بٷگٸن اقش-تا جاڭا سايلانعان پرەزيدەنت دونالد ترامپتى ۇلىقتاۋ رەسٸمٸ ٶتتٸ. بۇل سالتاناتتى شاراعا مىڭداعان ادام قاتىستى.
اقش-تىڭ جاڭا پرەزيدەنتٸ دونالد ترامپ ٶزٸ ٷشٸن ەڭ ماڭىزدى ساياسي باسىمدىلىق امەريكا ەكەنٸن مەلٸمدەدٸ. ۆاشينگتوندا ٶتكەن ۇلىقتاۋ رەسٸمٸندەگٸ سٶزٸندە ترامپ بارلىق شەشٸمدەرٸن, ونىڭ ٸشٸندە سىرتقى ساياساتتاعى ٸس-قيمىلدارىن وسىنداي ۇستانىمعا نەگٸزدەيتٸنٸن ايتتى.
ول امەريكالىقتار ٷشٸن جۇمىس ورىندارىن اشىپ, شەكارانى نىعايتۋعا ۋەدە بەردٸ.
حالىقارالىق مەسەلەلەرگە كەلگەندە ترامپ بٷكٸل ەلەمدٸ "يسلامشىل تەرروريزمگە" قارسى جۇمىلدىراتىنىن, بۇرىنعى وداقتاردى رەفورمالاپ, جاڭالارىن قۇراتىنىن ەسكەرتتٸ.
"ەرەكەت قىلاتىن مەزگٸل تۋدى, بوس ەڭگٸمەنٸڭ زامانى ٶتتٸ" دەدٸ ول.
سەل بۇرىنىراق, يناۋگۋراتسيياسى باستالار قارساڭدا دونالد ترامپ ۆاشينگتونداعى ەۋليە يوان شٸركەۋٸنە كٸرٸپ شىققان.
ول بۇعان دەيٸن ارلينگتون زيراتىنداعى بەلگٸسٸز سولدات قابٸرٸنە گٷل شوعىن قويىپ, ۆاشينگتوننىڭ ورتالىعىنداعى مەرەكەلٸك كونتسەرتكە بارعان. "بٸز امەريكانى بٸرٸكتٸرٸپ, ونى قايتادان ۇلى ەل جاساعىمىز كەلەدٸ" دەگەن كونتسەرتتە سٶيلەگەن ترامپ.
دونالد ترامپتىڭ يناۋگۋراتسيياسىنا قىزمەتٸنەن كەتٸپ بارا جاتقان پرەزيدەنت باراك وباما مەن ۆيتسە-پرەزيدەنت دجو بايدەن وتباسىمەن قاتىستى. سالتاناتتى شاراعا اقش-تىڭ بۇرىنعى پرەزيدەنتتەرٸ دجيممي كارتەر, كٸشٸ دجوردج بۋش شاقىرىلعان. ۇلىقتاۋ رەسٸمٸندە بيلل كلينتون مەن ونىڭ جۇبايى - پرەزيدەنت سايلاۋىندا ترامپقا بەسەكەلەس بولعان حيللاري كلينتون دا تٶبە كٶرسەتتٸ.
ۇلىقتاۋ رەسٸمٸ الدىندا دونالد ترامپ جۇبايى مەلانيامەن اق ٷيدە مەرزٸمٸ اياقتالعان پرەزيدەنت باراك وبامامەن جەنە بٸرٸنشٸ حانىم ميشەل وبامامەن كەزدەسٸپ, داستارحاننان دەم اۋىز تيدٸ. بۇل قىزمەتٸنە كٸرٸسەتٸن جەنە تاپسىرىپ بەرەتٸن پرەزيدەنتتەردٸڭ دەستٷرٸ. بۇدان سوڭ ەرلٸ-زايىپتى ترامپ پەن وبامالار كونگرەسس عيماراتىنا بەت الدى.
