19 مامىردا اقش پرەزيدەنتٸ دونالد ترامپ يرانعا سوعىس اشپاۋدى قاتاڭ ەسكەرتتٸ. ترامپ ٶزٸنٸڭ Twitter پاراقشاسىنا "يران سوعىسقىسى كەلسە, ٶز تٷبٸنە ٶزٸ جەتەدٸ. بۇدان بىلاي اقش-قا قوقان-لوققى كٶرسەتۋشٸ بولماڭدار!" دەپ جازدى ترامپ تەگەرانعا قاراتا.
اقش-تىڭ مەلٸمدەۋٸنشە, تەگەران پارسى شىعاناعىندا قايىقتارعا زىمىراندارىن ورنالاستىرىپ, بٸرٸككەن اراب ەمٸرلٸكتەرٸنٸڭ جاعالاۋىندا تٶرت كەمەنٸ اتقىلاعان. يران مۇنى جوققا شىعاردى.
مۇنداي جازبا جارييالاماستان بٸرەر كٷن بۇرىن ترامپ اقش-تىڭ يرانعا قىسىمى داۋعا ۇلاسىپ كەتكەنٸن قالامايتىنىن ايتقان. 16 مامىردا پرەزيدەنت "اقش سوعىسقا دايىندالىپ جاتىر ما?" دەگەن جۋرناليستەر سۇراعىنا "دايىندالىپ جاتقان جوق دەپ ٷمٸتتەنەمٸن" دەپ جاۋاپ بەرگەن. تەگەران دا يران بيلٸگٸنٸڭ "سوعىستى قالامايتىنىن" ايتقان.
ەكٸ اپتا بۇرىن ۆاشينگتون پارسى شىعاناعىنا "اۆراام لينكولن" ۇشاق تاسىعىشىن قوندىرعان. اقش يرانعا قارسى 120 مىڭ ەسكەري جٸبەرگەلٸ جاتقانى جايلى دا حابار تارادى. بٸراق ترامپ مۇنى جوققا شىعارىپ, "سارباز جٸبەرۋ ەزٸرگە جوسپاردا جوق, بٸراق قاجەت بولسا, مۇنان كٶپ ەسكەري جٸبەرەمٸز" دەگەن. ارتىنشا ۆاشينگتون اقش-تىڭ يراكتاعى ەلشٸلٸگٸندە ٸستەيتٸن قىزمەتكەرلەرٸنٸڭ باسىم بٶلٸگٸن "يران قاتەرٸنەن سوڭ قاۋٸپسٸزدٸك ماقساتىندا" ەۆاكۋاتسييالادى.
ۆاشينگتون مەن تەگەران اراسىنداعى بۇل داۋ يران ٶتكەن اپتادا 2015 جىلعى يادرولىق كەلٸسٸم تالاپتارىنىڭ كەيبٸرٸن ورىنداۋدان باس تارتىپ, يادرولىق قارۋ دايىنداۋعا قاجەت بايىتىلعان ۋراندى قايتا ٶندٸرە باستايتىنىن ايتقان سوڭ تۋعان. يادرولىق كەلٸسٸم اياسىندا اقش يرانعا سانكتسيياسىن ازايتىپ, ەسەسٸنە تەگەران يادرولىق باعدارلاماسىنان باس تارتۋى كەرەك ەدٸ. بٸراق ۆاشينگتون "يران تالاپتاردى بۇزدى" دەپ بىلتىر بۇل كەلٸسٸمنەن شىعىپ كەتتٸ. ارتىنشا ترامپ تەگەرانعا سانكتسييانى قايتا كٷشەيتكەن.
