AQSh prezidenti Donald Tramp "Islam memleketi" terroristik tobynyń jetekshisi Ábý Bákir ál-Baǵdadidiń Siriia soltústiginde Amerika jasaqtary uiymdastyrǵan áskeri operatsiia kezinde ólgenin rastady.
Jeksenbi, 27 qazanda Aq úide arnaiy málimdeme jasaǵan Tramp operatsiianyń jai-japsaryn baiandady. Alaida ol operatsiianyń naqty qai aýmaqta júrgizilgenin aitpady. Buǵan deiin qupiia derekkózge súiengen Reuters agenttigi oqiǵa orny retinde Túrkiiamen shekaralas Idlib provintsiiasyndaǵy eldi mekenderdiń birin ataǵan.
Tramptyń aitýynsha, Amerika áskerileri operatsiia aýmaǵyna segiz tikushaqpen jetkizilgen. AQSh-tyń áskeri-saiasi basshylyǵy operatsiiany tikelei efirde baqylap otyrǵan. Tramptyń sózinshe, arnaiy jasaq ókilderimen atys kezinde ál-Baǵdadidiń jaqyndary ólgen. IM jetekshisi týnnel arqyly qashyp ketpek bolǵan, aqyrynda ustalatynyna kózi jetkennen keiin ózin jaryp jibergen. Onymen birge kámeletke tolmaǵan úsh balasy da kóz jumǵan. Buǵan deiin ál-Baǵdadidiń eki áieli de ózderin jaryp jiberdi dep habarlanǵan edi. Biraq Tramptyń málimdemesinde olar jaily aitylmady. AQSh prezidentiniń sózinshe, ál-Baǵdadi jasyryndy delingen úiden 11 bala evakýatsiialanǵan, olar zardap shekpegen. Amerika jaǵynan eshkim zardap shekpegen.
Aq úidegi baspasóz jiynynda Tramp "Islam memleketi" terroristik toby jasaǵan qylmystardy sanamalap ótip, álem qaýipsiz bola bastady dedi.
Donald Tramp operatsiiaǵa kómekteskeni úshin Resei, Túrkiia, Siriia jáne kúrdterge alǵys aitty. Tramptyń aitýynsha, mysaly Resei Siriiada Amerika jasaqtaryna áýe dálizin ashqan. Alaida AQSh áriptesteri operatsiianyń naqty maqsatyn bilmegen.
Tramptyń sózinshe, Amerikanyń barlaý qyzmeti eki apta buryn "Islam memleketi" toby jetekshisiniń qaida ekeni týraly derek alǵan, sodan beri operatsiiaǵa daiyndalǵan.
Halyqaralyq BAQ-tyń jazýynsha, áskeri operatsiia 27 qazanǵa qaraǵan túni júrgizilgen. Irak pen Siriiadan IM yǵystyrylǵannan keiin top jetekshisiniń qaida ekeni belgisiz bolǵan.
