Memleket basshysy Densaýlyq saqtaý ministri Aleksei Tsoidyń esebin tyńdady. Bul týraly Prezidenttiń baspasóz hatshysy Berik Ýáli Facebook-tegi paraqshasynda habarlady.
Prezidentke qazirgi epidemiologiialyq jaǵdai, ekpe egý jumystarynyń barysy jáne elimizge vaktsina jetkizý jónindegi ýaǵdalastyqtar týraly baiandaldy.
Qasym-Jomart Toqaevqa birqatar óńirde karantin sharalarynyń kúsheitilgeni, juqpaly aýrýlar statsionarlary men jan saqtaý bólimderinde em qabyldap jatqan naýqastar sany, dári-dármekter men basqa da qajetti jabdyqtar qory, vaktsina salý qarqyny baiaý óńirlerge kórsetilip jatqan ádistemelik kómek jaiynda málimet berildi.
Aleksei Tsoidyń aitýynsha, maýsym aiyndaǵy jaǵdaimen salystyrǵanda shildeniń sońǵy eki aptasynda indet juqtyrǵandardyń sany 4,8 esege kóbeigen. Kúndelikti júrgizilgen monitoring boiynsha. 24 shildedegi málimetke sáikes, juqpaly aýrýlar bólimderiniń 51 paiyzynda, jan saqtaý bólimderiniń 41 paiyzynda naýqastar em qabyldap jatyr. Virýs juqtyrǵandar sanynyń kóbeiýine jáne densaýlyq saqtaý júiesine túsken salmaqtyń artýyna bailanysty shilde aiynda qosymsha 10 myń tósek-oryn ázirlendi. Qazirgi ýaqytta 21,4 myńǵa jýyq oryn rezervte tur.
Sonymen qatar Densaýlyq saqtaý ministri Prezidentke álemde koronavirýs indetiniń jańa «Liambda» shtamynyń paida bolýy men taralýy týraly aitty. Bul virýs alǵash ret 2020 jylǵy jeltoqsanda Perýde tirkelgen. Búginde indettiń osy túrin 30 memlekette, negizinen Soltústik jáne Ońtústik Amerika men Eýropa elderinde 3 myńǵa jýyq adam juqtyrǵan.
Qasym-Jomart Toqaev Aleksei Tsoiǵa elimizdegi epidemiologiialyq ahýaldy qatań baqylaýda ustaýdy, jappai ekpe salý qarqynyn arttyrýdy, naýqastarǵa ýaqytyly meditsinalyq kómek kórsetý jumystaryn, sonyń ishinde alǵashqy meditsinalyq-sanitarlyq járdemdi sapaly uiymdastyrýdy tapsyrdy.