رەسمي شاراعا كونگرەسس مٷشەلەرٸ قاتىستى, بٸراق ٶكٸلدەر پالاتاسىنداعى دەموكراتتاردىڭ ٷشتەن بٸرٸ يناۋگۋراتسيياعا بويكوت جارييالاعان.
دونالد ترامپ اقش پرەزيدەنتٸ قىزمەتٸنە كٸرٸسەر الدىندا انت بەرٸپ تۇر. ۆاشينگتون, 20 قاڭتار 2017 جىل
دەستٷرگە سەيكەس يناۋگۋراتسييا كەزٸندە دونالد ترامپ اقش-تىڭ 45-پرەزيدەنتٸ رەتٸندە تٶرت جىلدىق قىزمەتٸنە كٸرٸسەر الدىندا انت بەردٸ. انتتى اقش-تىڭ جوعارعى سوت تٶراعاسى دجون روبەرتس قابىلدادى.
ەۋەلٸ انت بەرۋ رەسٸمٸنەن جاڭا سايلانعان ۆيتسە-پرەزيدەنت مايك پەنس ٶتتٸ. ۆيتسە-پرەزيدەنتتەر 1937 جىلدان بەرٸ پرەزيدەنتتەرمەن بٸرگە انت بەرەدٸ. كونستيتۋتسيياعا سەيكەس ۆيتسە-پرەزيدەنت شارتتى تٷردە شەشۋشٸ داۋىسقا يە سەنات باسشىسى بولىپ سانالادى.
يناۋگۋراتسييا كٶبٸنە ناۋرىز ايىندا ٶتٸپ كەلگەن. فرانكلين رۋزۆەلتتٸڭ كەزٸندە ٶكٸلەتتٸ تاپسىرۋ پروتسەسٸ تىم سوزىلىپ كەتپەۋٸ ٷشٸن بۇل رەسٸمدٸ تەزٸرەك ٶتكٸزۋ تۋرالى شەشٸم قابىلدانعان.
دونالد ترامپ — اقش تاريحىنداعى پرەزيدەنتكە اينالعان العاشقى ميللاردەر كەسٸپكەر. Reuters اگەنتتٸگٸنٸڭ حابارلاۋىنشا, يناۋگۋراتسييادان كەيٸنگٸ العاشقى جۇمىس كٷنٸ, سەنبٸدە ترامپ تسرۋ-دٸڭ باس كەڭسەسٸنە كٸرٸپ شىعادى. بۇعان دەيٸن ول اقش-تىڭ بارلاۋ قىزمەتتەرٸن بٸرنەشە مەرتە سىناعان.
يناۋگۋراتسيياعا وراي ۆاشينگتونعا 900 مىڭعا جۋىق ادام جينالادى دەپ بولجانعان. اقش استاناسىندا قاۋٸپسٸزدٸك شارالارى قاتتى كٷشەيتٸلٸپ, 28 مىڭعا تارتا پوليتسييا قىزمەتكەرٸ كٶشەلەر مەن جولدارعا قورشاۋلار مەن بلوكپوستتار قويدى, ورتالىق الاڭدا قۇم تيەگەن جٷك كٶلٸكتەرٸ تۇردى.
اقش-تىڭ جاڭا سايلانعان پرەزيدەنتٸ دونالد ترامپ پەن زايىبى مەلانيا (ورتاداعى جۇپ) اق ٷيگە كٸرٸپ, مەرزٸمٸ بٸتكەن پرەزيدەنت باراك وبامامەن جەنە بٸرٸنشٸ حانىم ميشەل وبامامەن كەزدەسٸپ تۇر. 20 جەلتوقسان 2017 جىل.
