19 مامىردا اقش پرەزيدەنتٸ دونالد ترامپ كوروناۆيرۋستان ساقتانۋ ٷشٸن بەزگەك دەرٸسٸن ٸشٸپ جٷرگەنٸن جارييالادى. ازىق-تٷلٸك پەن مەديتسينا پرەپاراتتارىنىڭ قاۋٸپسٸزدٸگٸن باقىلاۋ جٶنٸندەگٸ فەدەرالدى باسقارما ٶتكەن ايدا بۇل دەرٸ اۋرۋحانادا ەمدەلٸپ جاتقان ادامعا عانا قولدانىلۋى مٷمكٸن ەكەنٸن ەسكەرتكەن.
باسپاسٶز بريفينگٸ كەزٸندە پرەزيدەنت ترامپ بٸر اپتادان بەرٸ گيدوكسيحلوروحين مەن قۇرامىندا مىرىشى بار قوسپا قابىلداپ جٷرگەنٸن ايتقان. پرەزيدەنت سٶزٸنە قاراعاندا, دەرٸگەر بۇل پرەپاراتتى قابىلداۋعا كەڭەس بەرمەگەن, دەگەنمەن اق ٷي دەرٸگەرٸنەن رەتسەپت جازىپ بەرۋدٸ سۇراعان.
اق ٷي دەرٸگەرٸ شون كونليدٸڭ رەسمي مەلٸمدەمەسٸنە قاراعاندا, ولار پرەپاراتتىڭ ارتىقشىلىعى مەن كەمشٸلٸگٸن تالقىلاپ, "پايداسى كٶبٸرەك" دەگەن شەشٸمگە كەلگەن.
پرەزيدەنت ترامپ بۇل پرەپاراتتىڭ تيٸمدٸلٸگٸ تەجٸريبە جٷزٸندە راستالماسا دا, ونى كوروناۆيرۋسقا قارسى تيٸمدٸ دەرٸ دەپ سانايتىنىن بٸرنەشە رەت ايتقان.
- گيدروكسيحلوروحيننٸڭ كورناۆيرۋستان ساقتايتىنىنا, يا ونى ەمدەيتٸنٸنە ەشبٸر دەلەل جوق, – دەيدٸ امەريكا مەديتسينا اسسوتسياتسيياسىنىڭ پرەزيدەنتٸ پەتري حارريس Associated Press اگەنتتٸگٸنە بەرگەن سۇقباتىندا. ونىڭ سٶزٸنشە, زەرتتەۋدٸڭ باستاپقى نەتيجەلەرٸ ٷلكەن ٷمٸت كٷتەرلٸكتەي ەمەس جەنە بۇل پرەپاراتتىڭ ورگانيزمگە قاۋٸپتٸ جاناما ەسەرٸ كٶپ بولۋى مٷمكٸن.
ٶكٸلدەر پالاتاسىنىڭ سپيكەرٸ نەنسي پەلوسي "جاسى مەن "سالماق ساناتىن" ەسكەرە وتىرىپ, پرەزيدەنت عالىمدار قۇپتاماعان پرەپەراتتى قابىلداماعانى جٶن بولاتىنىن" مەلٸمدەدٸ.
مامىر ايىنىڭ باس كەزٸندە اق ٷيدٸڭ ەكٸ قىزمەتكەرٸنەن COVID-19 ەسەرٸنە جەتكٸزەتٸن كوروناۆيرۋس انىقتالعان. سودان بەرٸ پرەزيدەنت پەن ۆيتسە-پرەزيدەنتكە ۆيرۋس جۇقتىرۋدان ساقتانىپ, ٸشٸنارا وقشاۋلاۋ شارالارى قولدانىلعان. اق ٷيدە جۇمىس ٸستەيتٸن ەكٸمشٸلٸك قىزمەتكەرلەرٸن مەديتسينالىق ماسكا تاعۋعا مٸندەتتەپ, پرەزيدەنت, ۆيتسە-پرەزيدەنت پەن ولاردىڭ كٶمەكشٸلەرٸن كٷن سايىن كورناۆيرۋس تەستٸنەن ٶتكٸزەتٸن بولعان.
