Densaýlyq saqtaý ministri Aleksei Tsoi Aqtaýda koronavirýsqa qarsy kúres jónindegi respýblikalyq shtabtyń otyrysyn ótkizdi. Otyrys barysynda aimaqtaǵy meditsinalyq kómek kórsetý máseleleri talqylanyp, problemalardy joiý boiynsha usynystar berildi, dep habarlaidy "Ult aqparat".
Mańǵystaý oblysy sońǵy aida, ózge aimaqtarmen salystyrǵanda koronavirýs juqtyrǵandar men infektsiialyq tósek oryndarynyń tolý syiymdylyǵy jaǵynan alǵa shyqqan.
«Búginde Mańǵystaý óńirindegi keibir aýdandaryndaǵy tósek oryn qoryna úlken salmaq túsip turǵandyǵy baiqalady. Aqtaý qalasyndaǵy infektsiialyq tósek oryn - 64,2%, reanimatsiialyq 69%-dy quraidy, Jańaózen qalasyndaǵy infektsiialyq tósek oryn - 80%, reanimatsiialyq 43,7%-di qurady jáne tendentsiia áli de ósetindigin kórsetip otyr. Budan bólek Aqtaý qalasynda oblystyq perinataldyq ortalyq deńgeiinde reanimatsiialyq tósek oryndarynyń tapshylyǵy seziledi degen boljam bar. Qazirgi ýaqytta 10 reanimatsiialyq tósek oryndarynyń 90% tolyq jáne modýldik infektsiialyq statsionardyń 55 tósek orynynyń 69% tolyq», - dedi Densaýlyq saqtaý vitse-ministri Ajar Ǵiniiat.
Aqtaý qalasyndaǵy eki emhanaǵa jáne úsh infektsiialyq statsionarǵa monitoring júrgizilgen. 67 ambýlatoriialyq karta jáne 31 aýyr hálde jatqan 31 meditsinalyq kartaǵa taldaý jasalǵan. Nátijesinde emhanalarda mobildik brigadalardyń jetispeýshiligi baiqalyp otyr, koronavirýstyq hattamalardyń klinikalyq saqtalmaýy, ambýlatoriialyq deńgeide immýnomodýldik negizsiz taǵaiyndaý oryn alǵan, virýsqa qarsy jáne antibakterialdy preparattar, koronavirýstyq infektsiia juqtyrǵan naýqastardyń jaǵdaiyn dinamikalyq baqylaý kezinde uiymdastyrý jumystarynda birqatar kemshilikter boldy.
«Mańǵystaý óńirindegi qazirgi ahýal dabyl qaǵatyndai deńgeige jetti. Sebebi aldaǵy ýaqytta oryndardyń tez tolyp qalýynan tósekoryn qorynyń jetispeýshiligi baiqalady. Turǵyndarǵa statsionarlyq kómektiń qoljetimdiligi tómendep ketýi de yqtimal», - dedi Aleksei Tsoi jiynda.
Bul rette, jergilikti atqarýshy organdarǵa atalǵan problemalardy shuǵyl arada sheshý jóninde tapsyrma berildi.
