قازاقستاندا ەلەكترساموكات جٷرگٸزۋشٸلەرٸنە قاتىستى جاڭا تالاپ ەنگٸزٸلدٸ. 25 تامىزدان باستاپ تروتۋارمەن جٷرگەن ازاماتتارعا 2 ايلىق ەسەپتٸك كٶرسەتكٸش (8650 تەڭگە) كٶلەمٸندە ايىپپۇل سالىنادى, دەپ حابارلايدى ult.kz.
جاڭا ٶزگەرٸس 24 ماۋسىمدا قابىلدانعان زاڭ اياسىندا ەنگٸزٸلدٸ. بۇعان دەيٸن ەلەكترساموكات جٷرگٸزۋشٸلەرٸ ۆەلوسيپەد جولى بولماعان جاعدايدا جاياۋ جٷرگٸنشٸلەرگە كەدەرگٸ كەلتٸرمەي, ساعاتىنا 6 شاقىرىمنان اسپايتىن جىلدامدىقپەن تروتۋارمەن جٷرۋگە قۇقىلى بولاتىن. ەندٸ بۇل نورما زاڭنان الىنىپ تاستالدى.
جاڭا تالاپقا سەيكەس, ەلەكترساموكات جٷرگٸزۋشٸلەرٸ الدىمەن ۆەلوسيپەد جولىمەن نەمەسە ۆەلوسيپەد جولاعىمەن قوزعالۋى تيٸس. ونداي مٷمكٸندٸك بولماعان جاعدايدا جولدىڭ وڭ جاق جيەگٸمەن نەمەسە جول جيەگٸمەن جٷرۋگە مٸندەتتٸ.
ەكٸمشٸلٸك قۇقىق بۇزۋشىلىق تۋرالى كودەكستٸڭ 615-بابىنا سەيكەس, جول قوزعالىسى ەرەجەسٸن العاش رەت بۇزعان ەلەكترساموكات جٷرگٸزۋشٸلەرٸنە 2 اەك كٶلەمٸندە ايىپپۇل سالىنادى. بۇل جازا ەندٸ تروتۋار مەن جاياۋ جٷرگٸنشٸلەر جولىندا زاڭسىز جٷرگەندەرگە دە قولدانىلادى.
ەلەكترساموكاتتار مەملەكەتتٸك تٸركەۋگە جاتپايتىندىقتان, قۇقىق بۇزۋشىلىقتى تٸركەۋ ٷشٸن پوليتسييا قىزمەتكەرلەرٸ جٷرگٸزۋشٸنٸ وقيعا ورنىندا توقتاتۋى قاجەت.
سونىمەن قاتار, 1 شٸلدەدەن باستاپ جالعا بەرٸلەتٸن (كيكشەرينگ) ەلەكترساموكاتتارعا جاڭا تالاپتار ەنگٸزٸلەدٸ. ولاردىڭ تەحنيكالىق بايقاۋدان ٶتۋٸ, مٸندەتتٸ ساقتاندىرۋ رەسٸمدەۋٸ, پايدالانۋشىنىڭ جٷرگٸزۋشٸ كۋەلٸگٸنٸڭ بولۋى جەنە مەملەكەتتٸك تٸركەۋدەن ٶتٸپ, نٶمٸرلٸك بەلگٸ الۋى مٸندەتتەلەدٸ. بۇل تالاپتار جەكە مەنشٸك ساموكاتتارعا قولدانىلمايدى.
ەگەر ەلەكترساموكات جٷرگٸزۋشٸسٸ پوليتسييانىڭ توقتاۋ تۋرالى زاڭدى تالابىن ورىنداماسا, ول ەكٸمشٸلٸك قۇقىق بۇزۋشىلىق تۋرالى كودەكستٸڭ 613-بابى بويىنشا جاۋاپقا تارتىلادى. مۇنداي جاعدايدا قۇقىق بۇزۋشى ٷش تەۋلٸككە دەيٸن ەكٸمشٸلٸك قاماۋعا الىنۋى مٷمكٸن. سونىمەن قاتار ساموكات ارنايى ايىپ تۇراعىنا قويىلادى.
جاڭا تالاپتاردىڭ باستى ماقساتى – جاياۋ جٷرگٸنشٸلەردٸڭ قاۋٸپسٸزدٸگٸن قامتاماسىز ەتۋ جەنە جول قوزعالىسى مەدەنيەتٸن ارتتىرۋ.