قاڭتاردىڭ 20-سىندا ۆاشينگتون مەن نيۋ-يوركتە جەنە باسقا دا قالالاردا دونالد ترامپقا قارسى جاپپاي نارازىلىق شەرۋلەرٸ ٶتەدٸ دەپ جوسپارلانعان. نارازىلاردىڭ سٶزٸنشە, بۇل شەرۋ اق ٷيدەگٸ بيلٸككە كەلەتٸن جاڭا ەكٸمشٸلٸكتٸڭ ەلدەگٸ سايلاۋ قۇقىعى, دەنساۋلىق ساقتاۋ جەنە قىلمىستىق قۇقىق سالالارىندا جٷزەگە اسىرۋ بەلگٸلەنگەن رەفورمالاردان باس تارتۋىنا, سونىمەن بٸرگە يمميگرانتتارعا قارسى شارالاردى كٷشەيتۋٸنە جول بەرمەۋ ماقساتىن كٶزدەيدٸ.
اپتانىڭ باسىندا Washington Post پەن ABC News-تٸڭ ساۋالناماسى بويىنشا ترامپتىڭ جاڭا سايلانعان پرەزيدەنت رەتٸندە رەسپوندەنتتەردٸڭ 40 پايىزىنىڭ عانا ماقۇلداۋىنا يە بولعانى حابارلانعان. بۇل - 1977 جىلعى دجيممي كارتەردٸڭ كەزٸنەن بەرگٸ ەڭ تٶمەنگٸ كٶرسەتكٸش.
ٶتكەن اپتادا اقش-تىڭ ۇلتتىق بارلاۋ قىزمەتٸ پرەزيدەنت سايلاۋى كەزٸندە حاكەرلٸك شابۋىلدارعا قاتىستى ەسەبٸن جارييالاعان. قۇجاتتا رەسەي پرەزيدەنتٸ ۆلاديمير پۋتيننٸڭ "اقش-تاعى سايلاۋدا ترامپتىڭ جەڭٸپ شىعۋىنا ىقپال ەتۋ ماقساتىندا جاسىرىن كامپانييا جٷرگٸزۋگە پەرمەن بەرگەنٸ" ايتىلادى. مەسكەۋ مۇنداي شابۋىلعا قاتىسى جوعىن مەلٸمدەدٸ. ترامپ پەن ونىڭ جاقتاستارى دا بايانداما قورىتىندىسىن جوققا شىعاردى.
دونالد ترامپتىڭ ٶزٸ بۇعان دەيٸن بٸرنەشە رەت اقش ارنايى قىزمەتٸن سىناعان. ول رەسەيمەن قارىم-قاتىناستى جاقسارتۋعا شاقىرىپ, باراك وبامانىڭ رەسەي اقش-تا حاكەرلٸك شابۋىلدار جاسادى دەگەن ايىپتاۋدان سوڭ مەسكەۋگە قارسى سالعان سانكتسييالارىن جەڭٸلدەتۋ مٷمكٸندٸگٸن قاراستىراتىنىن مەلٸمدەگەن. دونالد ترامپ "رەسەي اقش-پەن دوستىق قارىم-قاتىناس ورناتىپ, تەرروريزمگە قارسى كٷرەستە جەنە اقش ٷشٸن ماڭىزدى باسقا دا مەسەلەلەردە جەردەم تانىتاتىن بولسا, وندا رەسەيگە قارسى كەي سانكتسييالاردى جويۋ مەسەلەسٸن نەگە قاراستىرماسقا" دەگەن پٸكٸر بٸلدٸرگەن.
رەسەي 2014 جىلى قىرىمدى اننەكسييالاپ, ۋكراينانىڭ شىعىسىنداعى ەكٸ وبلىستىڭ بٸرنەشە اۋدانىن باسىپ العان سەپاراتيستەرگە دەم بەرگەنٸ ٷشٸن اقش-پەن جەنە ەو-مەن قارىم-قاتىناسى قاتتى ناشارلاپ كەتكەن. باتىس ەلدەرٸ كرەملگە ەكونوميكالىق سانكتسييالار سالىپ, ۆاشينگتون مەن مەسكەۋدٸڭ اراسى "قىرعي-قاباق سوعىس" كەزٸندەگٸدەي سۋىعان.
ازاتتىق
