مەملەكەت باسشىسى دەنساۋلىق ساقتاۋ مينيسترٸ الەكسەي تسويدىڭ ەسەبٸن تىڭدادى. بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا حابارلادى.
پرەزيدەنتكە قازٸرگٸ ەپيدەميولوگييالىق جاعداي, ەكپە ەگۋ جۇمىستارىنىڭ بارىسى جەنە ەلٸمٸزگە ۆاكتسينا جەتكٸزۋ جٶنٸندەگٸ ۋاعدالاستىقتار تۋرالى باياندالدى.
قاسىم-جومارت توقاەۆقا بٸرقاتار ٶڭٸردە كارانتين شارالارىنىڭ كٷشەيتٸلگەنٸ, جۇقپالى اۋرۋلار ستاتسيونارلارى مەن جان ساقتاۋ بٶلٸمدەرٸندە ەم قابىلداپ جاتقان ناۋقاستار سانى, دەرٸ-دەرمەكتەر مەن باسقا دا قاجەتتٸ جابدىقتار قورى, ۆاكتسينا سالۋ قارقىنى باياۋ ٶڭٸرلەرگە كٶرسەتٸلٸپ جاتقان ەدٸستەمەلٸك كٶمەك جايىندا مەلٸمەت بەرٸلدٸ.
الەكسەي تسويدىڭ ايتۋىنشا, ماۋسىم ايىنداعى جاعدايمەن سالىستىرعاندا شٸلدەنٸڭ سوڭعى ەكٸ اپتاسىندا ٸندەت جۇقتىرعانداردىڭ سانى 4,8 ەسەگە كٶبەيگەن. كٷندەلٸكتٸ جٷرگٸزٸلگەن مونيتورينگ بويىنشا. 24 شٸلدەدەگٸ مەلٸمەتكە سەيكەس, جۇقپالى اۋرۋلار بٶلٸمدەرٸنٸڭ 51 پايىزىندا, جان ساقتاۋ بٶلٸمدەرٸنٸڭ 41 پايىزىندا ناۋقاستار ەم قابىلداپ جاتىر. ۆيرۋس جۇقتىرعاندار سانىنىڭ كٶبەيۋٸنە جەنە دەنساۋلىق ساقتاۋ جٷيەسٸنە تٷسكەن سالماقتىڭ ارتۋىنا بايلانىستى شٸلدە ايىندا قوسىمشا 10 مىڭ تٶسەك-ورىن ەزٸرلەندٸ. قازٸرگٸ ۋاقىتتا 21,4 مىڭعا جۋىق ورىن رەزەرۆتە تۇر.
سونىمەن قاتار دەنساۋلىق ساقتاۋ مينيسترٸ پرەزيدەنتكە ەلەمدە كوروناۆيرۋس ٸندەتٸنٸڭ جاڭا «ليامبدا» شتامىنىڭ پايدا بولۋى مەن تارالۋى تۋرالى ايتتى. بۇل ۆيرۋس العاش رەت 2020 جىلعى جەلتوقساندا پەرۋدە تٸركەلگەن. بٷگٸندە ٸندەتتٸڭ وسى تٷرٸن 30 مەملەكەتتە, نەگٸزٸنەن سولتٷستٸك جەنە وڭتٷستٸك امەريكا مەن ەۋروپا ەلدەرٸندە 3 مىڭعا جۋىق ادام جۇقتىرعان.
قاسىم-جومارت توقاەۆ الەكسەي تسويعا ەلٸمٸزدەگٸ ەپيدەميولوگييالىق احۋالدى قاتاڭ باقىلاۋدا ۇستاۋدى, جاپپاي ەكپە سالۋ قارقىنىن ارتتىرۋدى, ناۋقاستارعا ۋاقىتىلى مەديتسينالىق كٶمەك كٶرسەتۋ جۇمىستارىن, سونىڭ ٸشٸندە العاشقى مەديتسينالىق-سانيتارلىق جەردەمدٸ ساپالى ۇيىمداستىرۋدى تاپسىردى.
