دەنساۋلىق ساقتاۋ مينيسترٸ الەكسەي تسوي قازاقستاندا كوروناۆيرۋسقا قارسى ۆاكتسينانى قايتالاپ ەگۋدٸڭ مەرزٸمٸن اتادى. بۇل جايىندا Coronavirus2020.kz Telegram-كانالىنداعى ۆيدەودا جارييالاندى, دەپ حابارلايدى "ۇلت اقپارات".
«بٸزدە رەۆاكتسينالاۋ جوسپارلانىپ وتىر. قازٸرگٸ كەزدە تيٸستٸ قادامداردى ايقىنداپ جاتىرمىز. رەۆاكتسيناتسييانىڭ ەكٸ تٷرٸ بولادى. ۇجىمدىق يممۋنيتەتتٸ جالپى 60-70 پايىزعا جەتكٸزگەنگە دەيٸنگٸ شۇعىل ەكپە بار. سونىمەن قاتار, جوسپارلى رەۆاكتسيناتسييا ەسكەرٸلگەن. ول جىلىنا بٸر رەت بولادى. قازٸرگٸ كەزدە بٸز مەرزٸمدٸ پىسىقتاپ جاتىرمىز, سەبەبٸ قازاقستاندا ۆاكتسينالاۋ اقپان ايىنان باستاپ جٷرگٸزٸلدٸ. ادامداردىڭ باسىم بٶلٸگٸ ماۋسىم-شٸلدە كەزەڭٸندە ەكپە الدى. وسى ورايدا ولاردىڭ اعزاسىنداعى انتيدەنەلەر ەلٸ دە بار, ونىڭ دەڭگەيٸ دە جوعارى. سوندىقتان ەكٸنشٸ دوزانى العاننان سوڭ شامامەن 9 ايدان كەيٸن كٷنتٸزبەگە ەنگٸزٸلەدٸ. قازٸرگٸ كەزدە ەرٸپتەستەرمەن وسى مەسەلەنٸ قاراستىرىپ وتىرمىز», - دەدٸ تسوي.
ونىڭ ايتۋىنشا, قايتالاپ ەكپە جاساۋ تاقىرىبىن بٸرٸنشٸ كەزەكتە ٶتكەن جىلى ۆاكتسينا جٷرگٸزگەن اقش, يزرايل, رەسەي كٶتەرە باستادى. بۇل ەلدەردە بٸرٸنشٸ ۆاكتسينا سالىنعاننان بەرٸ 9 ايدان استام ۋاقىت ٶتٸپ كەتتٸ.
«بٸز ٷشٸن رەۆاكتسيناتسييا قازان ايىنا قاراي ٶزەكتٸ بولادى. ياعني, اقپان ايىنىڭ باسىندا بٸرٸنشٸ ەكپەنٸ العان بٸزدٸڭ ازاماتتارعا قاتىستى اتالعان مەرزٸم جەتكٸلٸكتٸ بولادى. سوندىقتان بۇل قادامدار انىقتالىپ جاتىر, ولاردى نورماتيۆتٸك تۇرعىدا بەكٸتەمٸز. دٷنيەجٷزٸلٸك دەنساۋلىق ساقتاۋ ۇيىمىمەن تاعى دا كونسۋلتاتسييا جٷرگٸزەمٸز», - دەدٸ مينيستر.
