك ماڭىزى بار نىسان سالىندى, 700-دەن استام نىسان كٷردەلٸ جٶندەۋدەن ٶتكٸزٸلٸپ, اۋىلدار مەن قالالاردى دامىتۋعا باعىتتالعان جوبالار ٸسكە اسىرىلدى. قارجىلاندىرۋ كٶلەمٸ 60 ملرد تەڭگەدەن استى», - دەدٸ ول اقوردادا ٶتكەن جيىندا.

نۇرلان ساۋرانباەۆ ٶز سٶزٸن ناقتى مىسالدارمەن اتاپ ٶتتٸ. ونىڭ ايتۋىنشا, اقمولا وبلىسىندا مەتسەناتتار بالالارعا ارنالعان الاڭدار سالىپ, مۋزەيلەردٸ جٶندەپ, كٶپبالالى جەنە تابىسى از وتباسىلارعا كٶمەك كٶرسەتكەن. ال قوستاناي وبلىسىندا مەتسەناتتار جاستاردىڭ, ونىڭ ٸشٸندە اۋىل جاستارىنىڭ بەسەكەگە قابٸلەتتٸگٸن ارتتىرۋعا ٷلەس قوسىپ, 2019 جىلدىڭ قىركٷيەگٸندە مەكتەپكە 13,5 ملن تەڭگەگە كومپيۋتەرلٸك تەحنيكا ساتىپ الىپ بەرگەن. سول سەكٸلدٸ بقو-دا «بولاشاققا جولداما» جوباسى ٸسكە اسىرىلۋدا. ونىڭ شەڭبەرٸندە ٶڭٸر كەسٸپكەرلەرٸ دارىندى جاستاردىڭ بٸلٸم الۋىنا كٶمەك كٶرسەتەدٸ.

دەسە دە, بٶلٸم مەڭگەرۋشٸسٸ «تۋعان جەر» باعدارلاماسى بويىنشا پروبلەمالاردىڭ بارىن دا جاسىرعان جوق.

«اتاپ ايتقاندا, 2018 جىلعا قاراعاندا جوبا بويىنشا قارجىلاندىرۋ دەڭگەيٸ 40 پايىزعا ازايىپ قالدى. ونىڭ بٸر سەبەبٸ – ٶڭٸرلەردە جوبالاردى تٸركەۋ ەسەبٸ ساپالى تٷردە جٷرگٸزٸلە باستادى. سونىمەن قاتار ٶڭٸرلەردە مەتسەناتتاردىڭ قارجى بٶلۋ بويىنشا 2019 جىلعى كٶرسەتكٸشتەرٸن سالىستىراتىن بولساق, ەڭ كٶبٸ - ماڭعىستاۋ وبلىسىندا (14 ملرد تەڭگە). سول سەكٸلدٸ اتىراۋ ٶڭٸرٸندە مەتسەناتتار 7 ملرد تەڭگە قاراجات بٶلگەن. قارجىلاندىرۋدىڭ مۇنداي كٶلەمٸ بٸرقاتار ٶڭٸردٸڭ بيزنەستٸڭ ٶز قاجەتتٸلٸگٸ ٷشٸن سالىنعان نىساندارىن, بيزنەستٸڭ ەلەۋمەتتٸك جاۋاپكەرشٸلٸگٸ بويىنشا شەتەلدٸك كومپانييالار سالعان نەمەسە مجە اياسىندا بوي كٶتەرگەن نىسانداردىڭ تٸزٸمگە كٸرگٸزٸلۋٸمەن تٷسٸندٸرٸلەدٸ», - دەدٸ ول.

نۇرلان ساۋرانباەۆ ماڭعىستاۋ وبلىسىندا دوستىق ٷيٸنٸڭ سالىنعانىن ٷلگٸ ەتتٸ.

«مۇنداي مىسالدار باسقا ايماقتاردا دا كەزدەسەدٸ. ۇسىنىلعان مەلٸمەتتەردٸ تالداۋ جۇمىستارى كٶرسەتكەندەي, ايماقتاردا بۇل باعىتتاعى جۇمىستاردىڭ جوعارى ديسپروپورتسيياسى بايقالادى. مەسەلەن, سقو بۇل باعىتتا 510 مىڭ ادامنىڭ جۇمىلدىرىلۋىمەن 1155 شارانىڭ ٶتكەنٸ جايلى ەسەپ بەرەدٸ. ال وندا حالىقتىڭ سانى 549 مىڭ ادام عانا. ال پاۆلودار وبلىسىندا 100 مىڭ ادامنىڭ قامتىلۋىمەن 372 شارا ۇيىمداستىرىلعان. جالپى, «تۋعان جەر» جوباسى بويىنشا شارالار لەگٸ 100-دەن (نۇر-سۇلتان قالاسى مەن قاراعاندى وبلىسى) 2 مىڭعا دەيٸنگٸ (اقمولا, قوستاناي, تٷركٸستان وبلىستارى) ارالىقتا ۇيىمداستىرىلعان», - دەدٸ ول.

ەسكە سالا كەتسەك, مەملەكەتتٸك حاتشى قىرىمبەك كٶشەرباەۆتىڭ تٶراعالىمەن اقوردادا بٷگٸن قر پرەزيدەنتٸ جانىنداعى قوعامدىق سانانى جاڭعىرتۋ باعدارلاماسىن ٸسكە اسىرۋ جٶنٸندەگٸ ۇلتتىق كوميسسييانىڭ وتىرىسى ٶتتٸ.