اقش پرەزيدەنتٸ دونالد ترامپ ٶزٸنٸڭ ۇلتتىق قاۋٸپسٸزدٸك مەسەلەلەرٸ جٶنٸندەگٸ بۇرىنعى كەڭەسشٸسٸ مايكل فلينگە "راقىمشىلىق جارييالادى". پرەزيدەنت بۇل جايىندا Twitter-دەگٸ پاراقشاسىندا جازدى.
2017 جىلى مايكل فلينن 2016 جىلعى قاراشاداعى اقش پرەزيدەنتٸ سايلاۋى مەن وندا جەڭٸسكە جەتكەن دونالد ترامپتىڭ 2017 جىلى قاڭتاردا ٶتكەن يناۋگۋراتسيياسىنا دەيٸنگٸ كەزەڭدە رەسەيدٸڭ اقش-تاعى ەلشٸسٸ سەرگەي كيسلياكپەن بايلانىستارى تۋرالى باسشىلىقتى حاباردار ەتپەگەنٸ ٷشٸن اقش پرەزيدەنتٸنٸڭ ۇلتتىق قاۋٸپسٸزدٸك جٶنٸندەگٸ كەڭەسشٸسٸ قىزمەتٸنەن كەتۋگەمەجبٷر بولعان. ول ٶتپەلٸ كەزەڭدە رەسەي ەلشٸسٸمەن بايلانىستارى جٶنٸندە اقش فەدەرالدىق تەرگەۋ بيۋروسىنا (فبر) جالعان مەلٸمەت بەرگەنٸن مويىنداعان بولاتىن. سول ٷشٸن ونىڭ ٷستٸنەن قىلمىستىق ٸس قوزعالىپ, تٷرمە جازاسىن الۋ قاۋپٸ تۋىنداعان.
الايدا اقش-تىڭ ارنايى پروكۋرورى روبەرت ميۋللەر سوتتان وعان باس بوستاندىعىن ايىرۋ جازاسىن بەرمەۋدٸ ٶتٸنگەن. ايىپتاۋ تارابىنىڭ ايتۋىنشا, فلينن رەسەيدٸڭ اقش-تاعى سايلاۋعا كيلٸگۋٸ تۋرالى قۇندى اقپارات بەرگەن. ارنايى پروكۋرور بەرگەن قۇجاتتا فليننەن 19 رەت جاۋاپ الىنعانى جازىلعان.
باستاپقىدا فلينن تاعىلعان ايىپتاردى مويىنداپ, تەرگەۋ ورگاندارىمەن بٸرلەسٸپ ەرەكەت ەتكەن, الايدا كەيٸنٸرەك ادۆوكاتىن اۋىستىرىپ, ايىپتاردان باس تارتتى.
بيىل ەدٸلەت مينيسترلٸگٸ فلينگە تاعىلعان ايىپتاردى الىپ تاستاعان. ۆەدومستۆو فبر جٷرگٸزگەن تەرگەۋ امالدارىنىڭ "بارلاۋ قىزمەتٸ مەلٸمەتتەرٸمەن" سەيكەس ەمەستٸگٸن العا تارتقان. الايدا سوت سول كٷيٸ اياقتالماعان ەدٸ.
اقش تەرگەۋ ورىندارى سونىمەن بٸرگە فليننٸڭ سايلاۋعا دەيٸنگٸ ٸسكەرلٸك بەلسەندٸلٸگٸنە دە نازار اۋدارعان. مىسالى, فلينن رەسەيلٸك Russia Today ارناسىنىڭ 10 جىلدىعىن اتاپ ٶتۋ شاراسىنا قاتىسىپ, رەسەي باسشىسى ۆلاديمير پۋتينمەن قاتار وتىرعان.
Washington Post گازەتٸنە بەرگەن سۇحباتىندا فلينن پۋتينمەن ايتارلىقتاي ماڭىزدى ەشنەرسە جايلى سٶيلەسپەگەنٸن, تەك ٶزٸن قىسقاشا تانىستىرعانىن ايتقان. گەنەرال سونىمەن بٸرگە امەريكالىق جۋرناليستەرگە Russia Today-دەن "اقىل-كەڭەس ايتقانى ٷشٸن" قارجىلاي سىياقى العانىن دا ايتقان.
رەسەيدٸڭ اقش-تاعى سايلاۋعا ارالاسۋ ٸسٸ بويىنشا وسىعان دەيٸن ترامپتىڭ قاراماعىندا ٸستەگەن بٸرقاتار قىزمەتكەرلەر جاۋاپقا تارتىلعان, بٸراق ولاردىڭ ەشقايسىسىنا رەسەيمەن استىرتىن سٶز بايلاستى دەگەن ايىپ تاعىلمادى.
