27 اقپاندا اقش پرەزيدەنتٸ دونالد ترامپتىڭ بۇرىنعى ادۆوكاتى مايكل كوەن كونگرەستە ترامپقا قارسى كۋەلٸك ەتتٸ. ونىڭ سٶزٸنشە, اقش پرەزيدەنتٸ ۇلىنىڭ 2016 جىلى Trump Tower-دە رەسەي ٶكٸلدەرٸمەن كەزدەسكەنٸ جايلى جەنە اقش پرەزيدەنتٸ سايلاۋىندا ترامپتىڭ ساياسي بەسەكەلەسٸ رەتٸندە دەموكراتييالىق پارتييادان سايلاۋعا قاتىسقان حيللاري كلينتوننىڭ جەكە حاتتارى جارييا بولاتىنى تۋرالى الدىن الا بٸلگەن.
كونگرەستەگٸ كۋەلٸگٸندە كوەن ترامپ سايلاۋ الدى كامپانيياسى كەزٸندە دە مەسكەۋ قالاسىندا زەۋلٸم عيمارات سالۋ جوسپارىمەن شۇعىلدانعانىن ايتتى.
مايكل كوەن اقش كونگرەسٸ باقىلاۋ پالاتاسى ٶكٸلدەرٸنٸڭ الدىندا انت بەرٸپ تۇرىپ "ٶزٸمنٸڭ ەلسٸزدٸك كٶرسەتكەنٸمە, ترامپتى قورعاپ, ونىڭ جوعارىلاۋىنا ٷلەس قوسقانىما ۇيالامىن. ار-وجدانىما قۇلاق اسۋ ورنىنا ترامپتىڭ زاڭسىز ەرەكەتتەرٸن قولداعانىما ۇيالامىن. ميستەر ترامپتىڭ كٸم ەكەنٸن بٸلەمٸن. ول - نەسٸلشٸل, سۋايت جەنە الاياق" دەدٸ
كوەن ترامپ پەن ونىڭ سايلاۋ كامپانيياسى ٶكٸلدەرٸنٸڭ مەسكەۋمەن ىمىرالاسقانى جايلى ناقتى دەلەلٸ جوعىن ايتتى.
ۆەتنامدا كيم چەن ىنمەن كەزدەسۋدە جٷرگەن اقش پرەزيدەنتٸ كوەننىڭ كۋەلٸگٸن تەرٸسكە شىعاردى.
"ٶكٸنٸشكە وراي, مايكل كوەن مەنٸڭ ٶكٸلٸم سانالاتىن زاڭگەرلەرٸمنٸڭ بٸرٸ بولدى. ونىڭ مەنەن ٶزگە دە كليەنتتەرٸ بار ەدٸ. ول ٶتٸرٸك ايتقانى مەن الاياقتىعى ٷشٸن قازٸر عانا جوعارعى سوتتىڭ شەشٸمٸمەن ادۆوكاتتىق قىزمەتٸنەن ايىرىلدى. ترامپقا ەش قاتىسى جوق ويسىز ەرەكەتتەرگە باردى. ول تٷرمەدە ازىراق وتىرۋ ٷشٸن ٶتٸرٸك ايتىپ وتىر. قيياناتشىل زاڭگەر!", - دەپ جازدى اقش پرەزيدەنتٸ Twitter-دە.
