قازاقستاننىڭ 17 قالاسىنداعى زاڭسىز قۇمار ويىن مەكەمەلەرٸن ٶز باقىلاۋىندا ۇستاپ كەلگەن اقش, يسپانييا, نەپال, بولگارييا, رەسەي جەنە قىرعىزستان ازاماتتارىنان قۇرالعان ۇيىمداسقان قىلمىستىق توپتار ۇستالدى. بۇل تۋرالى قر ٸشكٸ ٸستەر مينيسترلٸگٸنٸڭ باسپاسٶز قىزمەتٸنەن مەلٸم ەتتٸ, ەپ حابارلايدى "ۇلت اقپارات".
«ٶتكەن جىلى پوليتسييانىڭ اۋماقتىق دەپارتامەنتتەرٸنە جەنە ٸٸم-گە ازاماتتاردان رۇقسات ەتٸلگەن بينگو-كلۋبتاردا قۇمار ويىنداردىڭ (ونلاين كازينو, ەلەكتروندى رۋلەتكا, پوكەر جەنە ت.ب.) وينالاتىنى تۋرالى 70 ارىز كەلٸپ تٷستٸ», - دەلٸنگەن مينيسترلٸك حابارلاماسىندا.
مەلٸم ەتٸلگەندەي, بىلتىر ەلٸمٸزدٸڭ 17 قالاسىندا ورنالاسقان زاڭسىز قۇمار ويىن مەكەمەلەرٸنە باقىلاۋ جٷرگٸزٸپ كەلگەن بٸرنەشە ترانسۇلتتىق ۇيىمداسقان قىلمىستىق توپ قۇرىقتالدى.
«2018 جىلى ٸٸم-نٸڭ ارنايى توبى باس پروكۋراتۋرانىڭ كٶمەگٸمەن رەسپۋبليكا بويىنشا 5 اۋقىمدى شۇعىل-تەرگەۋ شارالارىن ٶتكٸزدٸ. نەتيجەسٸندە 17 قالادا 48 زاڭسىز قۇمار ويىن مەكەمەسٸن ٶز باقىلاۋلارىندا ۇستاپ كەلگەن 4 ترانسۇلتتىق ۇيىمداسقان قىلمىستىق توپ ۇستالدى («بينگو بۋم», «ميستەر بينگو», «زودياك», «يمپەريال», «رويال ۆيپ»). ٸس ماتەريالدارى سوتقا بەرٸلدٸ جەنە وسى ۋاقىتتا ٸس استانا قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالۋدا.
قىلمىستىق توپتىڭ ۇيىمداستىرۋشىلارى جەنە باسشىلارى اقش, يسپانييا, نەپال, بولگارييا, رەسەي جەنە قىرعىزستان ازاماتتارى بولىپ تابىلادى. بارلىق شەتەلدٸك ازاماتتىڭ تۇلعاسى انىقتالدى. ولاردىڭ ەكەۋٸ ۇستالدى, التاۋى حالىقارالىق ٸزدەۋگە جارييالاندى», - دەپ اتاپ ٶتتٸ مينيسترلٸكتەن.
ٸس بويىنشا كٷدٸكتٸ رەتٸندە 40-تان استام ادام ٶتۋدە. ونىڭ 9-ىنا قاتىستى «قاماۋعا الۋ» تٷرٸندەگٸ بۇلتارتپاۋ شاراسى قابىلداندى.
«2012 جىلدان باستاپ تەك «يمپەريال» كلۋب جەلٸسٸنٸڭ كٸرٸسٸ 7,5 ملرد تەڭگەدەن استام سوماعا جەتسە, «ميستەر بينگو» جەلٸسٸ - 3,5 ملرد تەڭگە, «زودياك» جەلٸسٸ 1,1 ملرد تەڭگە كٸرٸس تاپقان. قۇمار ويىندار مەكەمەلەرٸنٸڭ قىلمىستىق ەرەكەتٸنەن تٷسكەن تابىس تٷگەلدەي دەرلٸك جولعا قويىلعان ارنالار بويىنشا شەت مەملەكەتتەرگە اۋدارىلىپ وتىرعان», - دەلٸنگەن باسپاسٶز حابارلاماسىندا.
پوليتسييانىڭ حابارلاۋىنشا, رۇقسات ەتٸلگەن بينگو-كلۋبتار رەتٸندە تٸركەلٸپ, قۇمار ويىن وينالاتىن بۇل مەكەمەلەردە ادامدار ٸرٸ اقشالارىنان ايىرىلىپ جاتادى. تٸپتٸ, ويىنشىلار اقشانى قارىزعا نەمەسە نەسيە تٷرٸندە الىپ, اقشالاي قۇلدىققا ودان ارى ماتالا بەرەدٸ ەكەن.
«كەيدە اقشاسىنان ايىرىلىپ قالعانداردىڭ قىلمىسقا بارىپ جاتاتىنى دا بەلگٸلٸ. مەسەلەن, سوڭعى 2 جىلدا استانا قالاسىندا عانا ويىن ورىندارىنان تۇراقتى تٷردە شىقپايتىن كليەنتتەر 14 ويىن ورنىندا 27 قىلمىس (1 كٸسٸ ٶلتٸرۋ جاعدايى, 22 ۇرلىق, 2 توناۋ, 2 قاراقشىلىق) جاساعان», - دەدٸ ۆەدومستۆودان.
