Densaýlyq saqtaý ministri Aleksei Tsoi Úkimet otyrysynda qazaqstandyqtardy vaktsina alýǵa úndedi, dep habarlaidy "Ult aqparat".
«Aýrý juqtyrý derekterin taldaý jumystary virýs juqtyrǵandar men koronavirýsty aýyr ótkerip jatqan naýqastardyń negizgi úlesi vaktsina almaǵandarǵa tiesili ekenin kórsetti. 1 aqpannan beri koronavirýs juqtyrǵandardyń jalpy sanynda vaktsina almaǵan naýqastardyń úles salmaǵy 97,5 paiyz bolǵan. Al vaktsina alǵandardyń úlesi 2,5 ǵana. Kornavirýs infektsiiasyn aýyr ótkerip jatqandar boiynsha da jaǵdai osyǵan uqsas. Reanimatsiiada jatqandar men ókpeni jasandy jeldetý qurylǵysyna jalǵanǵandardyń 95 paiyzy - vaktsina almaǵan adamdar. Osy aitylǵan derekter vaktsinalaýdyń tiimdi ekenin taǵy da áigilep tur», - dedi ministr.
Sondai-aq ol, vaktsina alý máselesin keiinge shegerip júrgen adamdarǵa úndeý tastady.
«Osyǵan bailanysty halyqqa taǵy da eskertkim keledi. Buǵan deiin vaktsina almaǵan azamattardy vaktsina boiynsha durys sheshim qabyldap, ekpe alýǵa shaqyramyn. Bul bárimizdiń densaýlyǵymyzdy saqtap qana qoimai, jaqyndarymyzdyń amandyǵyna da kepil bolady», - dedi Aleksei Tsoi.
