اقش پرەزيدەنتٸ دونالد ترامپ "يسلام مەملەكەتٸ" تەرروريستٸك توبىنىڭ جەتەكشٸسٸ ەبۋ بەكٸر ەل-باعداديدٸڭ سيرييا سولتٷستٸگٸندە امەريكا جاساقتارى ۇيىمداستىرعان ەسكەري وپەراتسييا كەزٸندە ٶلگەنٸن راستادى.
جەكسەنبٸ, 27 قازاندا اق ٷيدە ارنايى مەلٸمدەمە جاساعان ترامپ وپەراتسييانىڭ جاي-جاپسارىن باياندادى. الايدا ول وپەراتسييانىڭ ناقتى قاي اۋماقتا جٷرگٸزٸلگەنٸن ايتپادى. بۇعان دەيٸن قۇپييا دەرەككٶزگە سٷيەنگەن Reuters اگەنتتٸگٸ وقيعا ورنى رەتٸندە تٷركييامەن شەكارالاس يدليب پروۆينتسيياسىنداعى ەلدٸ مەكەندەردٸڭ بٸرٸن اتاعان.
ترامپتىڭ ايتۋىنشا, امەريكا ەسكەريلەرٸ وپەراتسييا اۋماعىنا سەگٸز تٸكۇشاقپەن جەتكٸزٸلگەن. اقش-تىڭ ەسكەري-ساياسي باسشىلىعى وپەراتسييانى تٸكەلەي ەفيردە باقىلاپ وتىرعان. ترامپتىڭ سٶزٸنشە, ارنايى جاساق ٶكٸلدەرٸمەن اتىس كەزٸندە ەل-باعداديدٸڭ جاقىندارى ٶلگەن. يم جەتەكشٸسٸ تۋننەل ارقىلى قاشىپ كەتپەك بولعان, اقىرىندا ۇستالاتىنىنا كٶزٸ جەتكەننەن كەيٸن ٶزٸن جارىپ جٸبەرگەن. ونىمەن بٸرگە كەمەلەتكە تولماعان ٷش بالاسى دا كٶز جۇمعان. بۇعان دەيٸن ەل-باعداديدٸڭ ەكٸ ەيەلٸ دە ٶزدەرٸن جارىپ جٸبەردٸ دەپ حابارلانعان ەدٸ. بٸراق ترامپتىڭ مەلٸمدەمەسٸندە ولار جايلى ايتىلمادى. اقش پرەزيدەنتٸنٸڭ سٶزٸنشە, ەل-باعدادي جاسىرىندى دەلٸنگەن ٷيدەن 11 بالا ەۆاكۋاتسييالانعان, ولار زارداپ شەكپەگەن. امەريكا جاعىنان ەشكٸم زارداپ شەكپەگەن.
اق ٷيدەگٸ باسپاسٶز جيىنىندا ترامپ "يسلام مەملەكەتٸ" تەرروريستٸك توبى جاساعان قىلمىستاردى سانامالاپ ٶتٸپ, ەلەم قاۋٸپسٸز بولا باستادى دەدٸ.
دونالد ترامپ وپەراتسيياعا كٶمەكتەسكەنٸ ٷشٸن رەسەي, تٷركييا, سيرييا جەنە كٷردتەرگە العىس ايتتى. ترامپتىڭ ايتۋىنشا, مىسالى رەسەي سيرييادا امەريكا جاساقتارىنا ەۋە دەلٸزٸن اشقان. الايدا اقش ەرٸپتەستەرٸ وپەراتسييانىڭ ناقتى ماقساتىن بٸلمەگەن.
ترامپتىڭ سٶزٸنشە, امەريكانىڭ بارلاۋ قىزمەتٸ ەكٸ اپتا بۇرىن "يسلام مەملەكەتٸ" توبى جەتەكشٸسٸنٸڭ قايدا ەكەنٸ تۋرالى دەرەك العان, سودان بەرٸ وپەراتسيياعا دايىندالعان.
حالىقارالىق باق-تىڭ جازۋىنشا, ەسكەري وپەراتسييا 27 قازانعا قاراعان تٷنٸ جٷرگٸزٸلگەن. يراك پەن سيرييادان يم ىعىستىرىلعاننان كەيٸن توپ جەتەكشٸسٸنٸڭ قايدا ەكەنٸ بەلگٸسٸز بولعان.
