اقش پرەزيدەنتٸ دونالد ترامپ 5 اقپاندا كونگرەستە جاساعان جولداۋىندا اقش يننوۆاتسييا جاعىنان ٶزگە ەلدەردٸڭ بارلىعىن باسىپ وزادى دەپ مەلٸمدەدٸ. ول بۇل تۋرالى رەسەيمەن جاساسقان قارۋ-جاراققا باقىلاۋ كەلٸسٸمٸنەن شىعۋ تۋرالى شەشٸمٸنە بايلانىستى سٶزٸندە ايتتى.
بۇعان دەيٸن اق ٷي اقش 2 اقپاننان باستاپ ورتا جەنە قىسقا قاشىقتىققا ۇشاتىن زىمىرانداردى جويۋ تۋرالى 1987 جىلى سسسر-مەن جاسالعان كەلٸسٸمنەن شىعۋ پروتسەسٸن باستايدى دەپ مەلٸمدەگەن. مەسكەۋ بۇعان جاۋابىندا رەسەيدٸڭ دە ول كەلٸسٸمنەن شىعاتىنىن ايتقان.
اقش رەسەيدٸ 2014 جىلى اتالعان كەلٸسٸمدٸ بۇزدى دەپ ايىپتاعان. رەسەي ول ايىپتاۋدى بٸرنەشە رەت جوققا شىعارعان. ەلەمدەگٸ ەڭ جويقىن قارۋ-جاراقتىڭ ٷلكەن قورىنا يە قوس مەملەكەتتٸڭ بۇل مەلٸمدەمەلەرٸ ەكەۋٸنٸڭ ٶزارا قارۋلانۋ بەسەكەسٸنە ۇلاسىپ كەتپەي مە دەگەن الاڭداۋشىلىققا سەبەپ بولىپ وتىر.
ترامپ جولداۋىندا اقش-تىڭ زىمىرانعا قارسى قازٸرگٸ زامانعى ەڭ وزىق قورعانىس جٷيەسٸن ەزٸرلەپ جاتقانىن مەلٸمدەدٸ.
"بٸز كەلٸسٸمدٸ بۇلجىتپاي ورىنداپ وتىرعان كەزدە رەسەي ونى بٸرنەشە رەت بۇزدى. بٸرنەشە جىل بويى سولاي بولىپ كەلدٸ" دەدٸ ول. "بەلكٸم قىتاي مەن ٶزگە ەلدەردٸ قوسىپ باسقا كەلٸسٸم جاساۋ جٶنٸندە كەلٸسسٶز ٶتكٸزەتٸن شىعارمىز, ەگەر ولاي بولماسا بٸز جۇمسايتىن شىعىس پەن يننوۆاتسييا جاعىنان بارلىعىنان وزامىز" دەدٸ ترامپ.
قاناتتى جەنە بالليستيكالىق زىمىراندارعا تىيىم سالاتىن كەلٸسٸم قارۋ-جاراقتى باقىلاۋ سالاسىنداعى نەگٸزگٸ قۇجات سانالادى.
