دەنساۋلىق ساقتاۋ مينيسترٸ الەكسەي تسوي ٷكٸمەت وتىرىسىندا قازاقستاندىقتاردى ۆاكتسينا الۋعا ٷندەدٸ, دەپ حابارلايدى "ۇلت اقپارات".
«اۋرۋ جۇقتىرۋ دەرەكتەرٸن تالداۋ جۇمىستارى ۆيرۋس جۇقتىرعاندار مەن كوروناۆيرۋستى اۋىر ٶتكەرٸپ جاتقان ناۋقاستاردىڭ نەگٸزگٸ ٷلەسٸ ۆاكتسينا الماعاندارعا تيەسٸلٸ ەكەنٸن كٶرسەتتٸ. 1 اقپاننان بەرٸ كوروناۆيرۋس جۇقتىرعانداردىڭ جالپى سانىندا ۆاكتسينا الماعان ناۋقاستاردىڭ ٷلەس سالماعى 97,5 پايىز بولعان. ال ۆاكتسينا العانداردىڭ ٷلەسٸ 2,5 عانا. كورناۆيرۋس ينفەكتسيياسىن اۋىر ٶتكەرٸپ جاتقاندار بويىنشا دا جاعداي وسىعان ۇقساس. رەانيماتسييادا جاتقاندار مەن ٶكپەنٸ جاساندى جەلدەتۋ قۇرىلعىسىنا جالعانعانداردىڭ 95 پايىزى - ۆاكتسينا الماعان ادامدار. وسى ايتىلعان دەرەكتەر ۆاكتسينالاۋدىڭ تيٸمدٸ ەكەنٸن تاعى دا ەيگٸلەپ تۇر», - دەدٸ مينيستر.
سونداي-اق ول, ۆاكتسينا الۋ مەسەلەسٸن كەيٸنگە شەگەرٸپ جٷرگەن ادامدارعا ٷندەۋ تاستادى.
«وسىعان بايلانىستى حالىققا تاعى دا ەسكەرتكٸم كەلەدٸ. بۇعان دەيٸن ۆاكتسينا الماعان ازاماتتاردى ۆاكتسينا بويىنشا دۇرىس شەشٸم قابىلداپ, ەكپە الۋعا شاقىرامىن. بۇل بەرٸمٸزدٸڭ دەنساۋلىعىمىزدى ساقتاپ قانا قويماي, جاقىندارىمىزدىڭ اماندىعىنا دا كەپٸل بولادى», - دەدٸ الەكسەي تسوي.
