دەنساۋلىق ساقتاۋ مينيسترٸ الەكسەي تسوي اقتاۋدا كوروناۆيرۋسقا قارسى كٷرەس جٶنٸندەگٸ رەسپۋبليكالىق شتابتىڭ وتىرىسىن ٶتكٸزدٸ. وتىرىس بارىسىندا ايماقتاعى مەديتسينالىق كٶمەك كٶرسەتۋ مەسەلەلەرٸ تالقىلانىپ, پروبلەمالاردى جويۋ بويىنشا ۇسىنىستار بەرٸلدٸ, دەپ حابارلايدى "ۇلت اقپارات".
ماڭعىستاۋ وبلىسى سوڭعى ايدا, ٶزگە ايماقتارمەن سالىستىرعاندا كوروناۆيرۋس جۇقتىرعاندار مەن ينفەكتسييالىق تٶسەك ورىندارىنىڭ تولۋ سىيىمدىلىعى جاعىنان العا شىققان.
«بٷگٸندە ماڭعىستاۋ ٶڭٸرٸندەگٸ كەيبٸر اۋداندارىنداعى تٶسەك ورىن قورىنا ٷلكەن سالماق تٷسٸپ تۇرعاندىعى بايقالادى. اقتاۋ قالاسىنداعى ينفەكتسييالىق تٶسەك ورىن - 64,2%, رەانيماتسييالىق 69%-دى قۇرايدى, جاڭاٶزەن قالاسىنداعى ينفەكتسييالىق تٶسەك ورىن - 80%, رەانيماتسييالىق 43,7%-دٸ قۇرادى جەنە تەندەنتسييا ەلٸ دە ٶسەتٸندٸگٸن كٶرسەتٸپ وتىر. بۇدان بٶلەك اقتاۋ قالاسىندا وبلىستىق پەريناتالدىق ورتالىق دەڭگەيٸندە رەانيماتسييالىق تٶسەك ورىندارىنىڭ تاپشىلىعى سەزٸلەدٸ دەگەن بولجام بار. قازٸرگٸ ۋاقىتتا 10 رەانيماتسييالىق تٶسەك ورىندارىنىڭ 90% تولىق جەنە مودۋلدٸك ينفەكتسييالىق ستاتسيوناردىڭ 55 تٶسەك ورىنىنىڭ 69% تولىق», - دەدٸ دەنساۋلىق ساقتاۋ ۆيتسە-مينيسترٸ اجار عينييات.
اقتاۋ قالاسىنداعى ەكٸ ەمحاناعا جەنە ٷش ينفەكتسييالىق ستاتسيونارعا مونيتورينگ جٷرگٸزٸلگەن. 67 امبۋلاتورييالىق كارتا جەنە 31 اۋىر حەلدە جاتقان 31 مەديتسينالىق كارتاعا تالداۋ جاسالعان. نەتيجەسٸندە ەمحانالاردا موبيلدٸك بريگادالاردىڭ جەتٸسپەۋشٸلٸگٸ بايقالىپ وتىر, كوروناۆيرۋستىق حاتتامالاردىڭ كلينيكالىق ساقتالماۋى, امبۋلاتورييالىق دەڭگەيدە يممۋنومودۋلدٸك نەگٸزسٸز تاعايىنداۋ ورىن العان, ۆيرۋسقا قارسى جەنە انتيباكتەريالدى پرەپاراتتار, كوروناۆيرۋستىق ينفەكتسييا جۇقتىرعان ناۋقاستاردىڭ جاعدايىن ديناميكالىق باقىلاۋ كەزٸندە ۇيىمداستىرۋ جۇمىستارىندا بٸرقاتار كەمشٸلٸكتەر بولدى.
«ماڭعىستاۋ ٶڭٸرٸندەگٸ قازٸرگٸ احۋال دابىل قاعاتىنداي دەڭگەيگە جەتتٸ. سەبەبٸ الداعى ۋاقىتتا ورىنداردىڭ تەز تولىپ قالۋىنان تٶسەكورىن قورىنىڭ جەتٸسپەۋشٸلٸگٸ بايقالادى. تۇرعىندارعا ستاتسيونارلىق كٶمەكتٸڭ قولجەتٸمدٸلٸگٸ تٶمەندەپ كەتۋٸ دە ىقتيمال», - دەدٸ الەكسەي تسوي جيىندا.
بۇل رەتتە, جەرگٸلٸكتٸ اتقارۋشى ورگاندارعا اتالعان پروبلەمالاردى شۇعىل ارادا شەشۋ جٶنٸندە تاپسىرما بەرٸلدٸ.
