اقش پرەزيدەنتٸ دونالد ترامپ پەن رەسەي پرەزيدەنتٸ ۆلاديمير پۋتين سەنبٸ كٷنٸ تەلەفون ارقىلى ەڭگٸمە ٶتكٸزدٸ. بۇل ترامپتىڭ قىزمەتٸنە رەسمي كٸرٸسكەلٸ بەرٸ العاش رەت پۋتينمەن سٶيلەسۋٸ.
اق ٷي تاراتقان مەلٸمدەمەدە ەكٸ باسشىنىڭ 40 مينۋتقا جۋىق ۋاقىتقا سوزىلعان "پوزيتيۆتٸ" ەڭگٸمە "قۇراما شتاتتار مەن رەسەي اراسىنداعى جاقسارتۋدى قاجەت ەتەتٸن قارىم-قاتىناستاردىڭ ماڭىزدى باستاۋى" ەكەنٸ ايتىلعان.
«پرەزيدەنت ترامپ تا, پرەزيدەنت پۋتين دە بٷگٸنگٸ ەڭگٸمەدەن كەيٸن ەكٸ تاراپ تەرروريزممەن كٷرەس جەنە ٶزارا مٷددەلٸلٸك تانىتىپ وتىرعان كٷن تەرتٸبٸندەگٸ باسقا دا مەسەلەلەر بويىنشا جىلدام ٸلگەرٸلەيتٸن بولادى دەپ ٷمٸتتەنەدٸ» دەلٸنگەن اق ٷي مەلٸمدەمەسٸندە.
رەسەي پرەزيدەنتٸنٸڭ باسپاسٶز قىزمەتٸ تەلەفون ەڭگٸمەسٸ بارىسىندا ەكٸ ەلدٸڭ باسشىلارى "يسلام مەملەكەتٸ" تەررورلىق توبى مەن سيريياداعى وعان ۇقساس ٶزگە دە ۇيىمداردى جويۋ ماقساتىندا اقش پەن رەسەيدٸڭ ٸس-ەرەكەتتەرٸن شىنايى تٷردە ٷيلەستٸرۋدٸ جولعا قويۋدى" قۇپتايتىندارىن بٸلدٸردٸ دەپ حابارلادى. سونىمەن بٸرگە, پۋتين مەن ترامپ ەڭگٸمە بارىسىندا حالىقارالىق تاقىرىپتاعى ٶزگە دە مەسەلەلەردٸ, سونىڭ ٸشٸندە "تاياۋ شىعىستاعى احۋال, يراننىڭ يادرولىق باعدارلاماسى مەن كورەيا تٷبەگٸنە قاتىستى جاعداي, ۋكراينا داعدارىسىنىڭ نەگٸزگٸ اسپەكتٸلەرٸن" تالقىلادى دەيدٸ رەسەي تارابى. كرەملدٸڭ حابارلاۋىنشا, ۆلاديمير پۋتين مەن دونالد ترامپ ەكەۋارا كەزدەسۋگە دايىندىقتى باستاۋ تۋرالى كەلٸسكەن.
رەسەي پرەزيدەنتٸنٸڭ باسپاسٶز حاتشىسى دميتريي پەسكوۆتىڭ سٶزٸنشە, پۋتين مەن ترامپتىڭ ەڭگٸمەسٸندە رەسەيگە سالىنعان سانكتسييا مەسەلەسٸ قوزعالماعان.
اقش پرەزيدەنتٸنٸڭ باسپاسٶز حاتشىسى شون سپايسەردٸڭ ايتۋىنشا, ترامپ پۋتينمەن سٶيلەسپەس بۇرىن گەرمانييا كانتسلەرٸ انگەلا مەركەلمەن تەلەفون ارقىلى ەڭگٸمەلەسكەن.
