اقش پرەزيدەنتٸ دونالد ترامپ اۋقىمدى حاكەرلٸك شابۋىل تۋرالى العاش رەت پٸكٸر بٸلدٸردٸ. وسىعان دەيٸن ەلدٸڭ مەملەكەتتٸك دەپارتامەنتٸ جەنە كيبەر قاۋٸپسٸزدٸك جٶنٸندەگٸ ماماندارى شابۋىلدىڭ ارتىندا رەسەيدٸڭ بارلاۋ قىزمەتٸ تۇر دەگەن. ترامپ بۇل تۇجىرىمعا كٷمەن كەلتٸرٸپ, شابۋىلدىڭ ارتىندا قىتاي ٷكٸمەتٸ تۇرۋى مٷمكٸن دەدٸ.
ترامپ "حاكەرلٸك شىن ٶمٸردەن گٶرٸ باسپاسٶز بەتتەرٸندە كٶبٸرەك كەزدەسەدٸ" دەپ, جاعدايدىڭ "باقىلاۋدا" ەكەنٸن ايتتى.
"رەسەي, رەسەي, رەسەي – قانداي دا بٸر جاعداي بولسا, بەرٸنٸڭ ايتاتىنى وسى, ٶيتكەنٸ بەلدٸ باسىلىمدار مۇنىڭ قىتاي بولۋى مٷمكٸن ەكەنٸن تالقىلاۋدان قورقادى. ونىڭ نەگٸزگٸ سەبەبٸ قارجىدا" دەپ جازدى ترامپ Twitter جەلٸسٸندە.
اق ٷي باسشىسى سونداي-اق سايلاۋ كەزٸندە داۋىس بەرۋ اپپاراتتارىنا دا حاكەرلٸك شابۋىل جاسالعان بولۋى مٷمكٸن دەدٸ, ونىڭ سايلاۋعا ىقپالىن مەڭزەدٸ. وسى جازباسىندا ەلدٸڭ قازٸرگٸ پرەزيدەنتٸ قاراشا ايىنداعى پرەزيدەنت سايلاۋىندا "مەن جەڭدٸم" دەپ باياعى مەلٸمدەمەسٸن قايتالادى.
Twitter جەلٸسٸ ترامپتىڭ بۇل جازباسىنا "جالعان اقپارات" دەگەن بەلگٸ قويىپ, سايلاۋدىڭ شىنايى جەڭٸمپازى دجون بايدەن ەكەنٸن, وعان 306 ەلەكتوردىڭ داۋىسى بەرٸلگەنٸن, بۇل نەتيجەنٸڭ 14 جەلتوقساندا بەكٸتٸلگەنٸن ەسكەرتتٸ.
بەيسەنبٸ, 17 جەلتوقسان كٷنٸ دونالد ترامپ ەكٸمشٸلٸگٸ مەن جاڭا سايلانعان پرەزيدەنت دجو بايدەن اقش ٷكٸمەتٸنٸڭ كومپيۋتەرلٸك جەلٸلەرٸنە اۋقىمدى حاكەرلٸك شابۋىل جاسالدى دەپ دابىل قاقتى.
اقش ٸشكٸ قاۋٸپسٸزدٸك دەپارتامەنتٸنٸڭ كيبەر بٶلٸمٸ شابۋىلدىڭ "فەدەرالدى ٷكٸمەتكە, شتاتتاردىڭ ەكٸمشٸلٸگٸنە, مۋنيتسيپاليتەتتەرگە, سونداي-اق اسا ماڭىزدى ينفراقۇرىلىم وبەكتٸلەرٸنە جەنە جەكە سەكتورداعى ٶزگە دە مەكەمەلەرگە ەدەۋٸر قاتەر تٶندٸرەدٸ" دەدٸ.
شابۋىلدان زارداپ شەككەندەر قاتارىندا اقش ەنەرگەتيكا, قارجى جەنە ساۋدا مينيسترلٸكتەرٸ جەنە Microsoft كومپانيياسى بار.
اقش مەملەكەتتٸك حاتشىسى مايك پومپەو امەريكالىق جۋرناليست مارك لەۆينگە بەرگە سۇحباتىندا شابۋىلدىڭ ارتىندا رەسەي تۇرعانىن ايتتى.
