اقش پرەزيدەنتٸ دونالد ترامپ 8 قاڭتار كٷنٸ ەلدٸڭ جاڭا سايلانعان پرەزيدەنتٸ دجو بايدەننٸڭ يناۋگۋراتسيياسىنا قاتىسپايتىنىن ايتتى.
"سۇراپ وتىرعانداردىڭ بەرٸنە ايتارىم, مەن 20 قاڭتارداعى يناۋگۋراتسيياعا بارمايمىن" دەپ جازدى ترامپ Twitter-اككاۋنتىندا.
اقش-تا پرەزيدەنتتٸڭ اۋىسۋى بيىل ەرەكشە جاعدايدا ٶتٸپ جاتىر. ترامپ قاراشاداعى پرەزيدەنت سايلاۋىندا بايدەنگە جەڭٸلگەنٸن مويىنداماي, بٸرنەشە شتاتتا داۋىستى قايتا ساناۋدى تالاپ ەتٸپ سوتقا جٷگٸندٸ, تٸپتٸ جوعارعى سوتقا دا شاعىمداندى. ونىڭ بەرٸ ترامپ كومانداسى ٷشٸن سەتسٸز اياقتالدى, شتاتتار سايلاۋ نەتيجەسٸن راستادى, جوعارى سوت شاعىمداردى قاناعاتتاندىرمادى. 3 قاڭتار كٷنٸ ترامپتىڭ دجوردجييا شتاتىنىڭ حاتشىسى برەد راففەنسپەرگەرگە سوققان قوڭىراۋىندا ونىڭ شتاتتاعى سايلاۋدى ٶتكٸزۋگە جاۋاپتى ەڭ جوعارى لاۋازىمدى تۇلعاعا قىسىم كٶرسەتكەنٸ ەشكەرە بولدى.
ال 6 قاڭتار كٷنٸ كونگرەستٸڭ پرەزيدەنت سايلاۋى نەتيجەسٸن بەكٸتۋٸ تيٸس ورتاق جيىنى باستالعاندا ترامپتىڭ اشۋلى جاقتاستارى كونگرەسمەندەر وتىراتىن كاپيتوليي عيماراتىنا باسىپ كٸرٸپ, جيىندى بۇزدى. مۇنىڭ الدىندا ترامپ اق ٷي الدىندا جاقتاستارىمەن ميتينگ ٶتكٸزگەن. ەندٸ دەموكراتتار مەن كەي رەسپۋبليكاشىلدار ترامپتى جاقتاستارىن زورلىق ەرەكەتٸن جاساۋعا ارانداتتى دەپ ايىپتاپ وتىر.
پارتييالاستارىنىڭ جەنە ٶزگە دە تاراپتاردىڭ تالابىنان سوڭ ترامپ بيلٸك اۋىسۋى "قالىپتى تەرتٸپتە" ٶتەتٸنٸن مەلٸمدەگەن.
ترامپ سايلاۋ نەتيجەسٸن مويىندامايتىنىن ايتقانىمەن, ونىڭ ٶز ەكٸمشٸلٸگٸ سايلاۋ ەدٸلەتتٸ ٶتتٸ دەيدٸ. ال ۆيتسە-پرەزيدەنت مايك پەنس يناۋگۋراتسيياعا قاتىسقالى وتىر.
اقش-تىڭ جاڭا سايلانعان پرەزيدەنتٸ دجو بايدەن قىزمەتٸنە 20 قاڭتار كٷنگٸ يناۋگۋراتسييادان كەيٸن كٸرٸسەدٸ.
دونالد ترامپ پرەزيدەنتتٸگٸنٸڭ سوڭعى ساعاتتارىن قالاي ٶتكٸزەتٸنٸ تۋرالى ەشقانداي مەلٸمدەمە جاسامادى. Reuters اگەنتتٸگٸ ٶزٸنٸڭ دەرەككٶزٸنە سٸلتەي وتىرىپ, قىزمەتٸنٸڭ سوڭعى كٷنٸ ترامپتىڭ فلوريدا شتاتىنا ساياحاتتاعالى وتىرعانىن حابارلادى.
ترامپ اقش-تىڭ 1869 جىلدان بەرگٸ تاريحىندا ٶزٸنەن كەيٸنگٸ پرەزيدەنتتٸڭ انت بەرۋ رەسٸمٸنە قاتىسپاعان العاشقى پرەزيدەنت بولماق. 1869 جىلى پرەزيدەنت ەندريۋ دجونسون پرەزيدەنت ۋليسس س. گرانتتىڭ يناۋگۋراتسيياسىنا بارماعان.
وسىعان دەيٸن قىزمەتٸنەن كەتٸپ جاتقان جەنە قىزمەتكە ەندٸ كەلٸپ جاتقان پرەزيدەنتتەر كاپيتولييدەگٸ رەسٸمگە بٸرگە باراتىن. بۇل بيلٸكتٸڭ بەيبٸت جولمەن اۋىسىپ جاتقانىنىڭ بەلگٸسٸ بولاتىن.
6 قاڭتار كٷنگٸ وقيعا سالدارىنان بارلىعى بەس ادام قازا تاپتى. سونىڭ بٸرٸ پوليتسييا قىزمەتكەرٸ. كونگرەسس جيىنى بٸرنەشە ساعاتتىق ٷزٸلٸستەن كەيٸن قايتا جالعاستى, بايدەننٸڭ پرەزيدەنتتٸگٸن بەكٸتٸپ بەردٸ.
